ନୂଆଦିଲ୍ଲୀ: ବର୍ତ୍ତମାନ ଋଷ-ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ଦେଖିଲେ ଲାଗୁଛି ସାରା ବିଶ୍ୱ ଧିରେ ଧିରେ ଯୁଦ୍ଧ ଆଡକୁ ଗତି କରୁଛି। ଏଭଳି ପରିସ୍ଥିତିରେ ସାରା ବିଶ୍ୱରେ ସୈନ୍ୟବାହିନୀ ଏବଂ ଅସ୍ତ୍ରଶସ୍ତ୍ରରେ ବର୍ତ୍ତମାନ ଯେତିକି ପରିମାଣରେ ଖର୍ଚ୍ଚ କରାଯାଉଛି, ପୂର୍ବରୁ ସେତିକି ପରିମାଣରେ ଖର୍ଚ୍ଚ ହୋଇନାହିଁ। ସ୍ୱୀଡେନର ଷ୍ଟକହୋମ ଆନ୍ତର୍ଜାତୀୟ ଶାନ୍ତି ଅନୁସନ୍ଧାନ ପ୍ରତିଷ୍ଠାନ (SIPRI) କହିଛି ଯେ ମାରାତ୍ମକ ଅସ୍ତ୍ରଶସ୍ତ୍ର, ଗୁଳିଗୋଳା ଏବଂ ସାମରିକ ଉପକରଣ ପାଇଁ ଦେଶଗୁଡ଼ିକ ବର୍ତ୍ତମାନ ଯେତେ ଟଙ୍କା ଖର୍ଚ୍ଚ କରୁଛନ୍ତି ତାହା ପୂର୍ବରୁ କରାଯାଇ ନାହିଁ।
ଏସଆଇପିଆରଆଇ ସୋମବାର ଏହାର ରିପୋର୍ଟରେ କହିଛି ଯେ ୨୦୨୩ରେ ବିଶ୍ୱର ସାମରିକ ଖର୍ଚ୍ଚ ଏକ ନୂତନ ରେକର୍ଡରେ ପହଞ୍ଚିଛି। ଏହି ରିପୋର୍ଟ ଅନୁଯାୟୀ, ୨୦୨୩ରେ ସାମରିକ ଖର୍ଚ୍ଚ ୨୦୨୨ ତୁଳନାରେ ୬.୮ ପ୍ରତିଶତ ବୃଦ୍ଧି ହୋଇ ୨୪.୪ ଟ୍ରିଲିୟନ ଡଲାରରେ ପହଞ୍ଚିଛି। ଯେତେବେଳେ କି ୨୦୨୨ ମସିହାରେ ଏହି ଖର୍ଚ୍ଚ ୨୨.୪ ଟ୍ରିଲିୟନ୍ ଡଲାର ଥିଲା। ବିଶ୍ୱର ବଢୁଥିବା ସାମରିକ ଖର୍ଚ୍ଚ ଏହା ମଧ୍ୟ ପ୍ରମାଣ କରେ ଯେ ବିଶ୍ୱ ବର୍ତ୍ତମାନ ନିଜକୁ କମ୍ ନିରାପଦ ମନେ କରୁଛି ଏବଂ କୂଟନୈତିକ ପରିବର୍ତ୍ତେ ଅନ୍ୟ ପଦ୍ଧତି ଆଡକୁ ଗତି କରୁଛି।
୨୦୨୩ ମସିହାରେ ସାମରିକ ଖର୍ଚ୍ଚରେ ଭାରତ ହେଉଛି ବିଶ୍ୱର ଚତୁର୍ଥ ବୃହତ୍ତମ ଦେଶ। ଏହି ଏସଆଇପିଆରଆଇ ରିପୋର୍ଟ ଅନୁଯାୟୀ, ୨୦୨୩ ମସିହାରେ ଭାରତ ୮୩.୬ ବିଲିୟନ ଆମେରିକୀୟ ଡଲାର ଖର୍ଚ୍ଚ କରିଥିଲା। ୨୦୨୨ ତୁଳନାରେ ଏହା ୪.୨ ପ୍ରତିଶତ ଅଧିକ ଥିଲା।
ସର୍ବଶେଷ ତଥ୍ୟ ଅନୁଯାୟୀ, ଏହି ପ୍ରସଙ୍ଗରେ ସର୍ବାଧିକ ଖର୍ଚ୍ଚ କରୁଥିବା ଦେଶ ହେଉଛି ଆମେରିକା, ଦ୍ୱିତୀୟ ସ୍ଥାନରେ ଚୀନ୍ ଏବଂ ତୃତୀୟ ସ୍ଥାନରେ ଋଷ। ଉଲ୍ଲେଖଥାଉ କି, ଏହି ରିପୋର୍ଟ ମାଧ୍ୟମରେ ଏହା ମଧ୍ୟ ପ୍ରକାଶ ପାଇଛି ଯେ ଗତ ବର୍ଷ ତୁଳନାରେ ଭାରତ ଏହି ପ୍ରସଙ୍ଗରେ ୪.୨ ପ୍ରତିଶତ ଅଧିକ ଖର୍ଚ୍ଚ କରିଛି। ୨୦୨୨ ମସିହାରେ ମଧ୍ୟ ଭାରତ ବିଶ୍ୱର ଚତୁର୍ଥ ବୃହତ୍ତମ ଦେଶ ଥିଲା ଯାହା ସାମରିକ କ୍ଷେତ୍ରରେ ଖର୍ଚ୍ଚ କରିଥିଲା।
୨୦୨୦ରେ ଲଦାଖରେ ଚୀନ୍ ସହ ସଂଘର୍ଷ ପରେ ଭାରତ ପ୍ରତିରକ୍ଷା କ୍ଷେତ୍ରରେ ନିଜର ଦକ୍ଷତାକୁ ଶୀଘ୍ର ମଜବୁତ କରିବାକୁ ଗୁରୁତ୍ୱାରୋପ କରିଥିଲା। ଯୁଦ୍ଧ ବିମାନ, ହେଲିକପ୍ଟର, ଯୁଦ୍ଧ ଜାହାଜ, ଟ୍ୟାଙ୍କ, ଆର୍ଟିଲିରି ବନ୍ଧୁକ, ରକେଟ୍, କ୍ଷେପଣାସ୍ତ୍ର ଏବଂ ଅନ୍ୟାନ୍ୟ ଯୁଦ୍ଧ ପ୍ରଣାଳୀକୁ ଆଧୁନିକୀକରଣ କରି ଦେଶ ବର୍ତ୍ତମାନ ସୈନ୍ୟବାହିନୀର ପୁନଃ ନିର୍ମାଣ କରୁଛି।
୨୦୨୨ରେ ସର୍ବାଧିକ ଖର୍ଚ୍ଚ କରିଥିବା ପାଞ୍ଚଟି ଦେଶ-
ସାମରିକ ଖର୍ଚ୍ଚରେ ଦେଶଗୁଡ଼ିକ ମଧ୍ୟରେ ଆମେରିକା ଶୀର୍ଷରେ ରହିଛି, ୨୦୨୩ ମସିହାରେ, ଆମେରିକା ୯୧୬ ବିଲିୟନ ଡଲାର ଖର୍ଚ୍ଚ କରିଥିଲା, ଯାହାକି ବିଶ୍ୱର ମୋଟ ଖର୍ଚ୍ଚର ୩୭ ପ୍ରତିଶତ ଅର୍ଥାତ୍ ଏକ ତୃତୀୟାଂଶରୁ ଅଧିକ। ଦ୍ୱିତୀୟ ସ୍ଥାନରେ ଚୀନ୍ ଅଛି, ଯାହାର ଖର୍ଚ୍ଚ ଆମେରିକାର ପ୍ରାୟ ଏକ ତୃତୀୟାଂଶ ଅଟେ। ଏହା ୨୯୬ ବିଲିୟନ ଡଲାର ଖର୍ଚ୍ଚ କରିଛି, ଯାହା ମୋଟ ଖର୍ଚ୍ଚର ୧୨ ପ୍ରତିଶତ। ୨୦୨୨ଠାରୁ ଏହା ୬ ପ୍ରତିଶତ ଅଧିକ । ସେହିପରି ଋଷ ତୃତୀୟ ସ୍ଥାନରେ ରହିଛି। ୨୦୨୩ରେ ଋଷର ବ୍ୟୟ ୨୦୨୨ ତୁଳନାରେ ୨୪ ପ୍ରତିଶତ ବୃଦ୍ଧି ହୋଇ ୧୦୯ ବିଲିୟନ ଡ଼ଲାରରେ ପହଞ୍ଚିଛି। ୨୦୧୪ରେ ଋଷ କ୍ରାଇମବ୍ରାଞ୍ଚକୁ ୟୁକ୍ରେନରୁ ଅଲଗା କରିଥିବାରୁ ଏହା ୫୭ ପ୍ରତିଶତ ବୃଦ୍ଧି ହୋଇଛି। ଋଷ ଏହାର ଜିଡିପିର ୫.୯ ପ୍ରତିଶତ ସେନା ପାଇଁ ଖର୍ଚ୍ଚ କରୁଛି।
Comments are closed, but trackbacks and pingbacks are open.