ପ୍ରସିଦ୍ଧ କାଶୀ ବିଶ୍ୱନାଥ ଧାମ । ଉତ୍ତରପ୍ରଦେଶର ବାରଣାସୀ ଠାରେ ଥିବା ଏହି ଭବ୍ୟ ମନ୍ଦିରକୁ ଦେଖିବାକୁ ପହଞ୍ଚନ୍ତି ଲକ୍ଷାଧିକ ଲୋକ । ଗତ ଦୁଇ ବର୍ଷ ମଧ୍ୟରେ ଧାମ ପରିଦର୍ଶନ ପାଇଁ ପହଞ୍ଚିଥିବା ଲୋକଙ୍କ ସଂଖ୍ଯା ରେକର୍ଡ କଲାପରି । ଗତ ଦୁଇ ବର୍ଷ ମଧ୍ୟରେ ଏହି ପବିତ୍ର ସ୍ଥାନକୁ ପାଖା ପାଖି ୧୩ କୋଟି ଭକ୍ତ ଆସିଛନ୍ତି । ସେଥିମଧ୍ୟରୁ ୧୬ ହଜାର ଅନ୍ତର୍ଜାତୀୟ ପରିଦର୍ଶକ ରହିଛନ୍ତି।
ଭକ୍ତ ଙ୍କ ନିମନ୍ତେ ୨୦୨୧ ମସିହା ଡିସେମ୍ବର ମାସ ୧୩ ତାରିଖରେ କାଶୀ ବିଶ୍ୱନାଥ ଧାମ କରିଡର ର ଲୋକାର୍ପଣ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେହିଦିନଠାରୁ ଚଳିତ ଡିସେମ୍ବର ମାସ ୬ ତାରିଖ ପର୍ଯ୍ୟନ୍ତ ଏହି ଧାମକୁ ୧୨ କୋଟି ୯୨ ଲକ୍ଷ ୨୪ ହଜାର ଭକ୍ତ ବାବାଙ୍କ ଦର୍ଶନ ପାଇ ଆସିଛନ୍ତି । ମାସ ସରିବାକୁ ଆହୁରି କିଛି ଦିନ ବାକି ଥିବାବେଳେ ଭକ୍ତଙ୍କ ସଂଖ୍ୟା ୧୩ କୋଟି ପାର ହେବ ବୋଲି କହିଛନ୍ତି ମନ୍ଦିର ଟ୍ରଷ୍ଟ ମୁଖ୍ୟ କାର୍ଯ୍ୟକାରୀ ଅଧିକାରୀ ସୁନୀଲ ବର୍ମା ।
କାଶୀ ବିଶ୍ବନାଥଙ୍କ ଦର୍ଶନ ନିମନ୍ତେ ଉଲ୍ଲେଖନୀୟ ବୃଦ୍ଧି ଘଟିଥିବାବଳେ, ବିଶେଷ କରି ଶ୍ରାବଣର ଶୁଭ ମାସରେ ମନ୍ଦିରରେ ଭକ୍ତଙ୍କ ଭୀଷଣ ଭିଡ ଦେଖାଯାଏ । ଅଧିକାରୀଙ୍କ ତଥ୍ୟ ଅନୁସାରେ ଚଳିତବର୍ଷ ଶ୍ରାବଣ ମାସରେ ୧.୬ କୋଟିରୁ ଅଧିକ ଭକ୍ତ ମନ୍ଦିରରେ ଦର୍ଶନ କରିଛନ୍ତି । ତେବେ ୨୦୨୨ ତୁଳନାରେ ୨୦୨୩ ପାଇଁ ବୁକିଂ ପ୍ରାୟ ଦ୍ୱିଗୁଣିତ ହୋଇଛି ବୋଲି ସୁନୀଲ ବର୍ମା କହିଛନ୍ତି । ତେବେ ଶ୍ରଦ୍ଧାଳୁଙ୍କ ସୁବିଧା ପାଇଁ ମନ୍ଦିରରେ ଅନେକ ପ୍ରକାରର ବନ୍ଦୋବସ୍ତ କରାଯାଇଥିବାବେଳେ, ସେହିପରି ଦିବ୍ୟାଙ୍ଗ ମାନଙ୍କ ପାଇଁ ମାଗଣାରେ ହ୍ୱିଲ ଚେୟାର ଓ ଜରୁରୀ ସ୍ଥିତିରେ ଚିକିତ୍ସା ବ୍ୟବସ୍ଥା ମଧ୍ୟ କରାଯାଇଛି । ଖରାରୁ ରକ୍ଷା କରିବା ପାଇଁ ଭକ୍ତଙ୍କ ନିମନ୍ତେ ପଙ୍ଖା, କୁଲର ଓ ଶୁଦ୍ଧ ପାନୀୟ ଜଳ ର ବ୍ୟବସ୍ଥା କରାଯାଇଥିବା ବର୍ମା କହିଛନ୍ତି ।
Comments are closed, but trackbacks and pingbacks are open.