ଭବାନୀପାଟଣା ମେଡିକାଲ କଲେଜର ନାମକରଣ କଲେ ସରକାର। ସ୍ୱାଧୀନତା ସଂଗ୍ରାମୀ ରେଣ୍ଡୋ ମାଝୀଙ୍କ ନାମରେ ନାମିତ ହେଲା ଭବାନୀପାଟଣା ମେଡିକାଲ କଲେଜ। ବିଶିଷ୍ଟ ଆଦିବାସୀ ନେତା ଓ ସ୍ୱାଧୀନତା ସଂଗ୍ରାମୀ ରେଣ୍ଡୋ ମାଝୀ। ୪୮୧ କୋଟି ଟଙ୍କା ଖର୍ଚ୍ଚରେ ହୋଇଛି ହସ୍ପିଟାଲ ନିର୍ମାଣ କାର୍ଯ୍ୟ।
ଚଳିତ ଶିକ୍ଷାବର୍ଷରୁ ୧୦୦ସିଟ୍ ପାଇଁ ହେବ ନାମଲେଖା । ନାମଲେଖା ପାଇଁ NMCଙ୍କ ଠାରୁ ମିଳିଛି ଅନୁମତି। ରାଜ୍ୟ ସରକାର ରାଜ୍ୟରେ MBBS ପାଠ୍ୟକ୍ରମରେ ଶିକ୍ଷାଦାନ ପାଇଁ ୧୦ଟି ସରକାରୀ ମେଡିକାଲ କଲେଜ ଓ ହସ୍ପିଟାଲ ପ୍ରତିଷ୍ଠା କରିଥିଲେ। ଏହି କ୍ରମରେ ଆଉ ଏକ ମେଡିକାଲ କଲେଜ ଓ ହସ୍ପିଟାଲ କଳାହାଣ୍ଡି ଜିଲ୍ଲାର ଭବାନୀପାଟଣା ଠାରେ ଚଳିତ ବର୍ଷଠାରୁ କାର୍ଯ୍ୟକ୍ଷମ ହେବ। ଏହା ଫଳରେ ରାଜ୍ୟରେ ସରକାରୀ ମେଡିକାଲ କଲେଜ ଓ ହସ୍ପିଟାଲ ଗୁଡିକର ସଂଖ୍ୟା ୧୧ରେ ପହଞ୍ଚିବ।
ଏହି ମେଡିକାଲ କଲେଜ ଓ ହସ୍ପିଟାଲଟିର ନାମ କଳାହାଣ୍ଡି ଜିଲ୍ଲାର ମହାନ ସ୍ଵାଧୀନତା ସଂଗ୍ରାମୀ ସହିଦ ରେଣ୍ଡୋ ମାଝୀ ମେଡିକାଲ କଲେଜ ଓ ହସ୍ପିଟାଲ ରଖାଯାଇଛି । ସହିଦ ରେଣ୍ଡୋ ମାଝୀ ଜଣେ ମହାନ ଆଦିବାସୀ ନେତା ଓ ସ୍ୱାଧୀନତା ସଂଗ୍ରାମୀ ଥିଲେ। ସ୍ଵାଧୀନତା ସଂଗ୍ରାମ ସମୟରେ ଲୋକଙ୍କ ପାଇଁ ସଂଗ୍ରାମ କରି ସେ ବହୁତ ଦୁଃଖ ଓ ଯନ୍ତ୍ରଣା ଭୋଗିଥିଲେ ଓ ଏଥିପାଇଁ ନିଜ ପ୍ରାଣର ବଳିଦାନ ଦେଇଥିଲେ।
Comments are closed, but trackbacks and pingbacks are open.