ଆନ୍ତର୍ଜାତୀୟ ଯୋଗ ଦିବସ ସହିତ ଜଡିତ ଏହି ୫ ଟି ଜିନିଷ,ଜାଣନ୍ତୁ

ଯୋଗ ହେଉଛି ଶରୀର ଏବଂ ମାନସିକ ସ୍ୱାସ୍ଥ୍ୟ ର ସନ୍ତୁଳନ ରଖିଥାଏ I ଯୋଗ ହେଉଛି ଏକ ଆଧ୍ୟାତ୍ମିକ ଅଭ୍ୟାସ ଯାହା ଶାନ୍ତି , ଆତ୍ମବିଶ୍ୱାସ ଏବଂ ଦୃଢ଼ତା କୁ ଜାଗ୍ରତ କରେ I ଯୋଗ ମାଧ୍ୟମରେ ଶରୀର ଏବଂ ମନର କାର୍ଯ୍ୟକଳାପ କୁ ଉତ୍ତମ ଉପାୟରେ ସଂଯୋଗ କରିଥାଏ I ଯୋଗ ହେଉଛି ଏକ ଅଭ୍ୟାସ ଯାହା ଆପଣଙ୍କୁ ଅନେକ ରୋଗରୁ ଦୂରେଇ ରଖେ I ଏପରି ପରିସ୍ଥିତିରେ ନିୟମିତ ଯୋଗ ଅଭ୍ୟାସ କରିବାକୁ ପରାମର୍ଶ ଦିଆଯାଇଥାଏ I ଯୋଗର ମହତ୍ତ୍ୱ କୁ ବୁଝାଇବାକୁ ଯାଇ ଆନ୍ତର୍ଜାତୀୟ ଯୋଗ ଦିବସର ପାଳନ ଅବସରରେ ସାରା ବିଶ୍ୱକୁ ସ୍ୱାସ୍ଥ୍ୟ ବିଷୟରେ ଭାରତ ସଚେତନ କରାଇବା ଆରମ୍ଭ କଲା I ମିଳିତ
ଜାତିସଂଘର ସାଧାରଣ ସଭାରେ ଆନ୍ତର୍ଜାତୀୟ ସ୍ତରରେ ଯୋଗ ଦିବସ ପାଳନ କରିବା ପାଇଁ ପ୍ରଥମେ ଭାରତ ର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ପ୍ରସ୍ତାବ ଦେଇଥିଲେ I ଅନୁମୋଦନ ପାଇବା ପରେ ୨୧ ଜୁନ୍ କୁ ଆନ୍ତର୍ଜାତୀୟ ଯୋଗ ଦିବସ ଭାବେ ପାଳନ କରିବାକୁ ଘୋଷଣା କରାଯାଇଥିଲା I କିନ୍ତୁ ଯୋଗ ଦିବସ କେବଳ ୨୧ ଜୁନ୍ ରେ କାହିଁକି ପାଳନ କରାଯାଏ? ଏହି ଦିନର ଆରମ୍ଭ ବିଷୟରେ ଆପଣ ଅନେକ ତଥ୍ୟ ଜାଣି ନଥିବେ I ଯୋଗ ଦିନ ସହିତ ଜଡିତ ଆକର୍ଷଣୀୟ ଉପାଦାନ ବିଷୟରେ ଆସନ୍ତୁ ଜାଣିବା I

ଯୋଗର ପ୍ରାରମ୍ଭ
ଧାର୍ମିକ ଗ୍ରନ୍ଥ ଅନୁଯାୟୀ, ଯୋଗର ପ୍ରଥମ ବିସ୍ତାର ଭଗବାନ ଶିବ ତାଙ୍କର ୭ ଜଣ ଶିଷ୍ୟ ସହିତ ପ୍ରାରମ୍ଭ କରିଥିଲେ । ଏହି ସାତଜଣ ଋଷି ଗ୍ରୀଷ୍ମ ସଂକ୍ରାନ୍ତି ପରେ ପ୍ରଥମ ପୂର୍ଣ୍ଣିମା ଦିନ ପ୍ରଭୁ ଶିବ ଙ୍କ ଠାରୁ ଯୋଗ ଶିକ୍ଷା ଆରମ୍ଭ କରିଥିଲେ I ଏହି ସବୁ ଋଷି ମାନଙ୍କୁ ଶିବଙ୍କର ଅବତାର ବୋଲି ବିଶ୍ୱାସ କରାଯାଉଥିଲା I

ଯୋଗ ଦିବସ ର ପ୍ରସ୍ତାବ
ମିଳିତ ଜାତିସଂଘ ଯୋଗ ଦିବସକୁ ଆନ୍ତର୍ଜାତୀୟ ସ୍ତରରେ ପାଳନ କରିବାକୁ ଘୋଷଣା କରାଯାଇଛି । ମିଳିତ ଜାତିସଂଘ ର ସାଧାରଣ ସଭାରେ ୨୭ ସେପ୍ଟେମ୍ବର ୨୦୧୪ ରେ ଯୋଗ ଦିବସକୁ ବିଶ୍ୱ ସ୍ତରରେ ପାଳନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରସ୍ତାବ ଦେଇଥିଲେ । ମୋଦୀଙ୍କ ପ୍ରସ୍ତାବକୁ ମିଳିତ ଜାତିସଂଘ ଗ୍ରହଣ କରି ତିନି ମାସ ମଧ୍ୟରେ ମଞ୍ଜୁରୀ ଦେଇଥିଲେ ।

ପ୍ରସ୍ତାବ କୁ ୩ ମାସ ମଧ୍ୟରେ ମୋହର
୧୧ ଡିସେମ୍ବର ୨୦୧୪ ରେ, ମିଳିତ ଜାତିସଂଘର ସାଧାରଣ ସଭା ଏହି ସଂକଳ୍ପକୁ ଗ୍ରହଣ କଲା ଏବଂ ୨୧ ଜୁନ୍କୁ ଯୋଗ ଦିବସ ରୂପେ ପାଳନ କରିବାକୁ ସ୍ଥିର କରାଗଲା I ୧୯୩ ଟି ଦେଶ ମଧ୍ୟରୁ ୧୭୫ ଟି ଦେଶ ବିନା ଭୋଟ୍ ରେ ଭାରତର ପ୍ରସ୍ତାବକୁ ଗ୍ରହଣ କରିଥିଲେ I ମିଳିତ ଜାତିସଂଘର ସାଧାରଣ ସଭାରେ ଭାରତ ର ପ୍ରସ୍ତାବ କୁ ଏତେ ସଂଖ୍ୟକ ଲୋକ ସମର୍ଥନ କରୁଥିବା ଏକ ରେକର୍ଡ ହୋଇଥିଲା I ସୂଚନାନୁସାରେ ଏହା ପୂର୍ବରୁ କୌଣସି ପ୍ରସ୍ତାବ ଏତେ ବଡ଼ ସମର୍ଥନ ପାଇ ନଥିଲା I ପ୍ରଥମ ଥର ପାଇଁ ଏମିତି ହୋଇଥିଲା ଯେ ମିଳିତ ଜାତିସଂଘ ସାଧାରଣ ସଭାରେ ୯୦ ଦିନ ମଧ୍ୟରେ କୌଣସି ଏକ ଦେଶ ର ପ୍ରସ୍ତାବ କୁ ମଞ୍ଜୁରୀ ମିଳିଥିଲା I

ପ୍ରଥମ ଥର ପାଇଁ ବିଶ୍ୱ ଯୋଗ ଦିବସ ର ଆରମ୍ଭ
୨୧ ଜୁନ୍ ୨୦୧୫ ରେ ପ୍ରଥମ ଥର ପାଇଁ ଆନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଥିଲା I ପ୍ରଥମ ଯୋଗ ଦିବସ ଅବସରରେ ଭାରତରେ ଦୁଇଟି ରେକର୍ଡ ସ୍ଥାପନ କରାଯାଇଥିଲା I ପ୍ରଥମ , ଭାରତରେ ୩୫ ହଜାରରୁ ଅଧିକ ଲୋକ ରାଜପଥରେ ଏକାଠି ହୋଇ ଯୋଗ କରିଥିଲେ, ଦ୍ୱିତୀୟରେ, ଏହି ଯୋଗ ଦିବସ କାର୍ଯ୍ୟକ୍ରମରେ ୮୪ ଟି ଦେଶର ପ୍ରତିନିଧୀ ଅଂଶଗ୍ରହଣ କରିଥିଲେ।

୨୧ ଜୁନ ରେ କାହିଁକି
ଜୁନ୍ ୨୧ କୁ ବର୍ଷର ସବୁଠାରୁ ଲମ୍ବା ଦିନ ମଧ୍ୟ କୁହାଯାଏ I ଏହି ଦିନ ସୂର୍ଯ୍ୟଙ୍କ କିରଣ ସାଧାରଣ ଦିନ ତୁଳନାରେ ଅଧିକ ସମୟ ପୃଥିବୀ ପୃଷ୍ଠରେ ପଡିଥାଏ ଅର୍ଥାତ ଦିନ ଅଧିକ ଲମ୍ବା ହୋଇଥାଏ I ଏହି କାରଣରୁ ଏହାକୁ ଏକ ବଡ ଦିନ ଭାବରେ ବିବେଚନା କରାଯାଏ I ଏହି କାରଣ ଯୋଗୁଁ ଯୋଗ ଦିବସ ୨୧ ଜୁନ୍ ରେ ପାଳନ କରାଯାଏ I ଯୋଗରେ, ଏହି ଘଟଣାକୁ ସ୍ଥାନାନ୍ତରଣ ଅବଧି କୁହାଯାଏ I ଏହି ସମୟ ହେଉଛି ସଂକ୍ରମଣ ର ସମୟ I ତେଣୁ ଏହି ସଂକ୍ରମଣ ସମୟରେ ଯୋଗ କରି ଶରୀରର୫ଏ ରୋଗ ପ୍ରତିରୋଧକ ଶକ୍ତି ବଢାଯାଇଥାଏ I