IPL 2022 : ଆଜି ସନ୍ଧ୍ୟା ରେ ମୁହାଁମୁହିଁ ହେବାକୁ ଯାଉଛନ୍ତି କୋଲକତା ବନାମ ହାଇଦ୍ରାବାଦ

IPL୨୦୨୨ ଆଜି ର ୬୧ ତମ ମ୍ୟାଚରେ ମୁହାଁମୁହିଁ ହେବାକୁ ଯାଉଛନ୍ତି କୋଲକାତା ନାଇଟ୍ ରାଇଡର୍ସ ବନାମ ସନରାଇଜର୍ସ ହାଇଦ୍ରାବାଦ Iପୁଣେର ଏମସିଏ ଷ୍ଟାଡିୟମରେ ଆଜିର ମ୍ୟାଚ ହେବାକୁ ଯାଉଛି I ପ୍ଲେ ଅଫ୍ ରେ ପ୍ରବେଶ କରିବା ପାଇଁ ଉଭୟ ଦଳ ଙ୍କ ମଧ୍ୟରେ କଡା ଟକ୍କର ହେବାକୁ ଯାଉଛି I ପୂର୍ବରୁ ଦୁଇ ଦଳ ମଧ୍ୟରେ ହୋଇଥିବା ପୂର୍ବ ମ୍ୟାଚ ରେ ହାଇଦ୍ରାବାଦ କୋଲକତା କୁ ପରାସ୍ତ କରିଥିଲା ​​I
ସେହିପରି ୧୨ଟି ମ୍ୟାଚ୍‌ ଖେଳି ୧୦ ପଏଣ୍ଟ ହାସଲ କରିଥିବା ନାଇଟ ରାଇଡର୍ସ ପାଇଁ ‘କର ବା ମର’ ପରିସ୍ଥିତି ସୃଷ୍ଟି ହୋଇଛି । ସନରାଇଜର୍ସ ବିପକ୍ଷରେ ପରାଜିତ ହେଲେ ପ୍ଲେ-ଅଫ୍‌ ଦୌଡରୁ ବାଦ ପଡ଼ିବ । ଶେଷ ମ୍ୟାଚ ଜିତିଲେ ମଧ୍ୟ ୧୨ ପଏଣ୍ଟ ସହ ପ୍ଲେ-ଅଫ୍‌ରେ ପ୍ରବେଶ କରିହେବ ନାହିଁ । ତେଣୁ ମ୍ୟାଚ୍‌ରେ ସବୁ ବିଭାଗରେ ଉନ୍ନତ ପ୍ରଦର୍ଶନ କରି ନାଇଟ୍‌ ରାଇଡର୍ସ ବିଜୟ ପାଇଁ ପ୍ରୟାସ କରିବ । ବିଶେଷ କରି ବ୍ୟାଟିଂ ବିଭାଗକୁ ଦାୟିତ୍ୱ ମୁଣ୍ଡାଇବାକୁ ପଡ଼ିବ । ବୋଲିଂ ବିଭାଗ ସୁଦୃଢ ରହିଛି । ଷ୍ଟାର ବୋଲର ପ୍ୟାଟ୍‌ କମିନ୍ସ ଆହତ ହୋଇ ଆଇପିଏଲ୍‌ ବାକି ଭାଗରୁ ଓହରି ଯାଇଛନ୍ତି । ତାଙ୍କ ଅନୁପସ୍ଥିତିରେ ଉମେଶ ଯାଦବଙ୍କ ଉପରେ ବୋଲିଂ ବିଭାଗ ନିର୍ଭର କରିବ ।

ସନରାଇଜର୍ସ ୧୧ଟି ମ୍ୟାଚ୍‌ ଖେଳି ୧୦ ପଏଣ୍ଟ ହାସଲ କରିଛି । ଆଗକୁ ଦଳ ଆଉ ୩ଟି ଲିଗ୍‌ ମ୍ୟାଚ୍‌ ଖେଳିବ । ପ୍ଲେ-ଅଫ୍‌ରେ ପ୍ରବେଶ କରିବାକୁ ହେଲେ ସନଜରାଇଜର୍ସକୁ ମାକି ମ୍ୟାଚ୍‌ ଗୁଡିକ ଜିତିବାକୁ ହେବ । ଏପଟେ ଆହତ ସମସ୍ୟା ଦଳକୁ ଚିନ୍ତାରେ ପକାଇଛି । ଦଳର ଦୁଇ ପ୍ରମୁଖ ବୋଲର ୱାସିଂଟନ ସୁନ୍ଦର ଓ ଟି ନଟରାଜନ ଆହତ ଅଛନ୍ତି । ଏମାନଙ୍କ ଅନୁପସ୍ଥିତିରେ ସନରାଇଜର୍ସ ଶେଷ ୪ଟି ମ୍ୟାଚ୍‌ ପରାଜିତ ହୋଇଛି । ଅବଶ୍ୟ ଆଜିର ମ୍ୟାଚ୍‌ରେ ଉଭୟ ଫିଟ୍‌ ଘୋଷିତ ହୋଇ ଖେଳିବେ ବୋଲି ଆଶା କରାଯାଉଛି ।