IPL -2022 : ହାଇଦ୍ରାବାଦ ବନାମ କୋଲକାତା : ସନରାଇଜର୍ସ ହାଇଦ୍ରାବାଦର ବୃହତ ବିଜୟ, କୋଲକାତାର କ୍ରମାଗତ ଦ୍ୱିତୀୟ ପରାଜୟ |

ଆଇପିଏଲ୍ ୨୦୨୨ ର ୨୫ ତମ ମ୍ୟାଚ୍ ଗତ କଲି ରାତିରେ ସନରାଇଜର୍ସ ହାଇଦ୍ରାବାଦ ଏବଂ କୋଲକାତା ନାଇଟ୍ ରାଇଡର୍ସ ମଧ୍ୟରେ ଖେଳାଯାଇଥିଲା | ଏହି ମ୍ୟାଚରେ ହାଇଦ୍ରାବାଦ ଅଧିନାୟକ କେନ୍ ୱିଲିୟମସନ ଟସ୍ ଜିତିଥିଲେ ଏବଂ ମ୍ୟାଚ୍ ମଧ୍ୟ ଜିତିଥିଲେ ​​| ଶ୍ରେୟାସ ଆୟରଙ୍କ ଅଧିନାୟକତ୍ୱରେ କୋଲକାତା ନାଇଟ୍ ରାଇଡର୍ସକୁ କ୍ରମାଗତ ଦ୍ୱିତୀୟ ପରାଜୟର ସାମ୍ନା କରିବାକୁ ପଡିଛି । ଏଥି ସହିତ ହାଇଦ୍ରାବାଦ ବିଜୟର ହ୍ୟାଟ୍ରିକ୍ କରିଛି । ହାଇଦ୍ରାବାଦ ଏହି ମ୍ୟାଚକୁ ୭ ୱିକେଟରେ ଜିତି ନେଇଛି।

ସନରାଇଜର୍ସ ହାଇଦ୍ରାବାଦର ଏହି ବିଜୟର ହିରୋ ଦଳର ବ୍ୟାଟ୍ସମ୍ୟାନ୍ ରାହୁଲ ତ୍ରିପାଠୀ ଥିଲେ | ଏହି ମ୍ୟାଚରେ କୋଲକାତାର ସମସ୍ତ ବୋଲର ରାହୁଲଙ୍କ ଆଗରେ ବିଫଳ ହୋଇଥିଲେ । ରାହୁଲ ୩୭ଟି ବଲରେ ୭୧ରନ୍ ର ଏକ ଚମତ୍କାର ଇନିଂସ ଖେଳିଥିଲେ, ଏହି ଇନିଂସରେ ୪ଟି ଚୌକା ଓ ୬ଟି ଛକା ମାରିଥିଲେ। ରାହୁଲ ତ୍ରିପାଠୀ ସିଜନ ୧୫ ରେ ଏହି ଇନିଂସ ପୂର୍ବରୁ ହାରାହାରି ୫୦.୦୦ ହାରରେ ୪ଟି ମ୍ୟାଚରେ ୧୦୦ ରନ୍ ସଂଗ୍ରହ କରିଥିଲେ, କିନ୍ତୁ କୋଲକାତା ବିପକ୍ଷରେ ସେ ଏକ ବଡ଼ ଇନିଂସ ଖେଳିଥିଲେ, ଯାହା ଦଳକୁ ମଧ୍ୟ ବିଜୟ ଦେଇଥିଲା। ରାହୁଲଙ୍କ ବ୍ୟତୀତ ଆଡେନ ମାର୍କ୍ରାମ ମଧ୍ୟ ଅର୍ଦ୍ଧଶତକ ହାସଲ କରିଥିଲେ, ମାର୍କ୍ରାମ ୩୬ଟି ବଲରୁ ଅପରାଜିତ ୬୮ ରନ ସ୍କୋର କରିଥିଲେ I

ଏହି ମ୍ୟାଚରେ ପ୍ରଥମେ ବୋଲିଂ କରୁଥିବାବେଳେ ସନରାଇଜର୍ସ ହାଇଦ୍ରାବାଦର ବୋଲରମାନେ ଚମତ୍କାର ବୋଲିଂ କରିଥିଲେ। ହାଇଦ୍ରାବାଦ ଦଳ କୋଲକାତା ଦଳକୁ ୮ ୱିକେଟ୍ ରେ ୧୭୫ ରନ୍ ରେ ସୀମିତ ରଖିଥିଲେ । ଟି ନାଟରାଜନ୍ ହାଇଦ୍ରାବାଦ ପାଇଁ ସବୁଠାରୁ ସଫଳ ବୋଲର ଥିଲେ | ସେ ୪ ଓଭରରେ ୩୭ ରନ୍ ଦେଇ ୩ଟି ୱିକେଟ୍ ନେଇଥିଲେ। ଉମରନ୍ ମଲିକ୍ ମଧ୍ୟ ୪ ଓଭରରେ ୨୭ ରନ୍ ଦେଇ ୨ଟି ୱିକେଟ୍ ନେଇଥିଲେ। ଭୁବନେଶ୍ୱର କୁମାର, ମାର୍କୋ ଜାନସେନ୍ ଏବଂ ଜଗଦୀଶ ସୁଚିଥ୍ ମଧ୍ୟ ପ୍ରତ୍ୟକ ୧ -୧ ୱିକେଟ୍ ନେଇଥିଲେ।

ଏହି ସିଜିନରେ ସନରାଇଜର୍ସ ହାଇଦ୍ରାବାଦ ଏପର୍ଯ୍ୟନ୍ତ ୫ଟି ମ୍ୟାଚ୍ ଖେଳିଛି, ସେଥିମଧ୍ୟରୁ ଦଳ ୩ଟି ମ୍ୟାଚ୍ ଜିତିଛି ଏବଂ ୨ଟି ମ୍ୟାଚ୍ ରେ ପରାଜୟ ବରଣ କରିଛି | ପ୍ରଥମ ଦୁଇଟି ମ୍ୟାଚରେ ଲଖନଉ ସୁପର ଜଏଣ୍ଟସ୍ ଏବଂ ରାଜସ୍ଥାନ ରୟାଲ୍ସ ଦ୍ୱାରା ହାଇଦ୍ରାବାଦ ପରାସ୍ତ ହୋଇଥିଲା, କିନ୍ତୁ ଏହି ଦୁଇଟି ପରାଜୟ ପରେ ଦଳ ଏକ ବଡ଼ ପ୍ରତ୍ୟାବର୍ତ୍ତନ କରିଛି | ହାଇଦ୍ରାବାଦ କୋଲକାତାକୁ ପରାସ୍ତ କରି ସିଜନ ୧୫ ରେ କ୍ରମାଗତ ତୃତୀୟ ବିଜୟ ପଞ୍ଜିକରଣ କରିଛି | ହାଇଦ୍ରାବାଦ ବର୍ତ୍ତମାନ ପଏଣ୍ଟ ଟେବୁଲରେ ସପ୍ତମ ସ୍ଥାନରେ ରହିଛି।