ରେଳ କ୍ୱାର୍ଟରରୁ ମହିଳାଙ୍କ ମୃତଦେହ ଉଦ୍ଧାର

13

ସୁନ୍ଦରଗଡ଼: ସୁନ୍ଦରଗଡ଼ ଜିଲ୍ଲା ବନ୍ଧମୁଣ୍ଡା ଅଞ୍ଚଳରେ ଏକ ହୃଦୟବିଦାରକ ଓ ରହସ୍ୟଜନକ ଘଟଣା ସାମ୍ନାକୁ ଆସିଛି। ବନ୍ଧମୁଣ୍ଡାର ଏ-ସେକ୍ଟରସ୍ଥିତ ରେଳବାଇ କ୍ୱାର୍ଟର୍ସ ନମ୍ବର ୫୨ ଭିତରୁ ଜଣେ ୩୫ ବର୍ଷୀୟା ମହିଳାଙ୍କ ମୃତଦେହ ଉଦ୍ଧାର କରାଯାଇଛି। ମୃତ ମହିଳା ଜଣକ ହେଉଛନ୍ତି ରୋଶନୀ କୁମାରୀ, ଯିଏକି ରେଳବାଇ କର୍ମଚାରୀ ବିନୟ ସାହାନୀଙ୍କ ପତ୍ନୀ ଅଟନ୍ତି। ମୃତ୍ୟୁର ପ୍ରକୃତ କାରଣ ଏଯାଏଁ ଅସ୍ପଷ୍ଟ ରହିଥିବା ବେଳେ ଏହି ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ମିଳିଥିବା ସୂଚନା ଅନୁଯାୟୀ, ମୃତ ରୋଶନୀଙ୍କ ସ୍ୱାମୀ ବିନୟ ସାହାନୀ ଭାଲୁଲତା ରେଳ ଷ୍ଟେସନରେ ଷ୍ଟେସନ ମାଷ୍ଟର ଭାବେ କାର୍ଯ୍ୟ କରୁଛନ୍ତି। ଘଟଣାଦିନରୁ ଦୁଇ ଦିନ ପୂର୍ବରୁ ସେ କୌଣସି ଜରୁରୀ କାମରେ କୋଲକାତାସ୍ଥିତ ନିଜ ପୈତୃକ ବାସଭିବନକୁ ଯାଇଥିଲେ। ସେଠାରେ ସ୍ୱାମୀ ନଥିବା ସମୟରେ ରୋଶନୀ ତାଙ୍କର ପୁଅ ଓ ଝିଅଙ୍କ ସହ ବନ୍ଧମୁଣ୍ଡା ସ୍ଥିତ ଏହି ରେଳବାଇ କ୍ୱାର୍ଟରରେ ରହୁଥିଲେ। ଘର ଭିତରେ ହଠାତ୍ ଏଭଳି ଅଘଟଣ ଘଟିବା ଏବଂ ଛୋଟ ପିଲାମାନେ ପାଖରେ ଥିବା ପରିସ୍ଥିତି ସମସ୍ତଙ୍କୁ ମର୍ମାହତ କରିଛି।

Comments are closed, but trackbacks and pingbacks are open.