ଭୁବନେଶ୍ୱର: ରାୟଗଡ଼ା ଜିଲ୍ଲାରୁ ଏକ ଅତ୍ୟନ୍ତ ହୃଦୟବିଦାରକ ଖବର ସାମ୍ନାକୁ ଆସିଛି। ପୋଖରୀରେ ଗାଧୋଇବା ସମୟରେ ଗଭୀର ପାଣିରେ ବୁଡ଼ିଯାଇ ୨ ଜଣ ନାବାଳିକା ସାଙ୍ଗଙ୍କର କରୁଣ ମୃତ୍ୟୁ ଘଟିଛି। ଏହି ଦୁଃଖଦ ଘଟଣା ସମଗ୍ର ଅଞ୍ଚଳରେ ଶୋକର ଛାୟା ଖେଳାଇ ଦେଇଛି। ମିଳିଥିବା ସୂଚନା ଅନୁସାରେ, କଲ୍ୟାଣସିଂହପୁର ବ୍ଲକ ପୂଜାରୀଗୁଡ଼ା ପଞ୍ଚାୟତର ବଡ଼ନାୟକଗୁଡ଼ା ଗ୍ରାମର ଏହି ଦୁଇ ନାବାଳିକା ଏକାଠି ପାଠ ପଢୁଥିଲେ। ଦିନବେଳେ ଦୁହେଁ ଶାନ୍ତିନଗରସ୍ଥିତ ଏକ ପୋଖରୀକୁ ଗାଧୋଇବା ପାଇଁ ଯାଇଥିଲେ। ତେବେ ପୋଖରୀର ଗଭୀରତା ବିଷୟରେ ଅଜାଣତରେ, ଅସାବଧାନତାବଶତଃ ଦୁହେଁ ଗଭୀର ପାଣି ଆଡ଼କୁ ଚାଲିଯାଇଥିଲେ। ପାଣିର ସ୍ରୋତ ଓ ଗଭୀରତା ଅଧିକ ଥିବାରୁ ସେମାନେ ନିଜକୁ ନିୟନ୍ତ୍ରଣ କରିପାରିନଥିଲେ ଏବଂ ଦେଖୁ ଦେଖୁ ପୋଖରୀରେ ବୁଡ଼ି ଯାଇଥିଲେ।
Comments are closed, but trackbacks and pingbacks are open.