କଟକରେ କର୍ପୋରେଟରଙ୍କ ସ୍ୱାମୀଙ୍କ ନାଁରେ ଗୁରୁତର ଅଭିଯୋଗ

91

କଟକ: କଟକ ମହାନଗର ନିଗମର ଜଣେ କର୍ପୋରେଟରଙ୍କ ସ୍ୱାମୀ ପ୍ରଲୋଭନ ଦେଖାଇ ଜଣେ ମହିଳାଙ୍କ ସହ ଶାରୀରିକ ସମ୍ପର୍କ ରଖିଥିବା ନେଇ ଅଭିଯୋଗ ହୋଇଛି। ଅଭିଯୋଗ ପରେ, ପୋଲିସ ମହିଳାଙ୍କ ବୟାନ ରେକର୍ଡ କରିଛି ଏବଂ ମଙ୍ଗଳବାର ଦିନ ତାଙ୍କର ଡାକ୍ତରୀ ପରୀକ୍ଷା କରାଇଛି। ତଦନ୍ତର ଅଂଶ ସ୍ୱରୂପ ଅନ୍ୟ କେତେକ ବ୍ୟକ୍ତିଙ୍କ ବୟାନ ମଧ୍ୟ ରେକର୍ଡ କରାଯାଇଛି। ତେବେ ଡାକ୍ତରୀ ଯାଞ୍ଚ ସମୟରେ ସେ ଗର୍ଭବତୀ ଥିବା ଜଣାପଡ଼ିଛି। ସମ୍ପୃକ୍ତ ମହିଳା ଏନେଇ ମହିଳା ଥାନାରେ ଲିଖିତ ଅଭିଯୋଗ ଦାଖଲ କରିଛନ୍ତି। ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ଭାରତୀୟ ନ୍ୟାୟ ସଂହିତା (BNS) ର ଧାରା ୬୪(୨)(m) ଅଧୀନରେ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ପରେ ତାଙ୍କୁ କୋର୍ଟ ଚାଲାଣ କରାଯିବା ନେଇ ଜଣାପଡ଼ିଛି।

Comments are closed, but trackbacks and pingbacks are open.