ନୂଆଦିଲ୍ଲୀ: ୧୯ ବର୍ଷରୁ କମ୍ ଏସିଆ କପ୍ ସେମିଫାଇନାଲରେ ଆଫଗାନିସ୍ତାନକୁ ୮ ୱିକେଟରେ ପରାସ୍ତ କରି ଭାରତୀୟ ଦଳ ଫାଇନାଲରେ ପ୍ରବେଶ କରିଛି। ଆସନ୍ତା ନଭେମ୍ବର ୧୪ ତାରିଖରେ ହେବାକୁଥିବା ଟାଇଟଲ୍ ମୁକାବିଲାରେ ଭାରତର ସାମ୍ନା ପାକିସ୍ତାନ ସହିତ ହେବ। ମ୍ୟାଚ୍ରେ ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ନିର୍ଦ୍ଧାରିତ ୫୦ ଓଭରରେ ୮ ୱିକେଟ୍ ହରାଇ ୨୨୭ ରନ୍ କରିଥିଲା। ଜବାବରେ ଅଧିନାୟକ ଲକ୍ଷ୍ୟ ରାୟଚନ୍ଦାନିଙ୍କ ନେତୃତ୍ୱରେ ଭାରତ ମାତ୍ର ୩୬.୫ ଓଭରରେ ୨ ୱିକେଟ୍ ହରାଇ ୨୩୦ ରନ୍ ସଂଗ୍ରହ କରି ବିଜୟୀ ହୋଇଥିଲା। ଅନ୍ୟ ଏକ ସେମିଫାଇନାଲ୍ ମ୍ୟାଚ୍ରେ ପାକିସ୍ତାନ ବାଂଲାଦେଶକୁ ୯ ୱିକେଟରେ ପରାସ୍ତ କରିଥିଲା। ଭାରତୀୟ ୧୯ ବର୍ଷରୁ କମ୍ ଦଳ ଏସିଆ କପ୍ ଇତିହାସରେ ଅତ୍ୟନ୍ତ ସଫଳ ରହିଛି। ଭାରତ ଏପର୍ଯ୍ୟନ୍ତ ଏହି ଟୁର୍ଣ୍ଣାମେଣ୍ଟରେ ରେକର୍ଡ ୮ ଥର (ଗୋଟିଏ ମିଳିତ ଟାଇଟଲ୍ ସହ) ଚାମ୍ପିୟନ୍ ହୋଇଛି। ଦଳ ୧୯୮୯, ୨୦୦୩, ୨୦୧୨, ୨୦୧୩-୧୪, ୨୦୧୬, ୨୦୧୮, ୨୦୧୯ ଏବଂ ୨୦୨୧ରେ ଟ୍ରଫି ଜିତିଥିବାବେଳେ ୨୦୨୪ ଏବଂ ୨୦୨୫ରେ ଉପବିଜେତା ହୋଇଥିଲା। ଗତ ଥର ଫାଇନାଲରେ ପାକିସ୍ତାନଠାରୁ ପରାସ୍ତ ହୋଇଥିବାରୁ, ଏଥର ଟିମ୍ ଇଣ୍ଡିଆ ପାଖରେ ପୂର୍ବ ପରାଜୟର ପ୍ରତିଶୋଧ ନେବାର ସୁବର୍ଣ୍ଣ ସୁଯୋଗ ରହିଛି।
Comments are closed, but trackbacks and pingbacks are open.