ବାତ୍ୟା `ଅକ୍ଵାନ୍’ ପ୍ରଭାବରେ ଗଞ୍ଜାମରେ ହୋଇଛି ଅଧିକ କ୍ଷତି,ତୁରନ୍ତ ଦିଆଯିବ କ୍ଷତିପୂରଣ: SRC

14

ଭୁବନେଶ୍ୱର: ବାତ୍ୟା `ଅକ୍ଵାନ୍’ ପ୍ରଭାବରେ ଗଞ୍ଜାମରେ ହୋଇଛି ଅଧିକ କ୍ଷତି । ପ୍ରେସମିଟରେ ସୂଚନା ଦେଲେ ସ୍ଵତନ୍ତ୍ର ରିଲିଫ କମିଶନର ରାଜେଶ ପ୍ରଭାକର ପାଟିଲ । ଚାଷ ଜମିରେ ପାଣି ପଶିବାରୁ ନଷ୍ଟ ହୋଇଛି ଫସଲ । ପ୍ରେସମିଟରେ ଏସଆରସି କହିଛନ୍ତି, “ଗଞ୍ଜାମର ୪ଟି ବ୍ଲକରେ ୨୦୦ ମିଲିମିଟରରୁ ଅଧିକ ବର୍ଷା ହୋଇଛି । କିଛି ସ୍ଥାନରେ ଜଳବନ୍ଦୀ ସ୍ଥିତି ଦେଖାଦେଇଛି, ଘାଇ ସୃଷ୍ଟି ହୋଇଛି । ଚାଷ ଜମି କ୍ଷୟ କ୍ଷତି ହୋଇଛି, ଆକଳନ ଆରମ୍ଭ ହେବ । ୭ଟି ବ୍ଲକରେ ୧୦୦ରୁ ୨୦୦ମିମି ଯାଏଁ ବର୍ଷା ହୋଇଛି । ସନ୍ଧ୍ୟା ସୁଦ୍ଧା ଫସଲ କ୍ଷୟକ୍ଷତି ରିପୋର୍ଟ ଆସିବ । ତୁରନ୍ତ କ୍ଷତିପୂରଣ ଦେବାକୁ ସମସ୍ତ ପଦକ୍ଷେପ ନିଆଯିବ । ଫସଲ ନଷ୍ଟ ହୋଇଥିବା ଚାଷୀଙ୍କୁ ଇନ୍‌ପୁଟ୍ ସବ୍‌ସିଡି ମିଳିବ । ସେହିପରି ଯେଉଁ ଚାଷୀଙ୍କ ଧାନ ଓଦା ହୋଇଛି, ସେମାନଙ୍କୁ ମଧ୍ୟ ନିୟମ ଅନୁସାରେ କ୍ଷତିପୂରଣ ଦିଆଯିବ ।ବାତ୍ୟାର ଯାହା ପୂର୍ବାନୁମାନ କରାଯାଇଥିଲା ପ୍ରଭାବ କମ ରହିଲା । ଲ୍ୟାଣ୍ଡଫଲ୍ କରିବା ପରେ ବର୍ଷା ହୋଇଛି । ରାସ୍ତା, ଜଳସେଚନ, ଭିତ୍ତିଭୂମି ସୁଦୃଢ଼ୀକରଣ ଉପରେ ଫୋକସ କରାଯାଉଛି । ଦୀର୍ଘମିଆଦି ଯୋଜନା କରାଯାଉଛି । ଭୂସ୍ଖଳନ ବର୍ତ୍ତମାନ ବଡ଼ ବିପର୍ଯ୍ୟୟ ପାଲଟିଛି । ଅର୍ଣ୍ଣବ ପରେ ଭୂସ୍ଖଳନ ପାଇଁ ଅଧିକ ବ୍ୟବସ୍ଥା କରାଯାଇଥିଲା । ସମ୍ବେଦନଶୀଳ ସ୍ଥାନରୁ ଲୋକଙ୍କୁ ସ୍ଥାନାନ୍ତରଣ କରାଯାଇଥିଲା । ଭୂସ୍ଖଳନ ବାବଦରେ ଅନୁଧ୍ୟାନ ପାଇଁ ଉତ୍ତରାଖଣ୍ଡ ଗୋଟେ ଟିମ୍ ଯାଇଥିଲା । ବିପର୍ଯ୍ୟୟ ପରିଚାଳନା ଟିମ ସହ ଆଲୋଚନା କରିଥିଲେ ଓଡ଼ିଶା ଟିମ । ଲ୍ୟାଣ୍ଡ ସ୍ଲାଇଡ୍ ପାଇଁ ଯେଉଁ ପଦକ୍ଷେପ ନେଉଛନ୍ତି ତାହା ଉପରେ ଓଡ଼ିଶା ଟିମ ଅନୁଧ୍ୟାନ କରିଛି । ହିମାଚଳ ପ୍ରଦେଶ ଗୋଟେ ଟିମ ଯିବ । ଅନୁଧ୍ୟାନ ପରେ ପଦକ୍ଷେପ ନିଆଯିବ ।

Comments are closed, but trackbacks and pingbacks are open.