ନୂଆଦିଲ୍ଲୀ: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଓ ଝିଅ ହର୍ଷିତାଙ୍କୁ ମିଳିଛି ହତ୍ୟା ଧମକ। ଲରେନ୍ସ ବିଷ୍ଣୋଇ ଗ୍ୟାଙ୍ଗ ନାଁରେ କେହି ଜଣେ ଫୋନ ଯୋଗେ ଏପରି ଧମକ ଦେଇଛି। ଧମକ ଦେଉଥିବା ବ୍ୟକ୍ତି ୭ କୋଟି ଟଙ୍କା ମଧ୍ୟ ଦାବି କରିଛନ୍ତି। ଦିଲ୍ଲୀର ତିଲକ ନଗରର ବିଧାୟକ ଜର୍ନୈଲ ସିଂହଙ୍କୁ ଧମକପୂର୍ଣ୍ଣ ଫୋନ୍ କଲ୍ ଏବଂ ହ୍ୱାଟ୍ସଆପ୍ ମେସେଜ୍ ମିଳିଥିଲା। ସେ ନଭେମ୍ବର ୬ ତାରିଖରେ ମୋହାଲି ଏସ୍ଏସ୍ପିଙ୍କ ନିକଟରେ ଏକ ଲିଖିତ ଅଭିଯୋଗ ଦାଖଲ କରିଥିଲେ। ରିପୋର୍ଟ ଅନୁଯାୟୀ, ଧମକ ଦେଇଥିବା ବ୍ୟକ୍ତି ନିଜକୁ ଲରେନ୍ସ ବିଷ୍ଣୋଇ ଗ୍ୟାଙ୍ଗର ସଦସ୍ୟ ଭାବରେ ପରିଚୟ ଦେଇଥିଲେ ଏବଂ ଚାନ୍ଦା ନ ଦେଲେ କେଜ୍ରିୱାଲ ଏବଂ ତାଙ୍କ ଝିଅ ହର୍ଷିତା କେଜ୍ରିୱାଲଙ୍କୁ ହତ୍ୟା କରିବାକୁ ଧମକ ଦେଇଥିଲେ। ମୋହାଲି ପୋଲିସ ବିଏନଏସ୍ ଏବଂ ଆଇଟି ଆଇନର ଧାରା ଅନୁଯାୟୀ ୩୦୮(୪), ୩୫୧(୨), ୩୫୧(୩), ୩୫୧(୪) (ଅପରାଧିକ ଧମକ), ୧୧୧(୨) ,୨୦୨୩ ଏକ ମାମଲା ରୁଜୁ କରିଛି। ଏହି ମାମଲା ସାଇବର କ୍ରାଇମ୍ ପୁଲିସ ଷ୍ଟେସନର ଇନ୍ସପେକ୍ଟର ସୁନୀଲ କୁମାରଙ୍କୁ ଦିଆଯାଇଛି। ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି ଏବଂ ସନ୍ଦିଗ୍ଧ ବ୍ୟକ୍ତିଙ୍କ କଲ୍ ରେକର୍ଡ, ଆଇପି ଲଗ୍ ଏବଂ ସ୍ଥାନ ବିବରଣୀ ଯାଞ୍ଚ କରୁଛି।
Comments are closed, but trackbacks and pingbacks are open.