ମାଡ଼ି ଆସୁଛି ବାତ୍ୟା ‘ଅକଭାନ’; ଗୋପାଳପୁର ନିକଟରେ ସ୍ଥଳଭାଗ ଛୁଇଁବା ସମ୍ଭାବନା

26

ଭୁବନେଶ୍ୱର: ସାମୁଦ୍ରିକ ବାତ୍ୟା ‘ଅକଭାନ’ ଧୀରେ ଧୀରେ ଓଡ଼ିଶା ଉପକୂଳ ମୁହାଁ ହେଉଛି। ବାତ୍ୟାର ସମ୍ଭାବ୍ୟ ଗତିପଥକୁ ନେଇ ଉପକୂଳବର୍ତ୍ତୀ ଅଞ୍ଚଳର ଲୋକଙ୍କ ମଧ୍ୟରେ ଆଶଙ୍କା ବଢ଼ିବାରେ ଲାଗିଛି। ପାଣିପାଗ ବିଭାଗର ଆକଳନ ଅନୁଯାୟୀ, ଏହି ସାମୁଦ୍ରିକ ଝଡ଼ ଗଞ୍ଜାମ ଜିଲ୍ଲାର ଗୋପାଳପୁର ନିକଟରେ ସ୍ଥଳଭାଗ ସ୍ପର୍ଶ କରିବାର ସମ୍ଭାବନା ରହିଛି। ସବୁଠାରୁ ବଡ଼ ଚିନ୍ତାର ବିଷୟ ହେଉଛି, ବାତ୍ୟା ସ୍ଥଳଭାଗ ଛୁଇଁବା ସମୟରେ ପବନର ବେଗ ଘଣ୍ଟାପ୍ରତି ପ୍ରାୟ ୧୦୦ କିଲୋମିଟର ପର୍ଯ୍ୟନ୍ତ ରହିପାରେ। ବର୍ତ୍ତମାନ ବାତ୍ୟା ‘ଅକଭାନ’ ଘଣ୍ଟାପ୍ରତି ୧୨ କିଲୋମିଟର ବେଗରେ ସ୍ଥଳଭାଗ ଆଡ଼କୁ ଅଗ୍ରସର ହେଉଛି। ସଦ୍ୟତମ ସୂଚନା ମୁତାବକ, ଏହା ପୁରୀଠାରୁ ପ୍ରାୟ ୫୯୦ କିଲୋମିଟର ଏବଂ ଗୋପାଳପୁରଠାରୁ ୫୩୦ କିଲୋମିଟର ଦୂରରେ କେନ୍ଦ୍ରୀଭୂତ ରହିଛି। ସେହିପରି ଆନ୍ଧ୍ରପ୍ରଦେଶର କଳିଙ୍ଗପାଟନମ୍‌ଠାରୁ ଏହାର ଦୂରତା ପ୍ରାୟ ୪୪୦ କିଲୋମିଟର ରହିଛି। ବାତ୍ୟାର ଗତିବିଧି ଏବଂ ସ୍ଥଳଭାଗ ଛୁଇଁବା ସ୍ଥାନ ଉପରେ ପାଣିପାଗ ବିଭାଗ ପକ୍ଷରୁ ତୀକ୍ଷ୍ଣ ନଜର ରଖାଯାଇଛି।

Comments are closed, but trackbacks and pingbacks are open.