ଆସନ୍ତା କାଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଙ୍କ ଓଡିଶା ଗସ୍ତ

ଆସନ୍ତାକାଲି ଓଡ଼ିଶା ଗସ୍ତରେ ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । କାଲି ସଂଧ୍ୟାରେ ଭୁବନେଶ୍ୱରରେ ପହଞ୍ଚିବେ ଗୃହମନ୍ତ୍ରୀ । ପରେ ୮ ତାରିଖ ସକାଳେ ପ୍ରଭୁ ଲିଙ୍ଗରାଜଙ୍କ ଦର୍ଶନ କରିବେ ବୋଲି ସୂଚନା ମିଳିଛି । କେନ୍ଦ୍ର ଗୃହମନ୍ତ୍ରୀଙ୍କ ଏହି ଗସ୍ତ ପାଇଁ କଟକ ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। କଟକ ଇନଡୋର ଷ୍ଟାଡିୟମରେ ହେଉଥିବା ‘ପ୍ରଜାତନ୍ତ୍ର’ର ୭୫ ବର୍ଷ ପୂର୍ତ୍ତି ଉତ୍ସବରେ ଯୋଗଦେବେ ଅମିତ ଶାହା । ପ୍ରଟୋକଲ ଅନୁଯାୟୀ ଗୃହମନ୍ତ୍ରୀଙ୍କର ‘ଜେଡ୍‌’ କାଟାଗୋରି ସୁରକ୍ଷା ବଳୟ ବ୍ୟବସ୍ଥା ରହିଛି। କଡା ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି କଟକ ସହର ଏକରକମ ପୁଲିସ ଛାଉଣିରେ ରହିବ। ଏଥିରେ ପ୍ରାୟ ୩୦ ପ୍ଲାଟୁନ ଫୋର୍ସ ନିୟୋଜିତ ହେବେ। ଶାହ ଜାତୀୟ ରାଜପଥରେ ଆସିବେ। ଫୁଲନଖରା ପାଖରୁ କଟକ ପୁଲିସ ତାଙ୍କୁ ସୁରକ୍ଷା ଯୋଗାଇ ଆଣିବ। ରାସ୍ତା ତମାମ ଟ୍ରାଫିକ କଟକଣା କରାଯାଇଛି। ସେହିପରି ରାସ୍ତାର ପ୍ରତି ଦୁଇ ଶହ ମିଟରରେ ଜଣେ ଲେଖାଏଁ ସୁରକ୍ଷା କର୍ମୀ ରହିବେ।
ଗୃହମନ୍ତ୍ରୀଙ୍କ ଅମିତ ଶାହ ଙ୍କ ସହିତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆସିବା ନେଇ ଚୁଡାନ୍ତ ହୋଇଛି। ଏହାସହ ମନ୍ତ୍ରୀ ବିଶ୍ୱେଶ୍ୱର ଟୁଡୁ ଓ ଅଶ୍ୱିନୀ ବୈଷ୍ଣବ ଆସିବାର ସମ୍ଭାବନା ରହିଛିସେଠାରୁ କଟକ ଯାଇ ନେତାଜୀଙ୍କ ଜନ୍ମସ୍ଥାନ ପରିଦର୍ଶନ କରିବେ ଅମିତ ଶାହା । ସେଠାରୁ ଫେରିବା ପରେ ଭୁବନେଶ୍ୱର ଦଳୀୟ କାର୍ଯ୍ୟାଳୟରେ ଯୋଗ ଦେବେ । ଏନେଇ ବିଜେପି ରାଜ୍ୟ ସଭାପତି ସମୀର ମହାନ୍ତି ଶାହାଙ୍କ ଗସ୍ତ ସୂଚୀ ଉପରେ ସୂଚନା ଦେଇଛନ୍ତି ।