ସିବିଆଇ ଜାଲରେ ପାରାଦୀପ ବନ୍ଦର ଡେପୁଟି ଟ୍ରାଫିକ ମ୍ୟାନେଜର

ପାରାଦୀପ: ଆୟଠାରୁ ଅଧିକ ସମ୍ପତ୍ତି ଠୁଳ କରିଥିବା ଅଭିଯୋଗରେ ଆଜି ପାରାଦୀପ ବନ୍ଦରର ଡେପୁଟି ଟ୍ରାଫିକ୍‌ ମ୍ୟାନେଜର ଶ୍ରୀମନ ନାରାୟଣ ମିଶ୍ରଙ୍କ ବିଭିନ୍ନ ଠିକଣାରେ ଚଢ଼ାଉ କରିଛି କେନ୍ଦ୍ରୀୟ ତଦନ୍ତକାରୀ ସଂସ୍ଥା CBI। ପାରାଦୀପ, ଭୁବନେଶ୍ୱର, କୁଜଙ୍ଗ ଓ ଏରସମାରେ CBI ଟିମ୍‌ ଯାଞ୍ଚ କରିଛି । ପାରାଦୀପରେ ଥିବା ତାଙ୍କ ସରକାରୀ କ୍ୱାର୍ଟର ଓ କାର୍ଯ୍ୟାଳୟ ସମେତ ଭୁବନେଶ୍ୱରର ରଘୁନାଥପୁରସ୍ଥିତ ଘରେ ମଧ୍ୟ ଚଢ଼ାଉ ହୋଇଛି। ଏଥିସହ କୁଜଙ୍ଗ ଓ ଏରସମା ତହସିଲ ଅଞ୍ଚଳରେ ଥିବା ସମ୍ପତ୍ତିର ଯାଞ୍ଚ କରାଯାଇଛି। ତାଙ୍କ ଦ୍ୱାରା ପରିଚାଳିତ କାନମାସର (KANMAS) କାର୍ଯ୍ୟାଳୟରେ ଅଧିକାରୀମାନେ ଯାଞ୍ଚ କରିଛନ୍ତି। ସୂଚନା ଥାଉ ଯେ, ଏହି ଅଭିଯୋଗକୁ ନେଇ ଇଡି ଓ ଲୋକାୟୁକ୍ତଙ୍କ ନିକଟରେ ମଧ୍ୟ ଅଭିଯୋଗ ଦାଖଲ କରାଯାଇଥିଲା। ଏହି ଚଢ଼ାଉରେ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ସିବିଆଇ କୁ ମିଳିଥିବା ଜଣାପଡିଛି।