ଅଭିଷେକ ବାନାର୍ଜୀଙ୍କ ଘରୁ ବ୍ୟକ୍ତିଗତ ସଚିବଙ୍କୁ ଗିରଫ କଲା CID 

ନୂଆଦିଲ୍ଲୀ: ତୃଣମୂଳ କଂଗ୍ରେସ ନେତା ତଥା ସାଂସଦ ଅଭିଷେକ ବାନାର୍ଜୀଙ୍କ ବ୍ୟକ୍ତିଗତ ସଚିବ (ପିଏ) ସୁମିତ ରୟଙ୍କୁ ସିଆଇଡି  ଗିରଫ କରିଛି। ସୁପ୍ରିମକୋର୍ଟ ତାଙ୍କର ଆଗୁଆ ଜାମିନ ଆବେଦନକୁ ଖାରଜ କରିବା ପରେ CID ତୁରନ୍ତ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଚର୍ଚ୍ଚିତ ସାଲବୋନି ଜମି ଦୁର୍ନୀତି/ଜମି ହଡ଼ପ ମାମଲାରେ ସୁମିତ ରୟଙ୍କ ବିରୋଧରେ ଏହି ଆଇନଗତ କାର୍ଯ୍ୟାନୁଷ୍ଠାନ ନିଆଯାଇଛି। ଗୁରୁତ୍ୱପୂର୍ଣ୍ଣ କଥା ହେଉଛି, CID ଟିମ୍ ସୁମିତଙ୍କୁ ତାଙ୍କ ନିଜ ବାସଭବନରୁ ନୁହେଁ, ବରଂ କୋଲକାତାର କାଳୀଘାଟସ୍ଥିତ ଅଭିଷେକ ବାନାର୍ଜୀଙ୍କ ଘରୁ ଗିରଫ କରିଛି। ସୁପ୍ରିମକୋର୍ଟ ଜାମିନ ଆବେଦନ ଖାରଜ କରିବା ସହ ପୂର୍ବରୁ ଗିରଫଦାରୀ ଉପରେ ଦେଇଥିବା ସ୍ଥଗିତାଦେଶକୁ ହଟାଇ ନେବା ପରେ CID ଟିମ୍ ତାଙ୍କୁ କାବୁ କରିଛି।