ନୂଆଦିଲ୍ଲୀ: ସୁନା କିଣିବାକୁ ଚାହୁଁଥିବା ଗ୍ରାହକଙ୍କ ପାଇଁ ଏକ ବଡ଼ ଖୁସିର ଖବର ସାମ୍ନାକୁ ଆସିଛି। ଦେଶରେ ସୁନା ଦର କ୍ରମାଗତ ଭାବେ ହ୍ରାସ ପାଇବାରେ ଲାଗିଛି। ଲଗାତାର ତୃତୀୟ କାରବାର ଦିନରେ ମଧ୍ୟ ସୁନା ଦରରେ ଏକ ବଡ଼ଧରଣର ପତନ ଦେଖିବାକୁ ମିଳିଛି ଏବଂ ଏଥର ଏକାଥରକେ ୨,୨୦୦ ଟଙ୍କା ଶସ୍ତା ହୋଇଛି।ଘରୋଇ ସରାଫା ବଜାରରେ ୯୯.୯ ପ୍ରତିଶତ ଶୁଦ୍ଧତା ଥିବା ସୁନା ଦର ଖସି ଯାଇ ବର୍ତ୍ତମାନ ୧,୪୩,୪୦୦ ଟଙ୍କା ପ୍ରତି ୧୦ ଗ୍ରାମରେ ପହଞ୍ଚିଛି। ପୂର୍ବରୁ ସୁନା ଦର ୧,୪୫,୬୦୦ ଟଙ୍କା ପ୍ରତି ୧୦ ଗ୍ରାମ ଥିଲା। କେବଳ ଗୋଟିଏ କାରବାର ଦିନରେ ଏପରି ଭାବେ ୨,୨୦୦ ଟଙ୍କା ହ୍ରାସ ପାଇବା ସୁନା ପ୍ରେମୀଙ୍କୁ ବଡ଼ ଆଶ୍ୱସ୍ତି ଦେଇଛି। ଅନ୍ୟପକ୍ଷରେ, ସୁନା ତୁଳନାରେ ଘରୋଇ ବଜାରରେ ରୂପା ଦର ଏଯାଏଁ ସ୍ଥିର ରହିଛି। ଘରୋଇ ବଜାରରେ ଏକ କିଲୋଗ୍ରାମ ରୂପା ଦର ୧,୮୭,୫୦୦ ଟଙ୍କାରେ ଅଟକି ରହିଛି। ତେବେ ଆନ୍ତର୍ଜାତୀୟ ବଜାରରେ ରୂପା ମଧ୍ୟ ହ୍ରାସରୁ ବର୍ତ୍ତି ପାରି ନାହିଁ। ବିଶ୍ୱ ବଜାରରେ ରୂପା ଦର ୧.୧୭ ପ୍ରତିଶତ କମି ୫୧.୦୬ ଡଲାର୍ ପ୍ରତି ଆଉନ୍ସରେ କାରବାର ହେଉଛି।
Comments are closed, but trackbacks and pingbacks are open.