ପୁଣି ଉଠିଲା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣା :ସୋସିଆଲ ସାଇଟ ଆକାଉଣ୍ଟ କୁ ନେଇ ସିବିଆଇ, ଆମେରିକାର ସାହାଯ୍ୟ ଲୋଡ଼ିଲା

ଦୀର୍ଘ ଦେଢ଼ ବର୍ଷରୁ ଅଧିକ ବିତିଯାଇଥିଲେ ମଧ୍ୟ ବଲିଉଡ ଅଭିନେତା ସ୍ୱର୍ଗତ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଏବେବି ରହସ୍ୟାବୃତ୍ତ ହୋଇ ରହିଛି ଇବିଭିନ୍ନ ବାଡ଼ ବିବାଦ ସତ୍ତ୍ୱେ ସୁଶାନ୍ତ ସିଂ ଙ୍କ ମୃତ୍ୟୁ ଉପରୁ ପରଦା ଉଠିପାରି ନାହିଁ ଇ ଯାହା ଜଣାପଡିଛି ସୁଶାନ୍ତଙ୍କ ସୋସିଆଲ ସାଇଟ ଆକାଉଣ୍ଟ ରୁ ଇମେଲ ଏବଂ ଅନେକ ଚାଟିଙ୍ଗ ଡିଲିଟ ହୋଇଯାଇଥିଲା ଇ ଏହି ଡିଲିଟ ହୋଇଥିବା ଡାଟାକୁ ପାଇବା ପାଇଁ ସିବିଆଇ ଆମେରିକାର ସହାୟତା ଲୋଡିଛି। ସିବିଆଇ ଏହା ଅନୁସନ୍ଧାନ କରିବାକୁ ଚାହୁଁଛି ଯେ କେବେ ଏପରି କିଛି ଘଟିଥିଲା ଯାହା ସୁଶାନ୍ତ ସିଂଙ୍କ ଘରେ ତାଙ୍କ ମୃତଦେହ ମିଳିବା ଦିନ ସହିତ ଜଡିତ।
ସୂଚନା ଅନୁଯାୟୀ, MLAT ଅନୁଯାୟୀ କାଲିଫର୍ଣ୍ଣିଆରେ ଅବସ୍ଥିତ ଗୁଗୁଲ୍ ଏବଂ ଫେସବୁକ୍ ରୁ ସିବିଆଇ ଏହି ସୂଚନା ମାଗିଛି। ଡିଲିଟ୍ ହୋଇଥିବା ମେଲ୍ ଏବଂ ଚାଟ୍ ର ସମସ୍ତ ସୂଚନା ଉଭୟ କମ୍ପାନୀକୁ ମଗାଯାଇଛି।
ଭାରତ ଏବଂ ଆମେରିକା ମଧ୍ୟରେ ଏକ MLAT ଅଛି ଯାହା ଅଧୀନରେ ଉଭୟ ପକ୍ଷ ଘରୋଇ ମାମଲାର ଅନୁସନ୍ଧାନରେ ସୂଚନା ଖୋଜି ପାରିବେ। ଭାରତରେ, ଗୃହ ମନ୍ତ୍ରଣାଳୟ MLAT ଅଧୀନରେ କୌଣସି ସୂଚନା ପଠାଇବା କିମ୍ବା ଗ୍ରହଣ କରିବାର କେନ୍ଦ୍ର ହୋଇଥିବାବେଳେ ଆମେରିକାରେ ଆଟର୍ଣ୍ଣି ଜେନେରାଲଙ୍କ କାର୍ଯ୍ୟାଳୟରୁ ଏହି ସୂଚନା ଗ୍ରହଣ କରାଯାଇଛି।
ଜଣେ ଅଧିକାରୀ କହିଛନ୍ତି, ‘ମାମଲା ଶେଷ ହେବା ପୂର୍ବରୁ ଆମେ କୌଣସି ଦିଗକୁ ଛୁଇଁବାକୁ ଚାହୁଁ ନାହୁଁ। ଆମେ ଜାଣିବାକୁ ଚାହିଁଛୁ କି ଏପରି ଡିଲିଟ୍ ଚାଟ୍ କିମ୍ବା ପୋଷ୍ଟ ଅଛି ଯାହା ଏହି କେସରେ ସହାୟକ ହୋଇପାରେ।’
ସୂଚନାନୁସାରେ ଗତ ୨୦୨୦ ଜୁନ ୧୪ ତାରିଖରେ ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ର ତାଙ୍କ ମୁମ୍ବାଇ ସ୍ଥିତ ବାସଭବନରେ ପୂର୍ବାହ୍ନ ସମୟରେ ମୃତ୍ୟୁ ହୋଇଥିଲା ଇ ସେହି ସମୟରେ ତାଙ୍କ ଘରେ ତାଙ୍କର ଦୁଇ ଘନିଷ୍ଠ ସହଯୋଗୀଙ୍କ ସହ ଘରୋଇ କର୍ମଚାରୀ ମାନେ ଉପସ୍ଥିତ ଥିଲେ ଇ ତାଙ୍କ ମୃତ୍ୟୁ କୁ ନେଇ ବିଭିନ୍ନ କଥା ଶୁଣାଯାଉଥିବା ବେଳେ ବୋଲିଉଡ଼ ସହିତ ଡ୍ରଗ୍ସ କନେକ୍ସନ ପଦାକୁ ଆସିଥିଲା ଇ ଏବଂ ଉକ୍ତ ଘଟଣା ସହିତ ଜଡିତ ତାଙ୍କର ଜନୈକ ବାନ୍ଧବୀ ତଥା ତାଙ୍କ ଭାଇ ଙ୍କୁ ଏନସିବି ଗିରଫ କରି ୬ ମାସ ଲେଖା ସଜ୍ଜା ମଧ୍ୟ ହୋଇଥିଲା I କିନ୍ତୁ ଏହି ଘଟଣା ର ସତ୍ୟାସତ୍ୟ ଏଯାଏ ପଦାକୁ ବାହାରି ନ ଥିବାରୁ ତାଙ୍କର ଅସଂଖ୍ୟ ପ୍ରଶଂସକ ଅସନ୍ତୋଷ ପ୍ରକାଶ କରିଛନ୍ତି I