କେନ୍ଦୁଝର ବିଧାୟକ ଙ୍କ ଗାଡି ଉପରକୁ ବୋମାମାଡ଼

କେନ୍ଦୁଝର ବିଧାୟକ ମୋହନ ମାଝୀଙ୍କ ଗାଡ଼ି ଉପରକୁ ବୋମାମାଡ଼ କରାଯାଇଛି । କେନ୍ଦୁଝର ଟାଉନ୍ ଥାନା ଅନ୍ତର୍ଗତ ମଣ୍ଡୁଆ ନିକଟରେ ତାଙ୍କ ଗାଡ଼ି ଉପରକୁ ବୋମାମାଡ଼ ହୋଇଛି। ଗାଡ଼ି ସାମାନ୍ୟ କ୍ଷତିଗ୍ରସ୍ତ ହୋଇଥିବା ବେଳେ ବିଧାୟକ ସୁରକ୍ଷିତ ଅଛନ୍ତି। ଏ ନେଇ ଖୋଦ ବିଧାୟକ କେନ୍ଦୁଝର ଟାଉନ ଥାନା ରେ ଅଭିଯୋଗ କରିଛନ୍ତି I

ସ୍ଥାନୀୟ ଶିକ୍ଷାବିକାଶ ସମିତି କାର୍ଯ୍ୟଳୟରେ ମଜଦୂର ସଂଘର ଏକ ବୈଠକ ଅନୁଷ୍ଠିତ ହେଉଥିଲା। ଯେଉଁଠିକୁ ଅତିଥି ହୋଇ ଆସିଥିଲେ ବିଧାୟକ ମାଝି । ଦିନ ପାଖାପାଖି ୧୨ଟା ସମୟରେ ସେ ବୈଠକରୁ ଗାଡି ପାଖକୁ ଫେରୁଥିବା ବେଳେ ୨ ଜଣ କଳା ସାର୍ଟ ପିନ୍ଧା ଯୁବକଙ୍କୁ ଦେଖିଥିଲେ। ସେମାନେ ହୋଣ୍ଡା ସାଇନ୍ ଗାଡିରେ ଘଟଣାସ୍ଥଳକୁ ଆସିଥିଲେ। ଏବଂ ମୋହନଙ୍କୁ ଦେଖି ସେମାନଙ୍କ ଭିତରୁ ଜଣେ ଗାଡି ପାଖକୁ ବୋମା ମାଡ କରିଥିଲା। ଯାହାକୁ ବିରୋଧ କରିବାକୁ ଯାଇ ବିଧାୟକ ଓ ତାଙ୍କ ସହ ଥିବା କିଛି ବ୍ୟକ୍ତି ପାଟି କରିଥିଲେ। ଏହି ସମୟରେ ଗାଡିରେ ବସି ଦୁର୍ବୃତ୍ତ ଆଉ ଗୋଟିଏ ବୋମା ଫୋପାଡିଥିଲେ। ଫଳରେ ମୋହନଙ୍କ ଗାଡିର ସାମ୍ନା ପାର୍ଶ୍ୱଟି କ୍ଷତିଗ୍ରସ୍ତ ହୋଇଛିଏନେଇ ବିଧାୟକଙ୍କ ପକ୍ଷରୁ ଟାଉନ୍ ଥାନାରେ ଅଭିଯୋଗ କରାଯାଇଛି।