ନୂଆଦିଲ୍ଲୀ/ୱାଶିଂଟନ: ଆମେରିକା ନୂଆଦିଲ୍ଲୀ ସହିତ ଏକ ବଡ଼ ସାମରିକ ଚୁକ୍ତି କରିବା ସହିତ ଭାରତକୁ ୧୩୧ ନିୟୁତ ଆମେରିକୀୟ ଡଲାର ମୂଲ୍ୟର ଗୁରୁତ୍ୱପୂର୍ଣ୍ଣ ସାମରିକ ହାର୍ଡୱେୟାର ଏବଂ ଲଜିଷ୍ଟିକ୍ସ ଯୋଗାଇବା ପ୍ରସ୍ତାବକୁ ଅନୁମୋଦନ କରିଛି। ଭାରତ ଆସିବାକୁ ଥିବା ଏସବୁ ସାମଗ୍ରୀ ମଧ୍ୟରେ ରହିଛି ସିଭର୍ସନ ସଫ୍ଟଓ୍ବାର, ଟେକନିକାଲ ଆସିଷ୍ଟାନ୍ସ ଫିଲ୍ଡ ଟିମ, ରିମୋଟ ସପ୍ଟୱାର ଏଣ୍ଡ ଆନାଲିଟିକ୍ସ ସପୋର୍ଟ ଇତ୍ୟାଦି । ପେଣ୍ଟାଗନ ହାଉସର ଏହି ନିଷ୍ପତ୍ତି ପାକିସ୍ତାନରେ ଚିନ୍ତା ସୃଷ୍ଟି କରାଇବା ସହିତ ଏସବୁ ଉପକରଣ ଯୁଦ୍ଧ ସମୟରେ ଭାରତର କ୍ଷମତା ଓ ଦକ୍ଷତାକୁ ବୃଦ୍ଧି କରାଇବ | ପେଣ୍ଟାଗନ ଅଧୀନରେ କାର୍ଯ୍ୟ କରୁଥିବା ପ୍ରତିରକ୍ଷା ସୁରକ୍ଷା ସହଯୋଗ ଏଜେନ୍ସି (ଡିଏସସିଏ) ସାମରିକ ଯୋଗାଣ ପାଇଁ ଆବଶ୍ୟକୀୟ ପ୍ରମାଣପତ୍ର ପ୍ରଦାନ କରିଛି ଏବଂ ସମ୍ଭାବ୍ୟ ବିକ୍ରୟ ବିଷୟରେ ଆମେରିକା କଂଗ୍ରେସକୁ ସୂଚିତ କରାଯାଇଛି। ଏହି ପ୍ରସ୍ତାବିତ ଯୋଗାଣ ବିଦେଶୀ ସାମରିକ ବିକ୍ରୟ ମାର୍ଗ ମାଧ୍ୟମରେ ଇଣ୍ଡୋ-ପାସିଫିକ୍ ସାମୁଦ୍ରିକ ଡୋମେନ୍ ସଚେତନତା କାର୍ଯ୍ୟକ୍ରମର ଢାଞ୍ଚା ଅଧୀନରେ ଭାରତ-ଆମେରିକା ସହଯୋଗ ସହିତ ଜଡିତ। ଡିଏସସିଏର ଲକ୍ଷ୍ୟ ହେଉଛି ସମାନ ଚ୍ୟାଲେଞ୍ଜର ପ୍ରତିକ୍ରିୟା ପାଇଁ ବିଦେଶୀ ସୁରକ୍ଷା ବାହିନୀର କ୍ଷମତା ନିର୍ମାଣ କରି ଆମେରିକାର ଜାତୀୟ ସୁରକ୍ଷା ଏବଂ ବୈଦେଶିକ ନୀତି ସ୍ୱାର୍ଥକୁ ଆଗକୁ ବଢାଇବ |
Comments are closed, but trackbacks and pingbacks are open.