‘ଭ୍ୟାକସିନ୍ ମୈତ୍ରୀ ଜରିଆରେ ଭାରତ ସମଗ୍ର ବିଶ୍ୱ କୁ କରୋନା ଟିକା ରପ୍ତାନୀ କରିବ’: ମାଣ୍ଡଭିୟ
‘ଭ୍ୟାକସିନ୍ ମୈତ୍ରୀ ଜରିଆରେ ଭାରତ ସମଗ୍ର ବିଶ୍ୱକୁ ସାହାଯ୍ୟ କରିବ ଏବଂ ଚତୁର୍ଥ ତ୍ରୈମାସିକରେ କୋଭାକ୍ସିନ୍ ଉପରେ ଜୋର ଦିଆଯିବ। ଆସନ୍ତା ମାସରେ ୩୦ କୋଟିରୁ ଅଧିକ ଟିକାର ଡୋଜ୍ ଉତ୍ପାଦନ ହେବ ବୋଲି ଆଶା ରହିଛି। ଆଗାମୀ ଦିନରେ ଟିକା ଉତ୍ପାଦନ ବଢ଼ିବ। କାରଣ ଜୈବିକ ଇ ଏବଂ ଅନ୍ୟ କମ୍ପାନୀ ନିଜ ନିଜର ଟିକା ବଜାରକୁ ଆଣିବେ।’ବୋଲି କହିଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ଇ ଟିକାକରଣ ମହାଅଭିଯାନରେ ଦେଶରେ ଏବେ ସୁଦ୍ଧା ୮୧ କୋଟି ଡୋଜ୍ ଦିଆସରିଛି ବୋଲି ସୋମବାର କହିଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ । ସେଥିମଧ୍ୟରୁ ୧୦ କୋଟି ଡୋଜ୍ ଗତ ୧୧ ଦିନରେ ଦିଆଯାଇଛି ବୋଲି ସେ କହିଛନ୍ତି। ଏହା ବ୍ୟତୀତ ଆସନ୍ତା ମାସରୁ ବିଶ୍ବକୁ କୋଭିଡ ଭ୍ୟାକସିନ୍ ଯୋଗାଇବ ଭାରତ।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ମୁତାବକ, ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳକୁ ଏବେ ସୁଦ୍ଧା ମୋଟ ୭୯.୫୮ କୋଟିରୁ ଅଧିକ ଡୋଜ୍ ଦିଆଯାଇଛି। ଆହୁରି ୧୫ ଲକ୍ଷ ଭ୍ୟାକସିନ୍ ଡୋଜ୍ ଆମଦାନୀ କରିବାକୁ ଲକ୍ଷ୍ୟ ରହିଛି। ଏବେ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକ ପାଖରେ ୫.୪୩ କୋଟି ଭ୍ୟାକସିନ୍ ଡୋଜ୍ ବଞ୍ଚିଛି ବୋଲି ସୂଚନା ମିଳିଛି।
