ସାଲିଆସାହିରେ ବୁଲିଲା ବୁଲଡୋଜର

ଭୁବନେଶ୍ୱର:ଗଞ୍ଜାମ ଚିକଟି ମଦ ମୃତ୍ୟୁ ପରେ ଏବେ ପୁଲିସ ଓ ଅବକାରୀ ବିଭାଗ ପୁରା ଆକ୍ସନ ମୋଡ଼କୁ ଆସିଯାଇଛନ୍ତି । ରାଜ୍ୟର ବିଭିନ୍ନ ସ୍ଥାନରେ ଚଢଉ ପରେ ଚଢଉ କରି ବ୍ୟାପକ ଦେଶୀ ମଦ ଓ ପୋଚ ନଷ୍ଟ କରୁଛନ୍ତି । ଏହି କ୍ରମରେ ଆଜି ରାଜଧାନୀ ଭୁବନେଶ୍ୱରରେ ଥିବା ସାଲିଆସାହିରେ ପୁଲିସ ପକ୍ଷରୁ ଏକ ବଡ଼ଧରଣର ରେଡ କରାଯାଇ ୩ଟି ଦେଶୀ ମଦ କାରଖାନା ଠାବ କରାଯାଇଛି । ଆଉ ସେଠାରେ ପୁଲିସ ବୁଲଡୋଜର ଚଲାଇ ସମ୍ପୃକ୍ତ କାରଖାନାକୁ ମାଟିରେ ମିଶାଇ ଦେଇଛି । ବୁଲଡୋଜର  ଚଲାଇ ସମ୍ପୃକ୍ତ ଦେଶୀ ମଦ କାରଖାନାକୁ ଭଙ୍ଗାଯାଇଛି । ପ୍ରକାଶ ଯେ ଗଞ୍ଜାମର ଚିକିଟି ମଦ ମୃତୁ୍ୟ ପରେ ବିରୋଧୀ ରାଜ୍ୟ ସରକାରଙ୍କୁ ଘେରିବା ପରେ ଚୋରା ମଦ କାରବାରକୁ ବନ୍ଦ କରିବା ପାଇଁ ସରକାର ପଣ କରିଛନ୍ତି । ବିଭିନ୍ନ ସ୍ଥାନରେ ଚଢ଼ଉ କରି ଚୋରା ମଦ କାରବାର ମୂଳୋତ୍ପାଟନ କରିବାକୁ ଅବକାରୀ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ନିଦେ୍ର୍ଧଶ ଦେଇଛନ୍ତି । ମନ୍ତ୍ରୀ ଆହୁରି କହିଛନ୍ତି, ନୂଆ ସରକାର ନୂଆ ଅବକାରୀ ନୀତି ଆଣିବେ। ବେଆଇନ ମଦ କାରବାରକୁ କଠୋର ହସ୍ତରେ ଦମନ କରାଯିବ। ମଦ ଭାଟି ଭାଙ୍ଗିବା ପ୍ରକ୍ରିୟା ଆରମ୍ଭ ହୋଇଛି। ଓଡ଼ିଆ ଅସ୍ମିତା ଓ ଓଡ଼ିଆ ସଂସ୍କୃତିର ସୁରକ୍ଷା ପାଇଁ ରାଜ୍ୟରେ ଡ୍ୟାନ୍ସ ବାର୍ ବନ୍ଦ କରାଯିବ। ଯିଏ ବିଷାକ୍ତ ମଦ ବିକୁଛି  ସେ ଅପରାଧୀ। ତେଣୁ ଏମିତି ଅପରାଧୀଙ୍କୁ ଏକ ନିର୍ଦ୍ଦିଷ୍ଟ ରାଜନୈତିକ ଦଳର ନେତାଙ୍କ ପୃଷ୍ଠପୋଷକତା ମିଳୁଛି। ତାହା ବନ୍ଦ ହେଉ।