ନୂଆଦିଲ୍ଲୀ : ସୁପ୍ରିମକୋର୍ଟରେ ଶନିବାର ଏକ ବିଶେଷ ମ।।ମଲାର ଶୁଣାଣି ହେବାକୁ ଯାଉଛି। ଯାହା ଶୁଣିବାକୁ ଆପଣଙ୍କୁ ଆଶ୍ଚର୍ଯ୍ୟ ଲାଗିପାରେ। ଜଣେ ବିରାପତି ଆଉ ଜଣେ ବିଚାରପତିଙ୍କ ବିରୋଧରେ ଏକ ଭିନ୍ନ ଅଭିଯୋଗ କରିଛନ୍ତି। ଏହି ଘଟଣାଟି କଲକାତା ହାଇକୋର୍ଟର ଦୁଇ ଜଜ୍ଙ୍କ ସହ ଜଡିତ। ଘଟଣାର ଗୁରୁତ୍ୱକୁ ନଜରରେ ରଖି ସୁପ୍ରିମକୋର୍ଟ ଶନିବାର ଏହାର ଶୁଣାଣି ପାଇଁ ତାଲିକାଭୁକ୍ତ କରିଛନ୍ତି। ମାମଲାକୁ ପ୍ରଧାନବିଚାରପତି ଜଷ୍ଟିସ୍ ଡିୱାଇ ଚନ୍ଦ୍ରଚୂଡଙ୍କ ସମେତ ୫ଜଣ ବରିଷ୍ଠ ବିଚାରପତି ଏହାର ଶୁଣାଣି କରିବେ।
ଘଟଣା କ୍ରମେ ଗୁରୁବାର (୨୫ ଜାନୁଆରୀ)ରେ ଜଷ୍ଟିସ୍ ଅଭିଜିତ ଗଙ୍ଗୋପାଧ୍ୟାୟ ପଶ୍ଚିମବଙ୍ଗର ବିଭିନ୍ନ ମେଡିକାଲ କଲେଜ ଓ ହସ୍ପିଟାଲରେ ଏମ୍ବିବିଏସ୍ ପାଠ୍ୟକ୍ରମରେ ନାମଲେଖାରେ ଦୁର୍ନୀତି ହୋଇଥିବା ଅଭିଯୋଗ ଉପରେ ଶୁଣାଣି କରି ସିବିଆଇ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ। ତେବେ ଏହା ବିରୋଧରେ ପଶ୍ଚିମବଙ୍ଗର ତୃଣମୂଳ କଂଗ୍ରେସ ସରକାର ଜଷ୍ଟିସ ସୌମେନ ସେନ୍ଙ୍କ ଡିଭିଜନ ବେଞ୍ଚରେ ଆନ୍ଦୋଳନ କରିଥିଲେ। ଡିଭିଜନ ବେଞ୍ଚ ଜଷ୍ଟିସ୍ ଅଭିଜିତ ଗଙ୍ଗୋପାଧ୍ୟାୟ ଦେଇଥିବା ସିବିଆଇ ତଦନ୍ତ ନିର୍ଦ୍ଦେଶ ଉପରେ ରହିତାଦେଶ ଦେଇଥିଲେ। ମାତ୍ର ଏହାପରେ ମଧ୍ୟ ଅଭିଜିତ ଗଙ୍ଗୋପାଧ୍ୟାୟ ସିବିଆଇ ତଦନ୍ତ ନିର୍ଦ୍ଦେଶ ପାଇଁ ନିର୍ଦ୍ଦେଶ ଦେଇଥିଲେ। ଏହାସହ ଡିଭିଜନ ବେଞ୍ଚ ଦେଇଥିବା ନିର୍ଦ୍ଦେଶକୁ ସୁପ୍ରିମକୋର୍ଟ ଯାଞ୍ଚ କରନ୍ତୁ ବୋଲି ମଧ୍ୟ କହିଥିଲେ। ଜଷ୍ଟିସ ସୌମେନ ସେନ୍ ଏହି ରାଜ୍ୟରେ କିଛି ରାଜନୈତିକ ଦଳ ପାଇଁ କାମ କରୁଛନ୍ତି ବୋଲି ମଧ୍ୟ ଜଷ୍ଟିସ୍ ଅଭିଜିତ ଗଙ୍ଗୋପାଧ୍ୟାୟ କହିଛନ୍ତି।
ଜଷ୍ଟିସ୍ ଅଭିଜିତ ଗଙ୍ଗୋପାଧ୍ୟାୟଙ୍କ ଅନ୍ୟ ୨ ଅଭିଯୋଗ ଅନୁଯାୟୀ, ୨୦୨୧ରେ ସୁପ୍ରିମକୋର୍ଟ କଲେଜିୟମ ଜଷ୍ଟିସ ସେନ୍ଙ୍କ ବଦଳି ପାଇଁ ସୁପାରିଶ କରିଥିଲେ। ତଥାପି ସେ କେଉଁ କାରଣ ପାଇଁ ହାଇକୋର୍ଟରେ ଏଯାବତ୍ ଅଛନ୍ତି?
ଜଷ୍ଟିସ୍ ଅଭିଜିତ ଗଙ୍ଗୋପାଧ୍ୟାୟ ଜଷ୍ଟିସ୍ ସେନ୍ ଓ ଅନ୍ୟ ଜଣେ ବିଚାରପତି ଜଷ୍ଟିସ୍ ଅମୃତା ସିହ୍ନାଙ୍କ ମଧ୍ୟରେ ମଧ୍ୟରେ ହୋଇଥିବା କଥାବାର୍ତ୍ତାକୁ ମଧ୍ୟ ଉଲ୍ଲେଖ କରିଛନ୍ତି। ସେ ଅଭିଯୋଗ କରିଛନ୍ତି ଯେ, ନିକଟରେ ଜଷ୍ଟିସ୍ ସେନ୍ ଜଷ୍ଟିସ୍ ଅମୃତା ସିହ୍ନାଙ୍କୁ ନିଜ ଚାମ୍ବରକୁ ଡାକିଥିଲେ। ଅଭିଷେକ ବାନାର୍ଜୀଙ୍କ ରାଜନୈତିକ ଭବିଷ୍ୟତ ଉଜ୍ଜ୍ୱଳ ଥିବାରୁ ତାଙ୍କୁ ହଇରାଣ ନକରିବାକୁ ଜଷ୍ଟିସ୍ ଅମୃତା ସିହ୍ନାଙ୍କୁ ଜଷ୍ଟିସ୍ ସେନ୍ କହିଥିଲେ।
Comments are closed, but trackbacks and pingbacks are open.