ନୂଆଦିଲ୍ଲୀ: ଆଫଗାନିସ୍ତାନ ବିପକ୍ଷରେ ଯଦିଓ ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମାଙ୍କ ଗୋଟିଏ ପରେ ଗୋଟିଏ ଜବରଦସ୍ତ ବ୍ୟାଟିଂ ଦର୍ଶକ ଦେଖିଥିଲେ କିନ୍ତୁ ମ୍ୟାଚ ଶେଷରେ ଏପରି କିଛି ଘଟିଥିଲା ଯାହା ଦର୍ଶାଇଥିଲା ଯେ ରୋହିତ ଶର୍ମା ‘ଅନ୍ ଫିଟ୍’। ଏହାପୂର୍ବରୁ ମଧ୍ୟ ରୋହିତଙ୍କ ଫିଟନେସକୁ ନେଇ ସବୁବେଳେ ପ୍ରଶ୍ନ ଉଠୁଛି।
ଅନେକ କ୍ରିକେଟ ବିଶେଷଜ୍ଞ ମଧ୍ୟ ଅଧିନାୟକଙ୍କୁ ପରାମର୍ଶ ଦେଇଛନ୍ତି ଯେ ତାଙ୍କୁ ତାଙ୍କ ଫିଟନେସ୍ ଉପରେ କାମ କରିବାକୁ ପଡ଼ିବ। ଉଭୟ ବିରାଟ କୋହଲି ଓ ରୋହିତ ଶର୍ମା ଭାରତର ସିନିୟର ଖେଳାଳି, କିନ୍ତୁ ଗୋଟିଏ ପଟେ ବିରାଟ କୋହଲି ପୂରା ଦଳର ସବୁଠାରୁ ଫିଟ୍ ଖେଳାଳି, ଅନ୍ୟପଟେ ରୋହିତ ଶର୍ମା ସବୁଠାରୁ ଅନଫିଟ୍ ଖେଳାଳି ବୋଲି କୁହାଯାଉଛି।
ରୋହିତ ଶର୍ମା ପ୍ରକୃତରେ ଫିଟ୍ ନୁହଁନ୍ତି କି ନାହିଁ ଏହି ଚର୍ଚ୍ଚା ଅନେକ ଥର ବିବାଦର ରୂପ ନେଇଛି। ଏବେ ରୋହିତ ଶର୍ମା ନିଜେ ଏହି ପ୍ରଶ୍ନର ଉତ୍ତର ଦେଇଛନ୍ତି। ନିଜେ ଭାରତୀୟ ଅଧିନାୟକ ରୋହିତ ଶର୍ମା ନିଜ ଫିଟନେସ୍ କୁ ନେଇ ସଙ୍କେତ ଦେଇଛନ୍ତି। ଭାରତ ଓ ଆଫଗାନିସ୍ତାନ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳାର ତୃତୀୟ ମ୍ୟାଚ୍ ଅତ୍ୟନ୍ତ ରୋମାଞ୍ଚକର ରହିଛି। ଏହି ମ୍ୟାଚରେ ୨-୨ଟି ସୁପର ଓଭର ଖେଳାଯାଇଛି।
ସୁପର ଓଭର ସମୟରେ ରୋହିତ ଶର୍ମା ଏମିତି କିଛି କରିଥିଲେ ଯାହା ତାଙ୍କୁ ନିଜେ ସ୍ୱୀକାର କରିଛନ୍ତି ଯେ ତାଙ୍କୁ ଅଧିକ ଫିଟ୍ ରହିବାକୁ ପଡ଼ିବ।
Comments are closed, but trackbacks and pingbacks are open.