କିମ୍‍ସରେ ବିଶ୍ୱ ରୋଗୀ ସୁରକ୍ଷା ଦିବସ

ବିନା ଡାକ୍ତରୀ ପରାମର୍ଶରେ ଔଷଧ ସେବନ ହାନିକାରକ ହୋଇପାରେ
ଭୁବନେଶ୍ୱର,୧୬ା୮: ରୋଗର ଉପଚାର ତଥା ରୋଗୀକୁ ଆରୋଗ୍ୟ କରିବା ପାଇଁ ଔଷଧ ଉଦ୍ଦିଷ୍ଟ ଏବଂ କେତେକ କ୍ଷେତ୍ରରେ ପ୍ରତିଷେଧକ ବ୍ୟବସ୍ଥା ଭାବରେ ବ୍ୟବହୃତ ହୁଏ, କିନ୍ତୁ ପରାମର୍ଶ ବିନା ଔଷଧ ଖାଇବା ସମାନ ଭାବରେ କ୍ଷତିକାରକ ଏବଂ ବିପର୍ଯ୍ୟସ୍ତ ହୋଇପାରେ । ଅନେକ ଅଧ୍ୟୟନରୁ ଜଣାପଡ଼ିଛି ଯେ ବାରମ୍ବାର ବିନା ଡାକ୍ତରୀ ପରାମର୍ଶରେ ଔଷଧ ସେବନ ଦ୍ୱାରା ଦୀର୍ଘ ସମୟ ମଧ୍ୟରେ ପ୍ରତିକୂଳ ପରିସ୍ଥିତି ସୃଷ୍ଟି ହୋଇପାରେ ଏବଂ ଆଣ୍ଟିମାଇକ୍ରୋବାୟଲ୍ ପ୍ରତିରୋଧ ମଧ୍ୟ ହୋଇପାରେ । ପଲିଫାର୍ମାସି (ଏକାଧିକ ଔଷଧର ଏକକାଳୀନ ବ୍ୟବହାର) ଏବଂ ସମାନ ଔଷଧ ମଧ୍ୟ ଗୁରୁତର ସମସ୍ୟା ସୃଷ୍ଟି କରିପାରେ । ଡକ୍ତରୀ ପରାମର୍ଶ ବିନା ଔଷଧ ବ୍ୟବହାର ବିପର୍ଯୟର କାରଣ ହୋଇପାରେ ଏବଂ ମାନବ ଜୀବନ ନଷ୍ଟ କରିପାରେ ବୋଲି କିମ୍‍ସରେ ବିଶ୍ୱ ରୋଗୀ ସୁରକ୍ଷା ଦିବସ ପାଳନ ଅବସରରେ ମେଡିସିନ୍ ପ୍ରଫେସର ତଥା କିମସ୍ ଉପାଧ୍ୟକ୍ଷ ଡା. ଶୁଭ୍ରାଂଶୁ ପାତ୍ର ସତର୍କ କରାଇଛନ୍ତି ।
ଚଳିତ ବର୍ଷର ସ୍ଲୋଗାନ ‘ମେଡିକେସନ୍ ଉଇଦ୍‌ଆଉଟ ହାର୍ମ’ (ବିନା କ୍ଷତିରେ ରୋଗ ଉପଚାର) ରୋଗୀ ନିରାପତ୍ତାକୁ ନିଶ୍ଚିତ କରିବାକୁ ନେଇ ସଚେତନତା ସୃଷ୍ଟି କରିବାକୁ ମଧ୍ୟ ଗୁରୁତ୍ୱ ଦେଇଛନ୍ତି । ଡା. ପାତ୍ର ବିଶ୍ୱ ରୋଗୀ ସୁରକ୍ଷା ଦିବସ ୨୦୨୨ ର ଉଦ୍ଦେଶ୍ୟ ଉପରେ ମଧ୍ୟ ଜୋର ଦେଇଛନ୍ତି ଯେ ତ୍ରୁଟିପୂର୍ଣ୍ଣ ଔଷଧ ସେବନ ଓ ଅସୁରକ୍ଷିତ ଅଭ୍ୟାସ ଯୋଗୁଁ ହେଉଥିବା କ୍ଷତି ବିଷୟରେ ବିଶ୍ୱସ୍ତରୀୟ ସଚେତନତା ସୃଷ୍ଟି କରାଯିବା ଉଚିତ।