ଵାସ୍ତୁ ଅନୁଯାୟୀ ଘରର କେଉଁ କୋଣରେ କଣ ରଖିବେ

ଘର ତିଆରି ସମୟରେ ବର୍ତ୍ତମାନ ସମସ୍ତେ ବାସ୍ତୁ ଶାସ୍ତ୍ର କୁ ବିଶେଷ ଗୁରୁତ୍ୱ ଦିଆଯାଇଛି। ଘରର ଦିଗ ଏବଂ ଘରେ ରଖାଯାଇଥିବା ବସ୍ତୁଗୁଡ଼ିକ ପରିବାର ଉପରେ ଗଭୀର ପ୍ରଭାବ ପକାଇଥାଏ I ବାସ୍ତୁ ଅନୁଯାୟୀ, ଯଦି ଘରେ ରଖାଯାଇଥିବା ଜିନିଷଗୁଡ଼ିକ ସଠିକ୍ ଦିଗରେ ଥାଏ, ତେବେ ଏହା ଘର ଉପରେ ସକାରାତ୍ମକ ପ୍ରଭାବ ପକାଇଥାଏ I ଅନ୍ୟପକ୍ଷରେ, ଯଦି ଘରେ ରଖାଯାଇଥିବା ଜିନିଷଗୁଡ଼ିକର ଦିଗ ଠିକ୍ ନଥାଏ, ତେବେ ଏହାର ନକାରାତ୍ମକ ପ୍ରଭାବ ପଡିଥାଏ I ବାସ୍ତୁ ଅନୁଯାୟୀ, ବିଭିନ୍ନ ଦିଗର ଦେବତାମାନେ ମଧ୍ୟ ଭିନ୍ନ ଅଟନ୍ତି। ତେଣୁ ଭସ୍ତୁ ଅନୁଯାୟୀ, ଦିଗକୁ ଦୃଷ୍ଟିରେ ରଖି ଆମେ ଘର ତିଆରି କରିଥାଉ କିନ୍ତୁ ବର୍ତ୍ତମାନ ସହର ଗୁଡିକ ରେ ତିଆରି ହଉଥିବା ବଡ଼ ବଡ଼ ଆପାର୍ଟମେଣ୍ଟ କିମ୍ବା ସରକାରୀ ଘରେ ବାସ୍ତୁ ଦୋଷ କୁ ଧରାଯାଏ ନାହିଁ କିନ୍ତୁ ଯଦି ଘରର କୌଣସି ଦୋଷ ତ୍ରୁଟି ଥାଏ ତେବେ ତାର ଉପଚାର କରି ହେବ I ଆସନ୍ତୁ ଜାଣିବା କେଉଁ ଦିଗରେ ଘର କଲେ ଏହା ପରିବାର ପାଇଁ ଉତ୍ତମ ହୋଇଥାଏ :
ପୂର୍ବ
ବାସ୍ତୁ ରେ , ପୂର୍ବ ଦିଗ ର ସମ୍ପର୍କ ଅଗ୍ନି ଉପାଦାନ ସହିତ ରହିଥାଏ I ଏହି ଦିଗର ଦେବତା ହେଉଛନ୍ତି ଇନ୍ଦ୍ର I ଶୋଇବା ଏବଂ ଅଧ୍ୟୟନ ପାଇଁ ପୂର୍ବ ଦିଗ ଶୁଭ ଅଟେ I ଘର ଭିତରେ ଏହି ଦିଗରେ ଏକ ଝରକା ରହିବା ଜରୁରୀ I ଯାହାଦ୍ୱାରା ସୂର୍ଯ୍ୟକିରଣ ସହିତ ସକାରାତ୍ମକ ଶକ୍ତି ଘରକୁ ଆସିଥାଏ I

ପଶ୍ଚିମ
ବାସ୍ତୁ ଅନୁଯାୟୀ ପଶ୍ଚିମ ଦିଗ ବାୟୁ ଉପାଦାନ ସହିତ ଜଡିତ। ଏହି ଦିଗର ଦେବତା ବରୁଣ ଦେବ I ବାସ୍ତୁ ଅନୁଯାୟୀ ପଶ୍ଚିମ ଦିଗରେ ରୋଷେଇ ଘର ରହିବା ଉଚିତ୍ ନୁହେଁ।
ଉତ୍ତର
ଵାସ୍ତୁ ଶାସ୍ତ୍ରରେ , ଉତ୍ତର ଦିଗ ଜଳ ତତ୍ତ୍ୱ ସହିତ ଜଡିତ I ଏହା ବ୍ୟତୀତ ଏହି ଦିଗର ଦେବତା ହେଉଛନ୍ତି କୁବେର ଦେବ I ଆପଣ ଉତ୍ତର ପୂଜାଘର ନିର୍ମାଣ କରିପାରିବେ I ଘରର ମୁଖ୍ୟ ଫାଟକକୁ ସମାନ ଦିଗରେ ରଖିବା ଉପଯୁକ୍ତ ବିବେଚନା କରାଯାଏ I

ଦକ୍ଷିଣ
ଦକ୍ଷିଣ ଦିଗ ପୃଥିବୀ ତତ୍ତ୍ୱ ସହିତ ଜଡିତ ଇଯମ ଦେବତା ହେଉଛନ୍ତି ଏହି ଦିଗର ପ୍ରଭୁ ଵାସ୍ତୁ ଅନୁଯାୟୀ, ଭାରୀ ଜିନିଷଗୁଡିକ ଘରର ଏହି ଦିଗରେ ରଖାଯାଇପାରିବ I ଏହି କୋଣ କୁ ଆପଣ ବେଡ଼ ରୁମ ମଧ୍ୟ କରିପାରିବେ I

ଉତ୍ତର ପୂର୍ବ
ଉତ୍ତର ଏବଂ ପୂର୍ବ ଦିଗକୁ ଉତ୍ତର-ପୂର୍ବ କୁହାଯାଏ Iଉତ୍ତର-ପୂର୍ବ କୋଣ ଜଳ ଉପାଦାନ ସହିତ ଜଡିତ I ଏହି କୋଣର ଦେବତା ହେଉଛନ୍ତି ରୁଦ୍ର I ପୂଜାପାଠ ପାଇଁ ଏହି କୋଣର ବ୍ୟବହାର କଲେ ଅତି ଉତ୍ତମ, କିନ୍ତୁ ଭୁଲ କରି ଏହି କୋଣରେ ବାଥରୁମ କରନ୍ତୁ ନାହିଁ I

ଉତ୍ତର ପଶ୍ଚିମ
ଉତ୍ତର ଏବଂ ପଶ୍ଚିମ ଦିଗକୁ ଵାୟଵ୍ୟ କୋଣ କୁହାଯାଏ I ଏହି କୋଣ ବାୟୁ ସହିତ ଜଡିତ I ଏହି କୋଣର ପ୍ରଭୁ ହେଉଛନ୍ତି ପବନଦେବ I ଏହି କୋଣରେ ଶୟନ କକ୍ଷ ନିର୍ମାଣ କରାଯାଇପାରିବ I ସେହି ସମୟରେ, ଏହି କୋଣରେ କଣସି ଜଙ୍କ୍ କିମ୍ବା ମଇଳା ରହିବା ଉଚିତ୍ ନୁହେଁ I

ଦକ୍ଷିଣ ପୂର୍ବ
ଦକ୍ଷିଣ ଏବଂ ପୂର୍ବ ଦିଗକୁ ଅଗ୍ନି କୋଣ କୁହାଯାଏ I ଏହି କୋଣରେ ରୋଷେଇ ଘର ତିଆରି କରିବା ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ I ଏହା ବ୍ୟତୀତ ଏହି କୋଣ ଅଗ୍ନି ସହିତ ଜଡିତ I ଏହି କୋଣର ପ୍ରଭୁ ହେଉଛନ୍ତି ଅଗ୍ନିଦେବ I

ଦକ୍ଷିଣ ପଶ୍ଚିମ
ଦକ୍ଷିଣ ଏବଂ ପଶ୍ଚିମ ଦିଗକୁ ଦକ୍ଷିଣ ପୂର୍ବ କୋଣ କୁହାଯାଏ I ଏହି କୋଣ ପୃଥିବୀ ଉପାଦାନ ସହିତ ଜଡିତ I ଏହି କୋଣର ପ୍ରଭୁ ହେଉଛନ୍ତି ରାହୁ I ଭାରୀ ସାମଗ୍ରୀକୁ ମଧ୍ୟ ଏହି କୋଣରେ ରଖାଯାଇପାରିବ ଇ ଏହି କୋଣ କୁ ମାଷ୍ଟର ବେଡ଼ ରୁମ ମଧ୍ୟ କରାଗଲେ ଅତ୍ୟନ୍ତ ଉତ୍ତମ I

(ଦିଆଯାଇଥିବା ଉପରୋକ୍ତ ଦିଗ ନିର୍ଣ୍ଣୟ କେବଳ ଯେଉଁମାନେ ଜମି କିଣି ଘର ତିଆରି କରିବେ ତାଙ୍କ ପାଇଁ ନିହାତି ପ୍ରଯୁଜ୍ୟ I କିନ୍ତୁ ଆପଣ ଯଦି ଫ୍ଲାଟ କିଣୁଛନ୍ତି କିମ୍ବା ସରକାରୀ ଘରେ ରହୁଛନ୍ତି ଏତେ ସବୁ ପୁଙ୍ଖାନୁପୁଙ୍ଖ ଭାବରେ ବିଚାର କରାଯାଇ ପାରିବ ନାହିଁ ଏବଂ ଏହି ଘର ଗୁଡିକରେ ବାସ୍ତୁ ଧରାଯାଏ ନାହିଁ I ତେଣୁ ଆପଣ କୌଣସି ଵାସ୍ତୁ ବିଶେଷଜ୍ଞ ଙ୍କ ଠାରୁ ପରାମର୍ଶ ନେଇ ଉପଚାର କରାଇପାରିବେ I ଯଦି ବି ଆପଣଙ୍କ ଘରେ କୌଣସି ବାସ୍ତୁ ଜନିତ ତ୍ରୁଟି ଦେଖାଦେଉଛି ଆପଣ ଗୋଟିଏ ପାତ୍ରରେ କିଛି ଲୁଣ ନେଇ ସେହି ଘରେ ରଖି ଦିଅନ୍ତୁ ଏବଂ ଏହି ଲୁଣ ଯେତେବେଳେ ପାଣି ହେଇଯିବ ,ତାକୁ ପୁଣି ବଦଳାଇ ଆଉ ଥରେ ରଖନ୍ତୁ ଏହା ଅତ୍ୟନ୍ତ ପ୍ରଭାବଶାଳୀ ହୋଇଥାଏ )