ନୂଆଦିଲ୍ଲୀ : ଉପରାଷ୍ଟ୍ରପତି ଜଗଦୀପ ଧନଖଡ଼ ବୁଧବାର କହିଛନ୍ତି ଯେ ସମୟ ସମୟରେ ଭାରତ ବିଷୟରେ ପ୍ରସାରିତ ହେଉଥିବା ଭୁଲ ଏବଂ ଜାତୀୟ ବିରୋଧୀ କାହାଣୀକୁ ପ୍ରତିହତ କରିବା ପାଇଁ ଗବେଷକ ପଣ୍ଡିତମାନେ ଆଗରେ ରହିବା ଆବଶ୍ୟକ l
ଉପରାଷ୍ଟ୍ରପତିଙ୍କ ରାହୁଲଗାନ୍ଧୀଙ୍କ ଉପରେ କଡା ଜବାବ :
ୟୁରୋପ ଗସ୍ତରେ ଥିବା କଂଗ୍ରେସ ନେତା ରାହୁଲ ଗାନ୍ଧୀଙ୍କ ଏକ ସ୍ପଷ୍ଟ ଖୋଳତାଡ଼ରେ ଧାନଖଡ଼ କହିଛନ୍ତି ଯେ ଯଦି ଏପରି ଭୁଲ ଏଜେଣ୍ଡା ଥିବା ଲୋକଙ୍କ ପାଇଁ ଏଠାରେ କିଛି କାମ ନହୁଏ, ତେବେ ସେମାନେ ୟୁରୋପ, ବ୍ରିଟେନ ଯାଇପାରିବେ, ସେଠାରେ ସେମାନେ ସର୍ବଦା ସମର୍ଥନ ପାଇବେ। କିଛି ଲୋକ ନିହାତି ଥିବେ ସେଠି ଶୁଣିବାକୁ l
ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଧନଖଡ଼ କହିଛନ୍ତି ଯେ ଯେତେବେଳେ କିଛି ଲୋକ ଭାରତର ବିକାଶ ଦେଖନ୍ତି, ସେତେବେଳେ ସେମାନେ ଏହାକୁ ହଜମ କରିପାରିବେ ନାହିଁ । ଭାରତୀୟ ଗ୍ଲୋବାଲ କାଉନସିଲର ନବୀକରଣ ହୋଇଥିବା ଲାଇବ୍ରେରୀକୁ ଉଦଘାଟନ କରିବା ପରେ ଉପରାଷ୍ଟ୍ରପତି କହିଛନ୍ତି ଯେ କ୍ଷତିକାରକ, ଭୟାନକ ତଥା ଜାତୀୟ ବିରୋଧୀ ଭଳି କାହାଣୀଗୁଡିକ ସମୟ ସମୟରେ ପ୍ରଚାର କରିବାରେ ଲାଗିଛି।
ରାହୁଲ ଗାନ୍ଧୀ ଗତ ଶୁକ୍ରବାର ଦିନ ବ୍ରୁସେଲ୍ସରେ କହିଥିଲେ ଯେ ଭାରତର ଗଣତାନ୍ତ୍ରିକ ଅନୁଷ୍ଠାନ ଉପରେ ବ୍ୟାପକ ଆକ୍ରମଣ ହୋଇଛି ଏବଂ ଦେଶର ଗଣତାନ୍ତ୍ରିକ ସଂରଚନାକୁ ଦମନ କରିବାକୁ ଏହି ପ୍ରୟାସକୁ ନେଇ ୟୁରୋପୀୟ ୟୁନିଅନର ଲୋକଙ୍କ ମଧ୍ୟରେ ଚିନ୍ତା ରହିଛି। ବିଦେଶ ମାଟିରେ ଦେଶକୁ ଅପମାନିତ କରିବା ଏବଂ ଭାରତ ବିରୋଧୀ ଏଜେଣ୍ଡା ଚଳାଇଥିବା ଅଭିଯୋଗ କରି ରାହୁଲ ଗାନ୍ଧୀଙ୍କୁ ମଧ୍ୟ ବିଜେପି ଟାର୍ଗେଟ କରିଛି।
Comments are closed, but trackbacks and pingbacks are open.