ଭାଜପାକୁ ନେଇ ବିଦେଶୀ ଛାନିଆ !

ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ ଅନ୍ତର୍ଜାତୀୟ ରାଜନୈତିକ ଦଳ ହେଉଛି ଭାଜପା । ଆମେରିକାର ଖବରକାଗଜ ‘ଦ ୱାଲ ଷ୍ଟ୍ରିଟ ଜର୍ଣ୍ଣାଲ’ର ଏକ ଓପିନିୟନ୍ ଆର୍ଟିକିଲ୍‌ରେ ଏହି ଦାବି କରାଯାଇଛି । ୱାଲ୍ଟର ରସେଲ ମିଡଙ୍କ ଦ୍ୱାରା ଲିଖିତ ଏହି ଆର୍ଟିକିଲରେ ଦର୍ଶାଯାଇଛି ଯେ, ଆମେରିକାର ସ୍ୱାର୍ଥ ଦୃଷ୍ଟିରୁ ଭାରତର ଭାରତୀୟ ଜନତା ପାର୍ଟି ହେଉଛି ବିଶ୍ୱର ସବୁଠାରୁ ଗୁରୁତ୍ୱପୂର୍ଣ୍ଣ ବିଦେଶୀ ରାଜନୈତିକ ଦଳ ।

ଏହି ପାର୍ଟି ବିଷୟରେ ବୋଧହୁଏ ବିଶ୍ୱରେ ଖୁବ୍ କମ୍ ଲୋକ ଜାଣିଥିବେ । ଆର୍ଟିକିଲରେ ଆହୁରି ଦର୍ଶାଯାଇଛି ଯେ, ୨୦୧୪ ଏବଂ ୨୦୧୯ରେ କ୍ରମାଗତ ବିଜୟ ପରେ ଭାଜପା ୨୦୨୪ରେ ମଧ୍ୟ ବିଜୟର ପୁନରାବୃତ୍ତି ଆଡକୁ ଗତି କରୁଛି । ଏହା ସହିତ ଭାରତ ମଧ୍ୟ ଏକ ପ୍ରମୁଖ ଅର୍ଥନୈତିକ ଶକ୍ତି ପାଲଟିଛି । ଏହି କାରଣରୁ ଜାପାନ ସହିତ ଏହି ଦେଶ ଭାରତ-ପ୍ରଶାନ୍ତ ମହାସାଗରରେ ଆମେରିକାର ନୀତିର ମୂଳ ସ୍ଥାନ ପାଲଟିଛି ।

ନିକଟ ଭବିଷ୍ୟତରେ ଭାଜପା ଭାରତରେ ଅଧିକାଂଶ ନିଷ୍ପତ୍ତି ନେବ ଏବଂ ଏହାର ସାହାଯ୍ୟ ବିନା ଆମେରିକା ଚାଇନାର ବଢୁଥିବା ଶକ୍ତି ସନ୍ତୁଳନ ପାଇଁ ନେଇଥିବା ସମସ୍ତ ପଦକ୍ଷେପ ଦୁର୍ବଳ ରହିବ ।