ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୁଇଦିନିଆ ଉଜବେକିସ୍ତାନ ଗସ୍ତରେ ଥିବାବେଳେ ତାଙ୍କୁ ସେହି ଦେଶର ସର୍ବୋଚ୍ଚ ରାଷ୍ଟ୍ରୀୟ ସମ୍ମାନ ‘ଓଲି ଦରାଜଲି ଦୁସ୍ତଲିକ୍’ ରେ ଭୂଷିତ କରାଯାଇଛି। ଉଜବେକିସ୍ତାନ ରାଷ୍ଟ୍ରପତି ଶୌକତ ମିର୍ଜିୟୋୟେଭ ପ୍ରଧାନମନ୍ତ୍ରୀ ମୋଦୀଙ୍କୁ ଏହି ସମ୍ମାନ ପ୍ରଦାନ କରିଛନ୍ତି। ଏହି ଅବସରରେ ରାଷ୍ଟ୍ରପତି ମିର୍ଜିୟୋୟେଭ କହିଛନ୍ତି, “ଆମେ ଆପଣଙ୍କୁ କେବଳ ଜଣେ ଦକ୍ଷ ତଥା ଅଭିଜ୍ଞ ରାଜନେତା ଭାବେ ନୁହେଁ, ବରଂ ଭାରତୀୟଙ୍କ ଗଭୀର ବିଶ୍ୱାସ ଜିତିଥିବା ଜଣେ ସୁନାମଧନ୍ୟ ଆନ୍ତର୍ଜାତିକ ନେତା ଭାବେ ଗ୍ରହଣ କରିଛୁ। ସାମ୍ପ୍ରତିକ ବର୍ଷଗୁଡ଼ିକରେ ଭାରତର ଦ୍ରୁତ ବିକାଶ ଓ ବିଶ୍ୱ ସ୍ତରରେ ଏହାର ବର୍ଦ୍ଧିତ ପ୍ରଭାବ ଆପଣଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱର ଫଳଶ୍ରୁତି।” ଏହି ସମ୍ମାନ ଗ୍ରହଣ କରିବା ପରେ ପ୍ରଧାନମନ୍ତ୍ରୀ ମୋଦୀ ଉଜବେକିସ୍ତାନ ସରକାର ଓ ସେଠାକାର ଜନସାଧାରଣଙ୍କ ପ୍ରତି କୃତଜ୍ଞତା ଜ୍ଞାପନ କରିଛନ୍ତି। ସୋସିଆଲ ମିଡିଆ ପୋଷ୍ଟରେ ସେ ଲେଖିଛନ୍ତି, “‘ଓଲି ଦରାଜଲି ଦୁସ୍ତଲିକ୍’ ସମ୍ମାନ ପାଇ ମୁଁ ଅତ୍ୟନ୍ତ ଗୌରବାନ୍ୱିତ। ଏହି ପୁରସ୍କାରକୁ ମୁଁ ଭାରତ ଓ ଉଜବେକିସ୍ତାନ ମଧ୍ୟରେ ଥିବା ନିବିଡ଼ ସମ୍ପର୍କ ପ୍ରତି ଉତ୍ସର୍ଗ କରୁଛି। ଦୁଇ ଦେଶ ମଧ୍ୟରେ ବନ୍ଧୁତା ଆହୁରି ସୁଦୃଢ଼ ହେଉ, ଦ୍ୱିପାକ୍ଷିକ ସହଭାଗୀତା ସବୁ କ୍ଷେତ୍ରରେ ଆଗକୁ ବଢ଼ୁ ଏବଂ ଉଭୟ ଦେଶର ନାଗରିକ ସମୃଦ୍ଧ ହୁଅନ୍ତୁ।”
Comments are closed, but trackbacks and pingbacks are open.