କ୍ୱାଡ୍ : ମାନିଲାରେ ASEAN ଶିଖର ସମ୍ମିଳନୀ ଅବସରରେ ଅନୁଷ୍ଠିତ କ୍ୱାଡ୍ ଦେଶଗୁଡ଼ିକର ଏକ ଗୁରୁତ୍ୱପୂର୍ଣ୍ଣ ବୈଠକ ସମୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରି ତାଙ୍କୁ ” ଦମ୍ଭ ବ୍ୟକ୍ତି” ବୋଲି କହିଛନ୍ତି। କ୍ୱାଡ୍ ନେତାଙ୍କ ବୈଠକରେ ଭାରତ, ଆମେରିକା, ଅଷ୍ଟ୍ରେଲିଆ ଏବଂ ଜାପାନର ଶୀର୍ଷ ନେତାମାନେ ଏକାଠି ହୋଇଛନ୍ତି। ବୈଠକ ପରେ ନେତାମାନେ ଏକ ପାରମ୍ପରିକ ଫଟୋ ପାଇଁ ପୋଜ୍ ଦେଇଥିଲେ।ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆଣ୍ଟୋନି ଆଲବାନିଜ୍ ଏବଂ ଜାପାନ ପ୍ରଧାନମନ୍ତ୍ରୀ ସାନାଏ ତାକାଏଚି ଏହି ଗୁରୁତ୍ୱପୂର୍ଣ୍ଣ କ୍ୱାଡ୍ ବୈଠକରେ ଯୋଗ ଦେଇଛନ୍ତି। ନେତାମାନେ ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରରେ ସୁରକ୍ଷା, ରଣନୈତିକ ସହଯୋଗ ଏବଂ ଆଞ୍ଚଳିକ ଚ୍ୟାଲେଞ୍ଜ ଭଳି ପ୍ରମୁଖ ପ୍ରସଙ୍ଗ ଉପରେ ଆଲୋଚନା କରିଥିଲେ। ନଭେମ୍ବର ୧୭ ତାରିଖରେ ଫିଲିପାଇନ୍ସର ରାଜଧାନୀ ମାନିଲାରେ କ୍ୱାଡ୍ ନେତାମାନଙ୍କ ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ସାକ୍ଷାତ କରିଛନ୍ତି। ସାକ୍ଷାତ ସମୟରେ ଟ୍ରମ୍ପ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜଣେ ବହୁତ ଶକ୍ତିଶାଳୀ ବ୍ୟକ୍ତି ଭାବରେ ବର୍ଣ୍ଣନା କରିଥିଲେ। ଆମେରିକା ରାଷ୍ଟ୍ରପତି ଏହା ମଧ୍ୟ କହିଥିଲେ ଯେ କ୍ୱାଡ୍ ନେତାମାନେ ତାଙ୍କର ଭଲ ବନ୍ଧୁ। ସେ ଇରାନକୁ ମଧ୍ୟ ଚେତାବନୀ ଦେଇଥିଲେ।କ୍ୱାଡ୍ ପ୍ଲାଟଫର୍ମରୁ ଟ୍ରମ୍ପ୍ କହିଥିଲେ, “ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜଣେ ବହୁତ ଦମ୍ଭ ବ୍ୟକ୍ତି, ଏବଂ ଜାପାନୀ ପ୍ରଧାନମନ୍ତ୍ରୀ ଆହୁରି କଠୋର। ଆରମ୍ଭରୁ ଏହି ଲୋକମାନଙ୍କ ଏବଂ ଏହି ଦେଶଗୁଡ଼ିକ ସହିତ ଆମର ବହୁତ ଭଲ ସମ୍ପର୍କ ରହିଛି। ମୁଁ ଦୀର୍ଘ ସମୟ ଧରି ସେମାନଙ୍କ ତିନି ଜଣଙ୍କ ସହିତ କାମ କରୁଛି ଏବଂ ସେମାନେ ସମସ୍ତେ ଭଲ ଲୋକ। ସେମାନେ ମୋର ବନ୍ଧୁ l
Comments are closed, but trackbacks and pingbacks are open.