ଛତ୍ରବଜାର ନିକଟ ପୋଲ ଭୁଶୁଡ଼ି ଦୁଇ ମୃତ, ୧ ଆହତ

କଟକ ଛତ୍ରବଜାର ନିକଟ ପରିବା ମାର୍କେଟ ପୋଲ ଭୁଶୁଡିଲା । ଛତ୍ର ବଜାରରୁ ମାଲଗୋଦାମ ସଂଯୋଗ କରୁଥିବା ପୋଲଟି ଭୁଶୁଡ଼ି ପଡ଼ି ମାଟି ତଳେ ଚାପି ହୋଇ ୨ ଜଣଙ୍କ ମୃତ୍ୟୁ ହେବା ସହିତ ୩ ଜଣ ଆହତ ହୋଇଛନ୍ତି I ଗୁରୁତର ଆହତ ବ୍ୟକ୍ତିଙ୍କୁ ବଡ଼ ମେଡ଼ିକାଲ୍‌ର ଆଇସିୟୁରେ ଭର୍ତ୍ତି କରାଯାଇଛି। ପୋଲ ତଳେ ଆଉ କିଛି ଲୋକ ଚାପି ହୋଇ ରହିଥିବା ଆଶଙ୍କା କରାଯାଉଛି I
ସୂଚନା ଅନୁଯାୟୀ ଦୀର୍ଘ ଦିନ ଧରି ପୋଲର ପୁନରୁଦ୍ଧାର କାମ ଚାଲିଥିବା ବେଳେ ଏହା ଭୁଶୁଡ଼ିପଡ଼ିଥିଲା ।ସ୍ଥାନୀୟ ଲୋକଙ୍କ କହିବା ଅନୁସାରେ ପୋଲ ତଳେ ୩ ଜଣ ଥିଲେ । ଘଟଣା ସ୍ଥଳରେ ପୋଲିସ ଏବଂ ଓଡ୍ରାଫ୍ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଗୁରୁତ୍ତର ଅବସ୍ଥାରେ ତିନିଜଣ ଆହତ ବ୍ୟକ୍ତି ଙ୍କୁ ତୁରନ୍ତ ଉଦ୍ଧାର କରି କଟକ ବଡ଼ ମେଡିକାଲ କୁ ପଠାଯାଇଛି I ମେଡ଼ିକାଲ୍‌ରେ ଦୁଇ ଜଣଙ୍କୁ ମୃତ ଘୋଷଣା କରିଥିଲେ ଡାକ୍ତର। ତେବେ ତୃତୀୟ ବ୍ୟକ୍ତିଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ବୋଲି ସୂଚନା ଦେଇଛନ୍ତି କଟକ ଡିସିପି ପ୍ରତୀକ ସିଂହ।
ଦୁର୍ଘଟଣା ସ୍ଥଳରେ କଟକ ଜିଲ୍ଲାପାଳ ଭବାନୀ ଶଙ୍କର ଚଇନୀ, ଡିସିପି ପ୍ରତୀକ ସିଂ ଓ ସିଏମ୍‌ସି କମିଶନ ଅନନ୍ୟା ଦାସ ପ୍ରମୁଖ ପହଞ୍ଚିଛନ୍ତି।