ନୂଆଦିଲ୍ଲୀ: ଭାରତ, ଆମେରିକା ଏବଂ ଅନ୍ୟାନ୍ୟ ଦେଶରେ ନିର୍ବାଚନ ଆରମ୍ଭ ହେବା ପୂର୍ବରୁ ବିଶ୍ୱ ପ୍ରସିଦ୍ଧ ସୋସିଆଲ୍ ନେଟୱାର୍କିଂ ସାଇଟ୍ ମେଟା ଏକ ବଡ଼ ନିଷ୍ପତ୍ତି ନେଇଛି | ଏହି ନିଷ୍ପତି ଫଳରେ ବିଶ୍ୱର ସମସ୍ତ ରାଜନୈତିକ ଦଳ ଉପରେ ନିଶ୍ଚିତ ଏହାର ପ୍ରଭାବ ପଡ଼ିବାର ସମ୍ଭାବନା ରହିଛି |
କୋଟି କୋଟି ବ୍ୟବହାରକାରୀଙ୍କ ପାଇଁ ମେଟାର ଏହି ନିଷ୍ପତ୍ତି ଏକ ବଡ଼ ଝଟକା | ସୂଚନାଯୋଗ୍ୟ ଯେ ମେଟା ଏପ୍ରିଲ ଆରମ୍ଭରେ ଆମେରିକା ଏବଂ ଅଷ୍ଟ୍ରେଲିଆରେ ବ୍ୟବହାରକାରୀଙ୍କ ପାଇଁ ‘ଫେସବୁକ୍ ନ୍ୟୁଜ୍’ ଫିଚର୍ସ ଶେଷ କରିବାକୁ ଯୋଜନା କରିଛି l ଖବର ଏବଂ ରାଜନୀତିରେ କମ୍ ଗୁରୁତ୍ୱ ଦେବା କମ୍ପାନୀର ଧାରଣା। ଏହାର ସ୍ପଷ୍ଟ ଅର୍ଥ ହେଉଛି ଯେ ଏହି ଆପରେ ସମ୍ବାଦ ଆକାରରେ ରାଜନୈତିକ ଦଳମାନେ ଆଉ ନିଜର ପ୍ରଚାର କରିପାରିବେ ନାହିଁ। ଏପ୍ରିଲରେ ଭାରତରେ ଏବଂ ନଭେମ୍ବର ୨୦୨୪ ରେ ଆମେରିକାରେ ନିର୍ବାଚନ ହେବ । ଏଭଳି ସମୟରେ ମେଟାର ଏହି ନିଷ୍ପତ୍ତି ବିଶ୍ୱର ର୍ଗଜନୈତିକ ଦଳ ପାଇଁ ମଧ୍ୟ ଏକ ବଡ଼ ଝଟକା । କାରଣ ବର୍ତ୍ତମାନ ମଧ୍ୟ ଏହି ଆପରେ ରାଜନୈତିକ ଖବର ଦେଖାଯିବ ନାହିଁ |
ଗତ ବର୍ଷ ବ୍ରିଟେନ, ଫ୍ରାନ୍ସ ଏବଂ ଜର୍ମାନୀରେ ଏହି ଫିଚର୍ସ ବନ୍ଦ ହୋଇଯାଇଥିଲା। ୨୦୧୯ ରେ ‘ଫେସବୁକ୍ ନ୍ୟୁଜ୍’ ଟ୍ୟାବ୍ ଲଞ୍ଚ କରାଯାଇଥିଲା ଏବଂ ଏଥିରେ ଜାତୀୟ ତଥା ଆନ୍ତର୍ଜାତୀୟ ସମ୍ବାଦ ସଂଗଠନ ସହିତ ଛୋଟ ଏବଂ ସ୍ଥାନୀୟ ପ୍ରକାଶନରୁ ଖବର ଜାରି ହୁଏ । ମେଟା କହିଛନ୍ତି ଯେ, ଉପଭୋକ୍ତାମାନେ ତଥାପି ସମ୍ବାଦ ପ୍ରବନ୍ଧଗୁଡିକର ଲିଙ୍କ୍ ଦେଖିବାକୁ ସକ୍ଷମ ହେବେ ଏବଂ ସମ୍ବାଦ ସଂସ୍ଥା ଗୁଡ଼ିକ ଅନ୍ୟ ବ୍ୟକ୍ତି କିମ୍ବା ସଂଗଠନ ପରି ସେମାନଙ୍କ ସମ୍ବାଦ ପୋଷ୍ଟ କରି ୱେବସାଇଟକୁ ପ୍ରୋତ୍ସାହିତ କରିବାରେ ସକ୍ଷମ ହେବେ।
ମେଟା କାହିଁକି ଏହି ନିଷ୍ପତ୍ତି ନେଇଛି?
ଗତ କିଛି ବର୍ଷ ମଧ୍ୟରେ ଏହାର ପ୍ଲାଟଫର୍ମରେ ଖବର ନିୟନ୍ତ୍ରଣକୁ ନେଇ ବହୁବାର ସମାଲୋଚନାର ଶୀକାର ହେବା ପରେ ମେଟା ସମ୍ବାଦ ଏବଂ ରାଜନୈତିକ ବିଷୟବସ୍ତୁକୁ ଗୁରୁତ୍ୱ ନଦେବାକୁ ନିଷ୍ପତ୍ତି ନେଇଛି। ମେଟା ମୁଖପାତ୍ର ଡାନି ଲିଭର କହିଛନ୍ତି ଯେ, ଏହି ଘୋଷଣା ଆମର ରାଜନୈତିକ ବିଷୟବସ୍ତୁ ପରିଚାଳନା ପାଇଁ ଆମର ବର୍ଷର ସମ୍ପ୍ରସାରଣ ଅଟେ । ଲୋକମାନେ ଆମଠାରୁ ଯାହା ଚାହୁଁଛନ୍ତି ତାହା ଉପରେ ଏହା ଆଧାରିତ। ମେଟା ଏହା ମଧ୍ୟ କହିଛି ଯେ, ‘ନ୍ୟୁଜ୍’ ଟ୍ୟାବ୍ ଏହାର ‘ଫ୍ୟାକ୍ଟ ଚେକ୍’ ନେଟୱାର୍କ ଏବଂ ଭୁଲ ତଥ୍ୟର ସମୀକ୍ଷା ଉପରେ ପ୍ରଭାବ ପକାଇବ ନାହିଁ। ଆଗାମୀ ଦିନରେ ଆମେରିକାରେ ରାଷ୍ଟ୍ରପତି ନିର୍ବାଚନ ରହିଥିବାରୁ କମ୍ପାନୀକୁ ତାର ବିଶ୍ୱସନୀୟତା ଉପରେ ବଡ଼ ଚ୍ୟାଲେଞ୍ଜ ସୃଷ୍ଟିକରିବ |
Comments are closed, but trackbacks and pingbacks are open.