କ୍ୟାନ୍ସର ସନ୍ଦେହରେ ଘରୁ ତଡ଼ିଦେଲେ ଶାଶୂଘର ଲୋକେ , ଆତ୍ମହତ୍ୟା କଲେ ନବବଧୁ
ଭୁବନେଶ୍ୱର : ୦୭-୦୮(ପି.ଏନ.ଏ) କ୍ୟାନସର ସନ୍ଦେହ ରେ ଘରୁ ତଡ଼ିଦେଲେ ଶାଶୂଘର ଲୋକେ I ମାନସିକ ନିର୍ଯାତନା ଯୋଗୁ ନବବଧୂ କଲେ ଆତ୍ମହତ୍ୟା। ଘଟଣା ଘଟିଛି ଭୁବନେଶ୍ୱର ମଞ୍ଚେଶ୍ୱର ଥାନା ଜିଜିପି କଲୋନୀରେ । ମୃତ ମହିଳା ହେଲେ ନିଆଳିର ପ୍ରଜ୍ଞା ପରମିତା ସ୍ୱାଇଁ । ତାଙ୍କୁ ଶାଶୂଘର ଲୋକ ନିର୍ଯାତନା ଦେଉଥିବାରୁ ଆତ୍ମହତ୍ୟା କରିଥିବା ମହିଳାଙ୍କ ଭାଇ ଥାନାରେ ଅଭିଯୋଗ କରିଛନ୍ତି ।
ଘଟଣIନୁସାରେ ଗତ ଜୁନ୍ ୮ ତାରିଖରେ ପ୍ରଜ୍ଞାଙ୍କର ବାହାଘର ହୋଇଥିଲା ଭୁବନେଶ୍ୱରର ପଟିଆରେ ରହୁଥିବା ପ୍ରଶାନ୍ତ କୁମାର ପାତ୍ରଙ୍କ ସହିତ I ବାହାଘରର ମାତ୍ର ୧୨ ଦିନପରେ ପ୍ରଜ୍ଞାଙ୍କର ଦାନ୍ତ ବିନ୍ଧା ହେଉଥିଲା I ଯାହା ଏକ ସାମାନ୍ୟ ସର୍ଜରୀ ପରେ ଭଲ ହୋଇଯାଇଥିଲା I ମାତ୍ର କ୍ୟାନ୍ସର ହୋଇଥିବା ସନ୍ଦେହରେ ପ୍ରଜ୍ଞାଙ୍କୁ ଶାଶୂ ଘର ଲୋକେ ଘରୁ ବାହାର କରି ଦେଇଥିଲେ। କିନ୍ତୁ ପରେ ଏହା କ୍ୟାନସର ନୁହେଁ ବୋଲି ଜଣାପଡିଥିଲା I ଏହା ସତ୍ତ୍ୱେ ମଧ୍ୟ ଶାଶୂଘର ଲୋକେ ପ୍ରଜ୍ଞା ଙ୍କୁ ଆଉ ଗ୍ରହଣ କରିବେ ନାହିଁ ବୋଲି ସଫା ସଫା ଶୁଣାଇ ଦେଇଥିଲେ I ଏହି ଖବର ପାଇବା ପରେ ପ୍ରଜ୍ଞା ବିଷାଦଗ୍ରସ୍ତ ହୋଇ ମାନସିକ ଭାରସାମ୍ୟ ହରାଇ ରସୁଲଗଡ଼ ସ୍ଥିତ ନିଜ ଭାଇ ଙ୍କ ଭଡା ଘରେ ରସି ଲଗାଇ ଆତ୍ମ ହତ୍ୟା କରିଥିଲେ I ପୁଲିସ ଏନେଇ ଏକ ମାମଲା ରୁଜୁ କରି ବ୍ୟବଛେଦ ନିମନ୍ତେ କ୍ୟାପିଟାଲ ହସ୍ପିଟାଲକୁ ପଠାଇ ଦେଇଛି। ତାଙ୍କ ମୃତ୍ୟୁ ପାଇଁ ତାଙ୍କ ଶାଶୁ ଘର ଲୋକମାନେ ହିଁ ଦାୟୀ ବୋଲି ପ୍ରଜ୍ଞା ଙ୍କ ଭାଇ ପ୍ରିୟବତ ସ୍ୱାଇଁ ତାଙ୍କ ଏତଲାରେ ଦର୍ଶାଇଛନ୍ତି।
Comments are closed, but trackbacks and pingbacks are open.