ଦୁର୍ଘଟଣାରେ ଜଳିଗଲା କାର

ଭୁବନେଶ୍ବର:ପୁରୀ ଜିଲା ପିପିଲି ଅନ୍ତର୍ଗତ ଦାଣ୍ଡମୁକୁନ୍ଦପୁର ବାହାବଜା ଛକ ନିକଟରେ ରବିବାର ଦୁର୍ଘଟଣା ଘଟିଛି। ଏକ ଷଣ୍ଢକୁ ବଞ୍ଚାଇବାକୁ ଯାଇ କାର ସ୍କୁଟି ଦୁର୍ଘଟଣାଗ୍ରସ୍ତ ହୋଇଛନ୍ତି। ଦୁର୍ଘଟଣା ପରେ କାରରେ ନିଆଁ ଲାଗି ଚାହୁଁଚାହୁଁ କାର ହୁତୁ ହୁତୁ ହୋଇ ଜଳିଯାଇଛି। ତେବେ ସୌଭାଗ୍ୟବଶତଃ କାରରେ ଥିବା ଯାତ୍ରୀଙ୍କ ଜୀବନ ବଞ୍ଚିଯାଇଛି। ଭୁବନେଶ୍ବରରୁ ପୁରୀ ଅଭିମୁଖେ ଓଲା ସ୍କୁଟି ଓ କାର୍‌ ଆସୁଥିଲା। ଏହି ସମୟରେ ହଠାତ୍‌ ରାସ୍ତା ଉପରକୁ ଏକ ଷଣ୍ଢ ପଳାଇ ଆସିଥିଲା । ଫଳରେ କାର୍‌ ଡ୍ରାଇଭର ଗାଡ଼ି ବାମପଟକୁ କାଟିବାରୁ ସ୍କୁଟିରେ ମାଡ଼ ହୋଇଥିଲା। ଦୁର୍ଘଟଣାପରେ ୨ ଗାଡ଼ି ରାସ୍ତାକଡ଼କୁ ଖସି ପଡ଼ିଥିଲା। କାରରେ ହଠାତ୍‌ ନିଆଁଲାଗି ଯାଇଥିଲା। ପିପିଲି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। କାରରେ ୩ ମାସର ଛୁଆକୁ ମିଶାଇ ୪ ଜଣ ଥିଲେ। ଏହି ଦୁର୍ଘଟଣାରେ କାହାର କୌଣସି କ୍ଷତି ହୋଇ ନାହିଁ।