‘ଶାନ୍ତିଲତା’ବସ ଓଲଟି ୭ ମୃତ, ୨୦ ରୁ ଉର୍ଦ୍ଧ ଆହତ
ସୋରୋ ନିକଟରେ ଯାତ୍ରୀବାହୀ ବସ୍ ଓଲଟି ଘଟଣାସ୍ଥଳରେ ୭ ଜଣ ଯାତ୍ରୀ ଙ୍କ ମୃତ୍ୟୁ ଘଟିଛି I ଏହା ସହିତ ୨୦ ରୁ ଉର୍ଦ୍ଧ ଆହତ ହୋଇଛନ୍ତି ଇ ସମସ୍ତ ମୃତାହତ ମାନଙ୍କୁ ବାଲେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଛି I
ଘଟଣାରୁ ପ୍ରକାଶ ଆଜି ଦିନ ୧୧ ତା ସମୟରେ ୪୦ ଜଣ ଯାତ୍ରୀ ଙ୍କୁ ନେଇ ଘରୋଇ ବସ୍ ‘ଶାନ୍ତିଲତା’ ଉଦଳାରୁ ଭୁବନେଶ୍ୱର ଆସୁଥିଲା । ଦିନ ଗୋଟାଏ ବେଳେ ବାଲେଶ୍ୱର ଜିଲ୍ଲା ସୋର ବିଦୁ ଛକ ନିକଟରେ କିଛି ଯାତ୍ରୀଙ୍କୁ ଓହ୍ଲାଉ ଥିବା ବେଳେ ,ପଛପଟୁ ଏକ ଟ୍ରକ ଭାରସାମ୍ୟ ହରାଇ ବସ ଟିକୁ ଧକ୍କା ଦେବା ଫଳରେ ,ବସ ଟି ନିକଟସ୍ଥ ଏକ ଖାଲକୁ ଖସି ଯାଇ ଓଲଟି ପଡ଼ିଥିଲା। ଫଳରେ ଘଟଣାସ୍ଥଳରେ ୭ ଜଣ ଯାତ୍ରୀ ଙ୍କ ମୃତ୍ୟୁ ହେବା ସହିତ ୨୦ ରୁ ଅଧିକ ଆହତ ହୋଇଛନ୍ତି I ତେବେ ଦୁର୍ଘଟଣା ପରେ ଟ୍ରକ୍ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି । ସ୍ଥାନୀୟ ଲୋକଙ୍କ ସହାୟତାରେ ଦୁର୍ଘଟଣାଗ୍ରସ୍ତ ବସ୍ରୁ ଯାତ୍ରୀମାନଙ୍କୁ ଉଦ୍ଧାର କରାଯାଇ ଅଧିକ ଚିକିତ୍ସା ନିମନ୍ତେ ବାଲେଶ୍ୱର ଡାକ୍ତରଖାନାକୁ ପଠାଯାଇଛି I ସେହିଭଳି ସାମାନ୍ୟ ଆହତ ଯାତ୍ରୀ ମାନଂକୁ ଗନ୍ତବ୍ୟ ସ୍ଥଳରେ ପହଂଚାଇବା ପାଇଁ ବାଲେଶ୍ୱର ଜିଲ୍ଲାପାଳ ତୁରନ୍ତ ନିର୍ଦ୍ଦେଶ ଦେଇଛନ୍ତି I
