ନୂଆଦିଲ୍ଲୀ : ଚେନ୍ନାଇ ଟି-୨୦ ପୂର୍ବରୁ ଟିମ୍ ଇଣ୍ଡିଆକୁ ଲାଗିଛି ଶକ୍ତ ଝଟ୍କା । ଆହତ ହୋଇଛନ୍ତି ଟିମ୍ ଇଣ୍ଡିଆର ଷ୍ଟାର ଓପନର ଅଭିଷେକ ଶର୍ମା। ଫଳରେ ସେ ଖେଳିବେ କି ନାହିଁ ସେନେଇ ଆରମ୍ଭ ହୋଇଛି ସସ୍ପେନ୍ସ । ତେବେ ଧ୍ରୁବ ଜୁରେଲ ନା ଓ୍ୱାଶିଂଟନ ସୁନ୍ଦର କାହାକୁ ମିଳିବ ଚାନ୍ସ ଚର୍ଚ୍ଚା ଚାଲିଛି । ଶୁକ୍ରବାର ଚେନ୍ନାଇ ଏମ୍ ଚିଦାମ୍ୱରମ୍ ଷ୍ଟାଡିୟମରେ ନେଟ୍ ପ୍ରାକ୍ଟିସ ସମୟରେ ତାଙ୍କ ଗୋଇଠିରେ ଆଘାତ ଲାଗିଛି । ଆଘାତ ପରେ ଅଭିଷେକଙ୍କୁ ମୈଦାନରେ ଫିଜିଓ ଟିମ୍ ସହ ଦେଖିବାକୁ ମିଳିଥିଲା । ସଂଗେ ସଂଗେ ଡ୍ରେସିଂ ରୁମ୍କୁ ନିଆଯାଇଥିଲା । ଫାଭିଲିୟନ ଫେରିବା ସମୟରେ ସେ ଟିକେ ଛୋଟେି ଛୋଟେଇ ଚାଲୁଥିବାର ଦେଖିବାକୁ ମିଳିଥିଲା । ପ୍ରାକ୍ଟିଟ ବେଳେ ସେ ବ୍ୟାଟି ବି କରିପାରିନିଥିଲେ । ୨୪ ବର୍ଷୀୟ ଅଭିଷେକ ଡ୍ରେସିଂ ରୁମ୍ରେ ଫିଜିଓ ସହ ଅଧ ଘଣ୍ଟାରୁ ଅଧିକ ସମୟ କାଟିଥିଲେ । ଅଭିଷେକ କୋଲକାତା ଟି-୨୦ରେ ବିସ୍ଫୋରକ ବ୍ୟାଟିଂ କରି ୭୯ ରନର୍ ପାଳି ଖେଳିଥିଲେ । ଯାହା ଫଳରେ ୭ ଓ୍ୱିକେଟ ଥାଇ ଇଂଲଣ୍ଡ ବିପକ୍ଷରେ ବଡ ବିଜୟ ହାସଲ କରିଥିଲା ଦଳ ।
Comments are closed, but trackbacks and pingbacks are open.