ଭିଜିଲାନ୍ସ ପଞ୍ଝାରେ ନିଲମ୍ବିତ ASI: ଏକା ସାଙ୍ଗରେ ୫ଟି ସ୍ଥାନରେ ଚାଲିଛି ଚଢ଼ାଉ

ଭିଜିଲାନ୍ସ ପଞ୍ଝାରେ ମାଲକାନଗିରି ଜିଲ୍ଲା ର ନିଲମ୍ବିତ ଏଏସଆଇ I ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ମାଲକାନଗିରି ଜିଲ୍ଲା ମାଥିଲି ଥାନାର ନିଲମ୍ବିତ ଏଏସଆଇ ଜୟଦାଶ ଖରା ଙ୍କ ଘରେ ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି I ଏଏସଆଇ ଜୟଦାସ ଖରାଙ୍କ ଘର ସମେତ ଏକା ସହିତ ୫ଟି ସ୍ଥାନରେ ଚଢ଼ାଉ ହୋଇଥିବା ଜଣାପଡିଛି । ତାଙ୍କର ମାଲକାନଗିରି ଭଡ଼ା ଘର, ସୁନାବେଡ଼Iର ସରକାରୀ ଘର , କୋରାପୁଟର ଦୁଇଟି ଘର ଓ ଶ୍ୱଶୁରର ଘରେ ଚଢାଉ କରାଯାଇଛି। ଏହି ଚଢ଼ାଉରେ ୩ ଜଣ ଡିଏସ୍‌ପି, ୫ ଜଣ ଇନ୍ସପେକ୍ଟର ଓ ଅନ୍ୟ ଭିଜିଲାନ୍ସ କର୍ମଚାରୀ ସାମିଲ ହୋଇଛନ୍ତି। ଜୟପୁର ସ୍ପେଶାଲ ଭିଜିଲାନ୍ସ ଜଜ୍‌ଙ୍କ ସର୍ଚ୍ଚ ଓ୍ୱାରେଣ୍ଟ ବଳରେ ଏହି ଚଢ଼ାଉ କରାଯାଇଛି। ତେବେ ବର୍ତ୍ତମାନ ସୁଦ୍ଧା ଜବତ ହୋଇଥିବା ସମ୍ପତ୍ତି ର ମୋଟାମୋଟି ଆକଳନ କରାଯାଇ ପାରିନାହିଁ I

ସୂଚନା ଅନୁସାରେ ,ସମ୍ପୃକ୍ତ ଏସଆଇ ଗଞ୍ଜେଇ ଚୋରା ଚାଲାଣ ଅଭିଯୋଗ ରେ ଗତମାସ ଗିରଫ ଜେଲ ଯାଇଥିଲେ ଏବଂ ପରବର୍ତ୍ତୀ ଅବସ୍ଥାରେ ଜାମିନ ରେ ଆସିଥିଲେ I ଗଂଜେଇ ଚୋରା ଚାଲାଣରେ ଅଭିଯୋଗରେ ଜୟଦାଶ ଗିରଫ ହେବା ପରେ ତାଙ୍କୁ ଚାକିରିରୁ ନିଲମ୍ବିତ କରାଯାଇଥିଲା।