ମନ୍ତ୍ରୀଙ୍କ ବାସଭବନ ଘେରାଉ

ଭୁବନେଶ୍ବର: ବିଭିନ୍ନ ଦାବି ନେଇ ମାଧ୍ୟମିକ ଶିକ୍ଷକ ସଂଘ କର୍ମକର୍ତ୍ତାମାନେ ଆଜି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀରରଂଜନ ଦାଶ ଓ ଅର୍ଥମନ୍ତ୍ରୀ ନିରଞ୍ଜନ ପୂଜାରୀଙ୍କ ଭୁବନେଶ୍ୱର ବାସଭବନ ଘେରିଛନ୍ତି।। ପ୍ଲାକାର୍ଡ ଧରି ଶିକ୍ଷକମାନେ ବିକ୍ଷୋଭ ପ୍ରଦର୍ଶନ କରୁଛନ୍ତି। ସେମାନେ କହିଛନ୍ତି, ସେମାନଙ୍କ ଦାବି ପୂରଣ ନେଇ ଲିଖିତ ପ୍ରତିଶ୍ରୁତି ମିଳିନାହିଁ, ସେପର୍ୟ୍ୟନ୍ତ ଏହି ଘେରାଉ ଜାରି ରହିବ। ମାଧ୍ୟମିକ ଶିକ୍ଷକ ସଂଘର ସଦସ୍ୟମାନଙ୍କ କହିବା ଅନୁଯାୟୀ, ସେମାନଙ୍କୁ ନୂତନ ପେନସନ ଯୋଜନା ଭୁକ୍ତ କରାଯାଉ। ଏଥିସହ ୨୦୦୪ରୁ ୨୦୧୩ ମଧ୍ୟରେ ନିଯୁକ୍ତ ହୋଇଥିବା ଶିକ୍ଷକ ଶିକ୍ଷୟତ୍ରୀମାନଙ୍କୁ ୬ ବର୍ଷ ଚୁକ୍ତି ଅବଧିକୁ ମୂଳ ଚାକିରି ସହ ଯୋଡ଼ାଯାଉ। ୬ଟି ନ୍ୟାସନାଲ ଇନକ୍ରିମେଂଟ ଦିଆଯାଉ ବୋଲି ବି ସେମାନେ ଦାବି କରିଛନ୍ତି। ୧୧ ଦିନ ଧରି ଧାରଣାରେ ବସିଥିବା ମାଧ୍ୟମିକ ଶିକ୍ଷ ସଂଘ ନିଜର ଦାବି ନେଇ ନିଜ ନିଜ ଜିଲ୍ଲାର ମନ୍ତ୍ରୀମାନଙ୍କର ବାସଭବନ ଘେରାଉ ପାଇଁ ଯୋଜନା କରିଛନ୍ତି। ଏହି ଘେରାଉର ଆରମ୍ଭ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀରରଂଜନ ଦାଶଙ୍କ ବାସଭବନରୁ ହୋଇଛି ।