ସାଧାରଣତନ୍ତ୍ର ଦିବସ ଉପଲକ୍ଷେ କଡାକଡି ସୁରକ୍ଷା ବ୍ୟବସ୍ଥା
ଆସନ୍ତାକାଲି ରାଜ୍ୟରେ ପାଳନ ହେବାକୁ ଯାଉଛି ସାଧାରଣତନ୍ତ୍ର ଦିବସ I ଭୁବନଶ୍ୱର ମହାତ୍ମାଗାନ୍ଧୀ ମାର୍ଗରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯିବା ସହ ସିସିଟଭି ଛାଉଣୀ କରାଯାଇଛି। ପଞ୍ଚସ୍ତରୀୟ ସୁରକ୍ଷା ବ୍ୟବସ୍ଥା ସହ ମୁତୟନ ହେବେ ୨୫ପ୍ଲାଟୁନ୍ ଫୋର୍ସ ଓ ୭୦ଜଣ ବରିଷ୍ଠ ପୋଲିସ ଅଧିକାରୀ।ଆସନ୍ତାକାଲିପାଇଁ ସ୍ୱତନ୍ତ୍ର ଟ୍ରାଫିକ କଟକଣା ଜାରି କରାଯାଇଛି। ଗତକାଲି ଶେଷ ହୋଇଛି ଫୁଲ ଡ୍ରେସ୍ ପରେଡ୍ ରିହରସଲ୍। ଏଥର ପୋଲିସର ୩ ବ୍ରାସବ୍ୟାଣ୍ଡକୁ ମିଶାଇ ୧୦ଟି କଣ୍ଟିଜେନ୍ ଅଂଶଗ୍ରହଣ କରିବେ। ସପ୍ତମ ବାଟାଲିୟନ୍ ସମେତ CRPF , ଏସ୍ଓଜି, ଅଗ୍ନିଶମ ଟିମ୍, ଓଡ୍ରାଫ୍ , ଏସ୍ଏସ୍ ବାଟାଲିୟନ୍ , ଓଏସ୍ପି ବାଟାଲିୟନ ଭଳି କଣ୍ଟିଜେନ୍ସ ଏଥର ପରେଡ୍ରେ ଅଂଶଗ୍ରହଣ କରିବେ। ରାଜ୍ୟପାଳ ପ୍ରଫେସର ଗଣେଶୀଲାଲ୍ ମୁଖ୍ୟ ଅତିଥି ଭାବେ ଯୋଗଦେଇ ଅଭିବାଦନ ଦେବାର କାର୍ଯ୍ୟକ୍ରମ ରହିଥିବାବେଳେ ସମ୍ମାନୀତ ଅତିଥି ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେବାର କାର୍ଯ୍ୟକ୍ରମ ରହିଛି।
