ରୁଷ ୟୁକ୍ରେନ ଯୁଦ୍ଧ :ମାରିୟୁପୋଲ ଦଖଲ କଲା ଋଷ ,ନିଜ ସୈନ୍ୟ ଙ୍କୁ ଅଭିନନ୍ଦନ ଜଣାଇଲେ ପୁଟିନ

ରୁଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ପ୍ରାୟ ଦୁଇମାସ ଧରି ଚାଲିଛି I ୟୁକ୍ରେନ ଉପରେ ପୁଟିନ ସେନା ଅଧିକ ରୁ ଅଧିକ ଉଗ୍ର ଏହଉଛନ୍ତି I କିଭ ପରେ ଅନେକ ଅଂଚଳ କୁ ନିଜ ଅଧୀନକୁ ନେଇଛି ରୁଷ । ଗୁରୁବାର ଦିନ, ରୁଷିଆ ସେନା ୟୁକ୍ରେନ ବନ୍ଦର ସହର ମାରିଅପୋଲକୁ କାବୁ କରିଛି , ଯାହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ I ଅନ୍ୟପଟେ ୟୁକ୍ରେନ୍‌ର ଶେଷ ଗଡ଼ ଅଜୋଭଷ୍ଟଲ ଷ୍ଟୀଲ ମିଲ୍‌କୁ ଦଖଲ କରିବାକୁ ପୁଟିନ ନିର୍ଦ୍ଦେଶ ଦେଇଛନ୍ତି। ହେଲେ ସେଠାରେ ଆକ୍ରମଣ ନ କରି ସହରକୁ ପୂରା ଘେରାବନ୍ଦୀ କରି ରଖିବାକୁ ସେ ନିର୍ଦ୍ଦେଶ ଦେଇଛନ୍ତି। ଯେମିତି ଏହି ଅଞ୍ଚଳରୁ କେହି ଖସି ନ ଯାଆନ୍ତି କି କୌଣସି ହେଲିକପ୍ଟର ନଉଡେ ସେଥିପ୍ରତି ଉଡ଼ାଣ ଭରିବାକୁ ସେ ନିର୍ଦ୍ଦେଶ ଦେଇଛନ୍ତି।ରୁଷ ସେନା ରାଷ୍ଟ୍ରପତି ଭ୍ଲାଦିମିର ପୁଟିନ ନିଜ ସେନାର ଏହି ଅଗ୍ରଗତି ପାଇଁ ଅଭିନନ୍ଦନ ଜଣାଇଛନ୍ତି।
ଆଜି ଋଷ ପ୍ରତିରକ୍ଷା ମନ୍ତ୍ରୀ ମାରିୟୁପୋଲ ଦଖଲ ନେଇ ସୂଚନା ଦେଇଥିଲେ। କେବଳ ଅଜୋଭଷ୍ଟଲକୁ ଛାଡ଼ିଦେଲେ ମସ୍କୋ ମାରିୟୁପୋଲକୁ ଦଖଲ କରିନେଇଛି ବୋଲି ସେ ସୂଚନା ଦେଇଥିଲେ। ଏହାପରେ ସେ ରାଷ୍ଟ୍ରପତି ପୁଟିନ ଋଷ ସେନାକୁ ପ୍ରଶଂସା କରିଥିଲେ। ତେବେ ଅଜୋଭଷ୍ଟଲ ଷ୍ଟିଲ ଫ୍ୟାକ୍ଟୋରିରେ ୟୁକ୍ରେନ୍‌ର ସୈନିକ ଲୁଚି ରହିଥିବାରୁ ଏଠାରେ ଆକ୍ରମଣ ନ କରି ଫ୍ୟାକ୍ଟ୍ରିକୁ ଚାରିଆଡ଼ୁ ବ୍ଲକ କରିବାକୁ ସେ ନିର୍ଦ୍ଦେଶ ଦେଇଛନ୍ତି।

ଋଷ ପ୍ରତିରକ୍ଷା ମନ୍ତ୍ରୀ ସର୍ଗେଇ ଶୋଇଗୁ ମଙ୍ଗଳବାର ସୂଚନା ଦେଇ କହିଥିଲେ ଯେ ସେନା ୟୁକ୍ରେନ୍ ଦୁଇଟି ପଶ୍ଚିମାଞ୍ଚଳ ମୁକ୍ତ କରିବା ପାଇଁ ଯୋଜନାବଦ୍ଧ ଭାବେ ନିଜର ଅପରେସନ ଚଳାଉଛି। ଏହାପରେ ଗୁରୁବାର ମାରିୟୁପୋଲକୁ ଦଖଲ କରିବା ନେଇ ସେ ସୂଚନା ଦେବା ସହିତ ଅଜୋଭଷ୍ଟଲ ଷ୍ଟିଲ୍ ପ୍ଲାଣ୍ଟକୁ ସୁରକ୍ଷିତ ଭାବରେ ବ୍ଲକ କରିନିଆଯାଇଛି ବୋଲି ସେ କହିଛନ୍ତି।