ନୂଆଦିଲ୍ଲୀ: ଜମ୍ମୁ କାଶ୍ମୀରରେ ଚାରୋଟି ଏବଂ ପଞ୍ଜାବରେ ଗୋଟିଏ ରାଜ୍ୟସଭା ଆସନ ପାଇଁ ନିର୍ବାଚନ କମିଶନ ନିର୍ବାଚନ ତାରିଖ ଘୋଷଣା କରିଛନ୍ତି। କମିଶନଙ୍କ ଅନୁଯାୟୀ, ଏହି ପାଞ୍ଚଟି ଆସନ ପାଇଁ ଭୋଟ୍ ଅକ୍ଟୋବର ୨୪ ତାରିଖରେ ଅନୁଷ୍ଠିତ ହେବ। ନିର୍ବାଚନ ବିଜ୍ଞପ୍ତି ଅକ୍ଟୋବର ୬ ତାରିଖରେ ଜାରି କରାଯିବ। ପ୍ରାର୍ଥୀମାନେ ଏହି ନିର୍ବାଚନ ପାଇଁ ଅକ୍ଟୋବର ୬ ତାରିଖରୁ ନାମାଙ୍କନ ଦାଖଲ କରିପାରିବେ, ଶେଷ ତାରିଖ ଅକ୍ଟୋବର ୧୩ ତାରିଖ ଧାର୍ଯ୍ୟ କରାଯାଇଛି। ସମସ୍ତ ଆବଶ୍ୟକୀୟ ଡକ୍ୟୁମେଣ୍ଟ ଏବଂ ଯୋଗ୍ୟତା ଯାଞ୍ଚ କରିବା ପାଇଁ ପ୍ରାର୍ଥୀମାନଙ୍କ ଦ୍ୱାରା ଦାଖଲ କରାଯାଇଥିବା ନାମାଙ୍କନ ପତ୍ରଗୁଡ଼ିକର ଯାଞ୍ଚ ଅକ୍ଟୋବର ୧୪ ତାରିଖରେ କରାଯିବ। ନାମାଙ୍କନ ପ୍ରତ୍ୟାହାରର ଶେଷ ତାରିଖ ଅକ୍ଟୋବର ୧୬ ତାରିଖ। ତେବେ ଭୋଟଦାନ ସକାଳ ୯ ଟାରୁ ଅପରାହ୍ନ ୪4 ଟା ପର୍ଯ୍ୟନ୍ତ ଅନୁଷ୍ଠିତ ହେବ। ଭୋଟରମାନେ ନିଜ ନିଜ ନିର୍ବାଚନମଣ୍ଡଳୀରେ ଭୋଟ୍ ଦେବାର ସୁଯୋଗ ପାଇବେ। ସେହି ଦିନ ସନ୍ଧ୍ୟା ୫ ଟାରୁ ଭୋଟ୍ ଗଣନା ଆରମ୍ଭ ହେବ ଏବଂ କିଛି ସମୟ ପରେ ଫଳାଫଳ ଘୋଷଣା କରାଯିବ।
Comments are closed, but trackbacks and pingbacks are open.