ଭୁବନେଶ୍ବର: ପୁରୀର ଆଶାକର୍ମୀ ସୁକାନ୍ତିଙ୍କୁ ଦିଲ୍ଲୀ ଡକରା ଆସିଛି। ସ୍ୱାଧୀନତା ଦିବସରେ ସେ ହେବେ ଅତିଥି। ଓଡ଼ିଶାରୁ ଏକମାତ୍ର ଆଶା କର୍ମୀ ଭାବେ ତାଙ୍କୁ ଏହି ନିମନ୍ତ୍ରଣ ମିଳିବା ପରେ ବିଭିନ୍ନ ମହଲରୁ ଶୁଭେଚ୍ଛା ମିଳିଛି। ଦେଶ ପାଳିବାକୁ ଯାଉଛି ୭୮ ତମ ସ୍ୱାଧୀନତା ଦିବସ। ଏଥର ସ୍ୱାଧୀନତା ଦିବସରେ ଦିଲ୍ଲୀରେ ଅତିଥି ହେବେ ପୁରୀ ଚନ୍ଦନପୁର ତଳଜଙ୍ଗ ଗାଁର ଆଶାକର୍ମୀ ସୁକାନ୍ତି ଜେନା। ଜାତୀୟ ସ୍ତରୀୟ ସ୍ୱାଧୀନତା ଦିବସ ସମାରୋହରେ ତାଙ୍କୁ ବିଶେଷ ଅତିଥି ଭାବରେ ଯୋଗ ଦେବାକୁ ନିମନ୍ତ୍ରଣ ମିଳିଛି। ସେ ଦିଲ୍ଲୀର ଅନ୍ୟ ଅତିଥିଙ୍କ ଗହଣରେ ବସି ପରେଡ୍ ଉତ୍ସବ ଦେଖିବାର ସୁଯୋଗ ପାଇବେ। ଏନେଇ ଜାତୀୟ ସ୍ୱାସ୍ଥ୍ୟ ମିଶନ କାର୍ଯ୍ୟାଳୟରୁ ତାଙ୍କ ନିକଟକୁ ନିମନ୍ତ୍ରଣପତ୍ର ଆସିଛି। ଆସନ୍ତା ୧୩ ଅଗଷ୍ଟରେ ସେ ଓ ତାଙ୍କ ଝିଅ ରାଜଧାନୀ ଏକ୍ସପ୍ରେସ ଯୋଗେ ନୂଆଦିଲ୍ଲୀ ଯାତ୍ରା କରିବେ। ଜାତୀୟ ସ୍ୱାସ୍ଥ୍ୟ ମିଶନର ଅନେକ ଯୋଜନାକୁ ସୁକାନ୍ତି ଲୋକମାନଙ୍କ ପାଖରେ ପହଞ୍ଚାଇଛନ୍ତି। ମ୍ୟାଲେରିଆ, ଡେଙ୍ଗୁ,ଡାଇରିଆ, ଯକ୍ଷ୍ମା ଏବଂ ମାତୃ ଓ ଶିଶୁ ମାନଙ୍କ ସ୍ୱାସ୍ଥ୍ୟ ନିମିତ୍ତ ଥିବା ଅନେକ ଯୋଜନାରସଫଳ ରୂପାୟନ ମଧ୍ୟ କରିଛନ୍ତି। ଓଡ଼ିଶାରୁ ଏକମାତ୍ର ଆଶା କର୍ମୀ ଭାବେ ତାଙ୍କୁ ଏହି ନିମନ୍ତ୍ରଣ ମିଳିବା ପରେ ବିଭିନ୍ନ ମହଲରୁ ଶୁଭେଚ୍ଛା ମିଳିଛି।
Comments are closed, but trackbacks and pingbacks are open.