ଆଜି ପ୍ରଧାନମନ୍ତ୍ରୀଙ୍କ ତେଲଙ୍ଗାନା ଗସ୍ତ !

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ତେଲଙ୍ଗାନା ଗସ୍ତ କରିବେ। ଏଠାରେ ସେ ୧୩ ହଜାର ୫୦୦ କୋଟିରୁ ଅଧିକ ମୂଲ୍ୟର ଅନେକ ପ୍ରକଳ୍ପର ଶିଳାନ୍ୟାସ ଏବଂ ଲୋକାର୍ପଣ କରିବେ। ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ) ପକ୍ଷରୁ ଜାରି ଏକ ବିବୃତ୍ତିରେ କୁହାଯାଇଛି ଯେ, ତେଲଙ୍ଗାନା ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ନାଗପୁର-ବିଜୟୱାଡା ଆର୍ଥିକ କରିଡର ସହ ଜଡିତ ଗୁରୁତ୍ୱପୂର୍ଣ୍ଣ ସଡ଼କ ପ୍ରକଳ୍ପର ମୂଳଦୁଆ ପକାଇବେ।

ଏହା ସହିତ ସେ ଭରତମାଳା ପ୍ରକଳ୍ପ ଅଧୀନରେ ବିକଶିତ ହାଇଦ୍ରାବାଦ-ବିଶାଖାପାଟନମ କରିଡର ସହ ଜଡିତ ସଡ଼କ ପ୍ରକଳ୍ପର ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି। ଏଥିସହ ପ୍ରଧାନମନ୍ତ୍ରୀ ପ୍ରମୁଖ ତୈଳ ଓ ଗ୍ୟାସ ପାଇପଲାଇନ ପ୍ରକଳ୍ପର ମୂଳଦୁଆ ପକାଇ ଏହାକୁ ଦେଶ ପାଇଁ ଉତ୍ସର୍ଗ କରିବେ। ସେ ହାଇଦ୍ରାବାଦ(କାଚିଗୁଡା)-ରାୟଚୁର ଟ୍ରେନ ସେବାକୁ ମଧ୍ୟ ସବୁଜ ପତାକା ଦେଖାଇବେ।