ଗଣତନ୍ତ୍ର ଦିବସ ପୂର୍ବ ସନ୍ଧ୍ୟାରେ ଦେଶବାସୀଙ୍କୁ ରାଷ୍ଟ୍ରପତିଙ୍କ ଉଦ୍‌ବୋଧନ: ‘ସମ୍ବିଧାନ’ ଆମ ସାମୂହିକ ପରିଚୟର ସର୍ବୋଚ୍ଚ ମୂଳଦୂଆ

ନୂଆଦିଲ୍ଲୀ: ୭୬ତମ ଗଣତନ୍ତ୍ର ଦିବସ ଅବ୍ୟବହିତ ପୂର୍ବରୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶନିବାର ସନ୍ଧ୍ୟାରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ରାଷ୍ଟ୍ରପତି ମୁର୍ମୁ ନିଜ ସମ୍ବୋଧନରେ ଦେଶର ସମ୍ବିଧାନ ଠାରୁ ଆରମ୍ଭ କରି ୱାନ୍ ନେସନ୍ ୱାନ୍ ଇଲେକ୍ସନ୍‌, ଡିଜିଟାଲ କାରବାର ତଥା ଦେଶର ଅର୍ଥବ୍ୟବସ୍ଥା ଭଳି ଅନେକ ପ୍ରସଙ୍ଗରେ ନିଜ ଅଭିବ୍ୟକ୍ତି ରଖିଛନ୍ତି। ଶ୍ରୀମତୀ ମୁର୍ମୁ କହିଛନ୍ତି ସମ୍ବିଧାନ ଆମର ସାମୂହିକ ପରିଚୟର ଆଧାର। ସମ୍ବିଧାନ ଆମ ସାମୂହିକ ପରିଚୟର ସର୍ବୋଚ୍ଚ ମୂଳଦୂଆ। ୭୫ବର୍ଷ ପୂର୍ବେ, ୨୬ ଜାନୁଆରୀରେ, ଭାରତର ସମ୍ବିଧାନ କାର୍ଯ୍ୟକାରୀ ହୋଇଥିଲା। ଦେଶର ସମ୍ବିଧାନ କାର୍ଯ୍ୟକାରୀ ହେବାର ୭୫ ବର୍ଷର ସମୟକୁ ଦେଶ ପାଇଁ ଆତ୍ମ ସମୀକ୍ଷାର ସମୟ। ଭାରତର ଗଣତନ୍ତ୍ର ମୂଲ୍ୟ ପ୍ରତିଫଳନ ଆମର ସମ୍ବିଧାନ ରଚନାରେ ମଧ୍ୟ ଦୃଶ୍ୟମାନ ହେଉଛି। ସେଥିରେ ସମସ୍ତ ବର୍ଗଙ୍କର ପ୍ରତିନିଧିତ୍ୱ ରହିଛି। ଉଲ୍ଲେଖନୀୟ କଥା ହେଉଛି ସରୋଜିନୀ ନାଇଡୁ, ରାଜକୁମାରୀ ଅମୃତ କୌର, ସୁଚେତା କ୍ରିପାଲିନି, ହଂସାବେନ୍ ମେହେଟ୍ଟା ଏବଂ ମାଳତୀ ଚୌଧୁରୀଙ୍କ ପରି ୧୫ ଜଣ ଅସାଧାରଣ ମହିଳା ମଧ୍ୟ ସାମିଲ ହୋଇଥିଲେ। ଏଥିରୁ ସ୍ପଷ୍ଟ ଯେ, ସମ୍ବିଧାନ ଆମର ସାମୂହିକ ପରିଚୟର ଆଧାର। ଆଗାମୀ ଦିନରେ ଅର୍ଥନୈତିକ ସଂସ୍କାର ସମର୍ôଥତ ବିକାଶ କାର୍ଯ୍ୟ ଜାରି ରହିବ ବୋଲି ରାଷ୍ଟ୍ରପତି ଦୃଢ଼ୋକ୍ତି ପ୍ରକାଶ କରିଛନ୍ତି। ଶ୍ରୀମତୀ ମୁର୍ମୁ କହିଛନ୍ତି, ଏକାଧିକ ଡିଜିଟାଲ ପେମେଣ୍ଟ ବିକଳ୍ପ ସହିତ ସିଧାସଳଖ ଲାଭ ସ୍ଥାନାନ୍ତରଣ ପ୍ରଣାଳୀ ଅନ୍ତର୍ଭୂକ୍ତିକୁ ପ୍ରୋତ୍ସାହିତ କରିଛି, ଯାହାକି ବହୁ ସଂଖ୍ୟକ ଲୋକଙ୍କୁ ଆନୁଷ୍ଠାନିକ ବ୍ୟବସ୍ଥାରେ ଅନ୍ତର୍ଭୁକ୍ତ କରିବାକୁ ଅନୁମତି ଦେଇଛି। ଦେଶରେ ଅର୍ଥନୈତିକ ସଂସ୍କାର ସମର୍ôଥତ ପ୍ରଗତି ଜାରି ରହିବ ଏବଂ ଏହାର ଲାଭ ଦେଶର ସମସ୍ତ ହିତାଧିକାରୀଙ୍କୁ ପ୍ରାପ୍ତ ହେବ। ଏତଦ୍‌ବ୍ୟତୀତ ଭାରତୀୟ ପେନାଲ କୋଡ, ଭାରତୀୟ ସିଭିଲ ଡିଫେନ୍ସ କୋଡ ଏବଂ ଭାରତୀୟ ଦଣ୍ଡବିଧି ଆଇନ, ଅପରାଧିକ ପ୍ରକ୍ରିୟା ସଂକେତ ଏବଂ ଭାରତୀୟ ପ୍ରମାଣ ଆଇନ ବଦଳରେ ଭାରତୀୟ ପ୍ରମାଣ ଆଇନ କାର୍ଯ୍ୟକାରୀ କରିବା ନିଷ୍ପତ୍ତି ସବୁଠାରୁ ଉଲ୍ଲେଖନୀୟ ବୋଲି ଶ୍ରୀମତୀ ମୁର୍ମୁ ଅଭିହିତ କରିଛନ୍ତି। ନିଜ ଉଦ୍‌ବୋଧନରେ ରାଷ୍ଟ୍ରପତି କହିଛନ୍ତି, ଭାରତର ଆର୍ôଥକ ଅଭିବୃଦ୍ଧି ହାର ଆକାଶଛୁଆଁ ହେଉଛି। ନିକଟ ଅତୀତରେ ଅର୍ଥନେତିକ ଅଭିବୃଦ୍ଧି ହାର କ୍ରମାଗତ ଭାବରେ ଅଧିକ ରହିଆସିଛି, ଯାହା ଆମ ଯୁବବର୍ଗମାନଙ୍କ ପାଇଁ ରୋଜଗାରର ସୁଯୋଗ ସୃଷ୍ଟି କରିଛି। କୃଷକ ଏବଂ ଶ୍ରମିକଙ୍କ ହାତରେ ଅଧିକ ଟଙ୍କା ଦେଇଛି ଏବଂ ବହୁ ସଂଖ୍ୟକ ଲୋକଙ୍କୁ ଦାରିଦ୍ର‌୍ୟରୁ ମୁକ୍ତି ଦେଇଛି। ଦେଶରେ ଦୂରଦୃଷ୍ଟି ସମ୍ପନ୍ନ ଅର୍ଥନୈତିକ ସଂସ୍କାର ଜାରି ରହିଛି। କେନ୍ଦ୍ର ସରକାରଙ୍କ ସାହସିକ ଏବଂ ଦୂରଦର୍ଶୀ ଅର୍ଥନୈତିକ ସଂସ୍କାରକୁ ପ୍ରଶଂସା କରି ରାଷ୍ଟ୍ରପତି ଆର୍ôଥକ ଅନ୍ତର୍ଭୁକ୍ତୀକରଣର ଲାଭ ସମସ୍ତଙ୍କୁ ମିଳିପାରୁଛି ବୋଲି କହିଛନ୍ତି। ନ୍ୟାୟ, ସ୍ୱାଧୀନତା, ସମାନତା ଏବଂ ଭ୍ରାତୃତ୍ୱ କେବଳ ତତ୍ତ୍ୱିକ ଧାରଣା ନୁହେଁ ଯାହାକୁ ଆମେ ଆଧୁନିକ ଯୁଗରେ ପରିଚିତ କରିଛୁ। ଏହି ଜୀବନ ମୂଲ୍ୟ ସବୁବେଳେ ଆମର ସଭ୍ୟତା ଏବଂ ସଂସ୍କୃତିର ଏକ ଅଂଶ ହୋଇଆସିଛି। ସେହିପରି ୱାନ୍ ନେସନ୍ ୱାନ୍ ଇଲେକ୍‌ସନ୍ ସମ୍ପର୍କରେ ରାଷ୍ଟ୍ରପତି ଶ୍ରୀମତୀ ମୁର୍ମୁ କହିଛନ୍ତି ଯେ, ଏହା ଦେଶର ପଲିସି ନିର୍ଦ୍ଧାରକ ହୋଇପାରିବା ସହ ଅର୍ଥନୈତିକ ଚାପକୁ ଅନେକାଂଶରେ ହ୍ରାସ କରିପାରିବ।