ନୂଆଦିଲ୍ଲୀ: ଜାତିସଂଘ ସୁରକ୍ଷା ପରିଷଦ (UNSC) ର ୧୨୬୭ ପ୍ରତିବନ୍ଧକ ମନିଟରିଂ କମିଟିର ଏକ ନୂତନ ରିପୋର୍ଟରେ ପାକିସ୍ତାନ ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ପ୍ରକାଶ ପାଇଛି। ରିପୋର୍ଟରେ ସ୍ପଷ୍ଟ ଭାବରେ କୁହାଯାଇଛି ଯେ, ପାକିସ୍ତାନ-ଭିତ୍ତିକ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ (JeM) ଦିଲ୍ଲୀର ଐତିହାସିକ ଲାଲକିଲ୍ଲା ଉପରେ ଆତଙ୍କବାଦୀ ଆକ୍ରମଣ ସହିତ ସିଧାସଳଖ ଲିଙ୍କ୍ ଥିଲା। ଏହାକୁ ଭାରତ ପାଇଁ ଏକ ବଡ଼ କୂଟନୈତିକ ବିଜୟ ବୋଲି ବିବେଚନା କରାଯାଉଛି। କାରଣ ପାକିସ୍ତାନ ଦୀର୍ଘ ସମୟ ଧରି ଦାବି କରିଆସୁଛି ଯେ, ତା’ ମାଟିରୁ କାର୍ଯ୍ୟ କରୁଥିବା ଆତଙ୍କବାଦୀ ସଂଗଠନଗୁଡ଼ିକୁ ନିଷ୍କ୍ରିୟ କରାଯାଇଛି। ରିପୋର୍ଟ ଅନୁଯାୟୀ, ଜୈଶ-ଏ-ମହମ୍ମଦ କେବଳ ଭାରତରେ ଆତଙ୍କବାଦୀ ଆକ୍ରମଣ କରିନାହିଁ, ବରଂ ତା’ର ଶକ୍ତି ଏବଂ ନେଟୱାର୍କ ବିସ୍ତାର କରୁଛି। ରିପୋର୍ଟରେ କୁହାଯାଇଛି ଯେ, ସଂଗଠନ “ଜମାତ-ଉଲ-ମୁମିନାତ” ନାମକ ଏକ ସ୍ୱତନ୍ତ୍ର ମହିଳା-ବିଭାଗ ସୃଷ୍ଟି କରିବାକୁ ମଧ୍ୟ ଯୋଜନା କରୁଛି।
Comments are closed, but trackbacks and pingbacks are open.