‘ଅପରେସନ ସିନ୍ଦୁର ଏବେ ବି ଜାରି ରହିଛି’: ପାକିସ୍ତାନ ସହିତ ଯୁଦ୍ଧବିରତି ମଧ୍ୟରେ ଭାରତୀୟ ବାୟୁସେନାର ବଡ଼ ବୟାନ

ନୂଆଦିଲ୍ଲୀ: ପାକିସ୍ତାନ ସହିତ ଯୁଦ୍ଧବିରତି ପରେ ଭାରତୀୟ ବାୟୁସେନା (IAF) ଗୁରୁତ୍ୱପୂର୍ଣ୍ଣ ସୂଚନା ଦେଇଛି। ସେନା କହିଛି ଯେ, ଅପରେସନ ସିନ୍ଦୂର ଏବେ ବି ଜାରି ରହିଛି। ଆଇଏଏଫ୍ କହିଛି ଯେ, ଆମେ ଏହି ଅପରେସନର ଉଦ୍ଦେଶ୍ୟ ପୂରଣ କରିଛୁ ଏବଂ ଏହା ବିଷୟରେ ବିସ୍ତୃତ ସୂଚନା ଦିଆଯିବ। ବିବୃତ୍ତିରେ କୁହାଯାଇଛି ଯେ, “ଭାରତୀୟ ବାୟୁସେନା (IAF) ଅପରେସନ୍ ସିନ୍ଦୂର ଅଧୀନରେ ଦିଆଯାଇଥିବା ସମସ୍ତ କାର୍ଯ୍ୟକୁ ସଠିକତା ଏବଂ ଦାୟିତ୍ୱ ସହିତ ସଫଳତାର ସହିତ ସମାପ୍ତ କରିଛି। ଏହି ଅପରେସନ୍ ଚିନ୍ତାଶୀଳ ଏବଂ ସତର୍କତାର ସହିତ କରାଯାଇଥିଲା, ଯାହା ଦେଶର ସ୍ୱାର୍ଥ ଅନୁଯାୟୀ ଥିଲା। ଯେହେତୁ ଏହି ଅପରେସନ୍ ଏବେ ବି ଜାରି ରହିଛି, ତେଣୁ ଏହାର ସମ୍ପୂର୍ଣ୍ଣ ସୂଚନା ଖୁବ୍ ଶୀଘ୍ର ଦିଆଯିବ।” ଗୁଜବରୁ ଦୂରେଇ ରହିବା ଏବଂ ଅସମୀତ ସୂଚନା ପ୍ରସାର ନ କରିବାକୁ ବାୟୁସେନା ଲୋକଙ୍କୁ ନିବେଦନ କରିଛି।ଶନିବାର ସନ୍ଧ୍ୟାରେ ବୈଦେଶିକ ମନ୍ତ୍ରଣାଳୟ କହିଛି ଯେ, ପାକିସ୍ତାନର ଅପିଲରେ ଦୁଇ ଦେଶ ମଧ୍ୟରେ ଯୁଦ୍ଧବିରତି ଲାଗୁ କରାଯାଇଛି। ତଥାପି ଏହା ସତ୍ତ୍ୱେ ପାକିସ୍ତାନ ଅସ୍ତ୍ରବିରତି ଉଲ୍ଲଂଘନ କରି ଜମ୍ମୁ-କାଶ୍ମୀର ସମେତ ଅନେକ ସ୍ଥାନରେ ଡ୍ରୋନ୍ ଏବଂ କ୍ଷେପଣାସ୍ତ୍ର ମାଡ଼ କରିଥିଲା। ଭାରତ ମଧ୍ୟ ପାକିସ୍ତାନର ଏହି କାର୍ଯ୍ୟର ଉଚିତ ଜବାବ ଦେଇଥିଲା ଏବଂ ସମସ୍ତ କ୍ଷେପଣାସ୍ତ୍ର ଏବଂ ଡ୍ରୋନକୁ ଖସାଇ ଦେଇଥିଲା। ରାତି ପ୍ରାୟ ୧୦ଟା ପରେ ପାକିସ୍ତାନ ପକ୍ଷରୁ କୌଣସି ଗତିବିଧି ଦେଖାଯାଇ ନଥିଲା।