ଭାରତରେ ଚିହ୍ନଟ ହେଲା ଓମିକ୍ରନ୍ ର ନୂତନ ଷ୍ଟ୍ରେନ୍ BA.2 : ମିଳିଲା ୫୩୦ ନମୁନା ଜାଣନ୍ତୁ ଏହା କେତେ ବିପଜ୍ଜନକ

କରୋନା ମହାମାରୀ ବିଶ୍ୱବ୍ୟାପୀ ଲୋକଙ୍କ ପାଇଁ ବିପଦ ପାଲଟିଯାଇଛି । ବିଶ୍ୱରୀ ପ୍ରାୟତଃ ସବୁ ଦେଶରେ ଏହା ପହଞ୍ଚି ସାରିଛି । ତେବେ ସବୁଠାରୁ ବଡ଼ ସମସ୍ୟା ହେଉଛି ଏହି ମହାମାରୀର ଏକାଧିକ ଷ୍ଟ୍ରେନ୍ । ଏବେସୁଦ୍ଧା ଏହି ଭାଇରସ୍ ର ୫ରୁ ୬ ଟିଷ୍ଟ୍ରେନ୍ ସାମନାକୁ ଆସିସାରିଛି । ସେଥିମଧ୍ୟରୁ ଓମିକ୍ରନ ଭାରିଆଣ୍ଟ ସବୁଠାରୁ ଅଧିକ ସଂକ୍ରାମକ । ବର୍ତ୍ତମାନ ପୁଣି ଓମିକ୍ରନ ର ନୂତନ ଭାରିଆଣ୍ଟ୍ ବା.୨ ଭାରତରୁ ଚିହ୍ନଟ ହୋଇସାରିଲେଣି । ଭାରତ ରୁ ଏହି ସବ-ଭାରିଆଣ୍ଟ ର ୫୩୦ ସାମ୍ପୁଲ ମିଳିସାରିଲାଣି I
ଏହି ଉପ-ସ୍ୱରୂପ ବିଏ.୨ ଷ୍ଟ୍ରେନ୍ ଅଧିକ ବିପଦ ଆଣିପାରେ ବୋଲି ବିଶେଷଜ୍ଞ ମାନେ ଚେତାଇଛନ୍ତି । କାରଣ ଏହା ଗୁପ୍ତ ଭାବରେ ଶରୀରରେ ବ୍ୟାପୁଛି । ଜଣେ ବ୍ୟକ୍ତି ଏହି ଷ୍ଟ୍ରେନ ଦ୍ୱାରା ସଂକ୍ରମିତ ହୋଇଛି କି ନାହିଁ ତାହା ଆରଟିପିସିଆର୍ ଟେଷ୍ଟ କରିବା ଦ୍ୱାରା ଜଣାପଡ଼ୁନାହିଁ । ଏହି କାରଣରୁ ୟୁରୋପରେ ଏହି ନୂତନ ଷ୍ଟ୍ରେନର ଲହର ଆରମ୍ଭ ହୋଇଯାଇଛି । ବ୍ରିଟେନ କହିଛି ଯେ, ୪୦ରୁ ଅଧିକ ଦେଶରେ ଓମିକ୍ରନ ଭାରିଆଣ୍ଟର ଏହି ନୂତନ ସ୍ୱରୂପ ଷ୍ଟିଲଥ୍ ଓମିକ୍ରନ ବ୍ୟାପିସାରିଛି । ୟୁରୋପରେ ଏହା ଏବେ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଆରଟିପିସିଆର୍ ରେ ଏହା ଜଣାପଡ଼ୁ ନଥିବାରୁ ଚିନ୍ତା ଦ୍ୱିଗୁଣିତ ହୋଇଛି ।
ବ୍ରିଟେନ୍ ବ୍ୟତୀତ ଡେନମାର୍କରେ ବି ଏହି ଉପ-ସ୍ୱରୂପ ବା ନୂତନ ଷ୍ଟ୍ରେନ୍ ମାମଲା ସାମନାକୁ ଆସିଛି । ବ୍ରିଟେନର ସ୍ୱାସ୍ଥ୍ୟ ଅଧିକାରୀଙ୍କ ଅନୁସାରେ, ବିଏ.୨ ଷ୍ଟ୍ରେନ୍ କୁ ଖୁବ୍ ଶୀଘ୍ର ଭାରିଆଣ୍ଟ୍ ଅଫ୍ କନ୍ସର୍ନ ଭାବରେ ଘୋଷଣା କରାଯାଇପାରେ । ତେବେ ବ୍ରିଟେନ୍ ଓ ଡେନମାର୍କ ବ୍ୟତୀତ ବିଏ.୨ ଷ୍ଟ୍ରେନ୍ ସ୍ୱିଡେନ୍, ନରୱେ ଓ ଭାରତରେ ବି ମିଳିଛି ଇ
UKHSA ର ନିର୍ଦ୍ଦେଶକ ଡକ୍ଟର ମୀରା ଚାନ୍ଦଙ୍କ ଅନୁଯାୟୀ, ଓମିକ୍ରନ୍ କ୍ରମାଗତ ଭାବରେ ପରିବର୍ତ୍ତନଶୀଳ ପ୍ରକାର ଅଟେ I ତେଣୁ ଏହାର ନୂତନ ପ୍ରଜାତି କେଉଁ RUPRE ଆସିବ ଆମେ ନଜର ରଖିଛୁ I ଆମେ କ୍ରମାଗତ ଭାବରେ ଏହାର ଜିନୋମ ସିକ୍ୱେସିଂ ଉପରେ ନଜର ରଖିଛୁ ଏବଂ ବିପଦ ସ୍ତର ଚିହ୍ନଟ କରିବାକୁ ଚେଷ୍ଟା କରୁଛୁ | UKHSA ଚେତାବନୀ ଦେଇଛି ଯେ BA.2 ଷ୍ଟ୍ରେନ୍ ରେ ୫୩ ଟି କ୍ରମ ଅଛି, ଯାହା ଅତ୍ୟଧିକ ସଂକ୍ରାମକ ଅଟେ I ଏହାର କୌଣସି ନିର୍ଦ୍ଦିଷ୍ଟ ପରିବର୍ତ୍ତନ ହୋଇନଥାଏ, ଯେଉଁଥିପାଇଁ ଏହାକୁ ଡେଲଟା ପ୍ରକାରରୁ ସହଜରେ ପୃଥକ କରାଯାଇପାରେ I