ଭୁବନେଶ୍ୱର: ପୂର୍ବ ଘୋଷଣା ଅନୁସାରେ ରାଜ୍ୟ ସରକାର ଗଠନ କରିଛନ୍ତି ଓଡ଼ିଶା ଲ’ କମିସନ। ଏଥିରେ ହାଇକୋର୍ଟର ଅବସରପ୍ରାପ୍ତ ବିଚାରପତି ଜଷ୍ଟିସ୍ ବିଶ୍ୱନାଥ ରଥ ଅଧ୍ୟକ୍ଷତା ଥିବାବେଳେ ଦୁଇଜଣ ସଦସ୍ୟ, ଦୁଇ ଜଣ ଏକ୍ସ-ଅଫିସିଓ ସଦସ୍ୟ ଏବଂ ଜଣେ ମେମ୍ବର ସଦସ୍ୟ ରହିବେ। ରାଜ୍ୟରେ ଆଇନଗତ ସଂସ୍କାର ଓ ଆବଶ୍ୟକୀୟ ବିଧେୟକ ପ୍ରଣୟନ ଦିଗରେ ଏହି ଲ’ କମିସନ ରାଜ୍ୟ ସରକାରଙ୍କୁ ସହଯୋଗ ଓ ପରାମର୍ଶ ଦେବେ। ଶୁକ୍ରବାର ରାଜ୍ୟ ସରକାରଙ୍କ ଆଇନ ବିଭାଗ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଛି। ନବଗଠିତ ଓଡ଼ିଶା ଲ’ କମିସନରେ ଦୁଇ ବରିଷ୍ଠ ଆଇନଜୀବୀ ସଦସ୍ୟ ଭାବେ କାର୍ଯ୍ୟ କରିବେ। ସେମାନେ ହେଉଛନ୍ତି ସୂର୍ଯ୍ୟ ପ୍ରକାଶ ମିଶ୍ର ଓ ସୌର ଚନ୍ଦ୍ର ମହାପାତ୍ର। ଆଡଭୋକେଟ ଜେନେରାଲ୍ ପୀତାମ୍ବର ଆଚାର୍ଯ୍ୟ ଏବଂ ଆଇନ ବିଭାଗର ପ୍ରମୁଖ ସଚିବ ଏକ୍ସ-ଅଫିସିଓ ସଦସ୍ୟ ଅଛନ୍ତି। ମେମ୍ବର ସଚିବ ଭାବେ ଜଣେ ଅତିରିକ୍ତ ସଚିବ(ଏକ୍ସ ଅଫିସିଓ) କାର୍ଯ୍ୟ କରିବେ।
Comments are closed, but trackbacks and pingbacks are open.