ନୂଆଦିଲ୍ଲୀ: NEET ପେପର ଲିକ୍ ମାମଲାରେ ସିବିଆଇ ବଡ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଗୁଜୁରାଟର ୪ ଟି ଜିଲ୍ଲାର ୭ ଟି ସ୍ଥାନରେ ସିବିଆଇ ଚଢାଉ କରିଛି। ସୂଚନାନୁସାରେ ଗୁଜୁରାଟର ଗୋଧ୍ରା, ଖେଡା, ଆନନ୍ଦ ଏବଂ ଅହମ୍ମଦାବାଦରେ ସିବିଆଇ ଚଢାଉ କରିଛି। ହଜାରିବାଗରୁ ସାମ୍ବାଦିକ ଜମାଲୁଦ୍ଦିନଙ୍କୁ ମଧ୍ୟ ସିବିଆଇ ଗିରଫ କରିଛି। ଜମାଲୁଦ୍ଦିନ ଅଧ୍ୟକ୍ଷ ଏବଂ ଉପାଧ୍ୟକ୍ଷଙ୍କୁ ସାହାଯ୍ୟ କରିଥିବା ଅଭିଯୋଗ ହୋଇଛି। କଲ୍ ବିବରଣୀରୁ ଜଣାପଡିଛି ଯେ, ଜମାଲୁଦ୍ଦିନ ଫୋନ୍ ମାଧ୍ୟମରେ ପ୍ରିନ୍ସିପାଲ୍ ଏବଂ ଭାଇସ ପ୍ରିନ୍ସିପାଲଙ୍କ ସହ ନିରନ୍ତର ଯୋଗାଯୋଗରେ ଥିଲେ। ପଚରାଉଚରା ବେଳେ ଜଣାପଡିଛି ଯେ, ସେ ପେପର ଲିକରେ ପ୍ରିନ୍ସିପାଲ ଏବଂ ଭାଇସ ପ୍ରିନ୍ସିପାଲଙ୍କୁ ସାହାଯ୍ୟ କରୁଛନ୍ତି। ଗୁଜୁରାଟର ଗୋଧ୍ରାଠାରେ ମେ ୫ ତାରିଖରେ NEET-UG ପରୀକ୍ଷାରେ ଅନିୟମିତତା ଅଭିଯୋଗରେ ଗୁଜୁରାଟ ପୋଲିସ ଗିରଫ କରିଥିବା ପାଞ୍ଚ ଜଣଙ୍କ ମଧ୍ୟରୁ ଚାରିଜଣଙ୍କୁ ଚାରି ଦିନିଆ ରିମାଣ୍ଡରେ ନେବାକୁ ସିବିଆଇ ଆବେଦନ କରିଛି। ସିବିଆଇର ଓକିଲ ଧ୍ରୁଭ ମଲିକ ଜିଲ୍ଲା କୋର୍ଟଙ୍କୁ ସୂଚନା ଦେଇଛନ୍ତି ଯେ, ଗୁଜରାଟ ପୋଲିସ ଏହା ପୂର୍ବରୁ ଅନୁସନ୍ଧାନ କରିଥିଲା, କିନ୍ତୁ ଏକ ନୂତନ ତଦନ୍ତ ଚାଲିଥିବାରୁ ଏଜେନ୍ସି ଏହି ଅଭିଯୁକ୍ତମାନଙ୍କୁ ଗିରଫ କରିବା ଆବଶ୍ୟକ ଥିଲା।
Comments are closed, but trackbacks and pingbacks are open.