ରୋଜଗାର ମେଳାରେ ୬୧,୦୦୦ ଯୁବକ, ଯୁବତୀଙ୍କୁ ନିଯୁକ୍ତି ପତ୍ର ପ୍ରଦାନ କଲେ ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଭିଡିଓ କନଫେରେନସିଂ ମାଧ୍ୟମରେ ୧୮ ତମ ରୋଜଗାର ମେଳାରେ ନବନିଯୁକ୍ତ ୬୧,୦୦୦ ଯୁବକ ଯୁବତୀଙ୍କୁ ନିଯୁକ୍ତି ପତ୍ର ପ୍ରଦାନ କରିଛନ୍ତି । ଯୁବକ, ଯୁବତୀଙ୍କୁ ପ୍ରଧାନମନ୍ତ୍ରୀ ପ୍ରଶଂସା କରି ଉଦବୋଧନ ଦେଇ କହିଛନ୍ତି ଯେ, ସମସ୍ତେ ସରକାରୀ ସେବା ପାଇଁ ନିଯୁକ୍ତି ପତ୍ର ପାଉଛନ୍ତି । ଏହି ପବିତ୍ର ୬୧,୦୦୦ ଯୁବକ ଯୁବତୀ ସେମାନଙ୍କର ନୂତନ ଅଧ୍ୟାୟ ଆରମ୍ଭ କରିବେ । ନିଯୁକ୍ତି ପତ୍ର ରାଷ୍ଟ୍ର ନିର୍ମାଣ ପାଇଁ ଏକ ନିମନ୍ତ୍ରଣ ପତ୍ର, ଏକ ବିକଶିତ ଭାରତର ବିକାଶକୁ ତ୍ୱରାନ୍ୱିତ କରିବା ପାଇଁ ଏକ ପ୍ରତିଜ୍ଞା । ଅନ୍ୟପଟେ ସେ ବ୍ୟବସ୍ଥା ପ୍ରଣୟନ କରିବା ପାଇଁ ତାଙ୍କ ସରକାରଙ୍କୁ ପ୍ରଶଂସା କରିଥିଲେ । ମହିଲା କନଷ୍ଟେବଳଙ୍କୁ କିପରି ସ୍ୱୀକୃତି ଦିଆଯାଇଛି ତାହା ଉପରେ ମଧ୍ୟ ଆଲୋକପାତ କରିଥିଲେ । ୨୬ ଜାନୁଆରୀରେ, କର୍ତ୍ତବ୍ୟ ପଥଠାରେ, ସମସ୍ତ ପୁରୁଷ ସିଆରପିଏଫ କଂଟିଜେଣ୍ଟଙ୍କ ନେତୃତ୍ୱ ଜଣେ ମହିଳା ଆସିଷ୍ଟାଣ୍ଟ କମାଣ୍ଡାଣ୍ଟ ନେବେ ମୋଦି ସମ୍ମିଳନୀରେ କହିଥିଲେ । ମୋଦି ଉଲ୍ଲେଖ କରିଥିଲେ ଯେ ଭାରତ ଅନେକ ଦେଶ ସହିତ ବାଣିଜ୍ୟ ଏବଂ ଗତିଶୀଳତା ଚୁକ୍ତି ଉପରେ କାମ କରୁଛି ଏବଂ କହିଥିଲେ ଯେ ଦେଶ ଭିତ୍ତିଭୂମିରେ ଅଭୂତପୂର୍ବ ନିବେଶ କରିଛି। ଆଜି ଭାରତ ବିଶ୍ୱର ସବୁଠାରୁ ଯୁବ ଦେଶମାନଙ୍କ ମଧ୍ୟରୁ ଗୋଟିଏ। ଆମ ସରକାରଙ୍କ ନିରନ୍ତର ପ୍ରୟାସ ହେଉଛି ଭାରତର ଯୁବପିଢ଼ିଙ୍କ ପାଇଁ ଦେଶ ଏବଂ ବିଶ୍ୱରେ ନୂତନ ସୁଯୋଗ ସୃଷ୍ଟି କରିବା। ବର୍ତ୍ତମାନ, ଭାରତ ସରକାର ଅନେକ ଦେଶ ସହିତ ବାଣିଜ୍ୟ ଏବଂ ଗତିଶୀଳତା ଚୁକ୍ତି ସ୍ୱାକ୍ଷର କରୁଛି। ଏହି ବାଣିଜ୍ୟ ଚୁକ୍ତିଗୁଡ଼ିକ ଭାରତର ଯୁବପିଢ଼ିଙ୍କ ପାଇଁ ଅନେକ ନୂତନ ସୁଯୋଗ ଆଣୁଛି।